ថ្ងៃ អង្គារ ទី ០៤ ខែ តុលា ឆ្នាំ ២០២២

​នាង រត់​រក អ្នក ! របប​យោធា មី​យ៉ាន់​ម៉ា ប្រកាសថា នឹង​នាំចូល​ប្រេងឥន្ធនៈ​ពី​ប្រទេស​រុស្ស៊ី​

​ទីភ្នាក់ងារសារព័ត៌មាន Reuters ដោយ​ដកស្រង់​ពី​ប្រភព​អ្នកនាំពាក្យ​របប​យោធា មី​យ៉ាន់​ម៉ា ( Myanmar ) បាន​ផ្សព្វផ្សាយ​នៅ​ថ្ងៃទី​១៨ ខែសីហា ឆ្នាំ​២០២២​នេះ​ឲ្យ​ដឹងថា ប្រទេស​មី​យ៉ាន់​ម៉ា គ្រោង​នឹង​នាំចូល​ប្រេងឥន្ធនៈ​ពី​ប្រទេស​រុស្ស៊ី ដើម្បី​បន្ធូរបន្ថយ​ក្តីកង្វល់​សម្រាប់​ការផ្គត់ផ្គង់ និង​បញ្ហា​ឡើងថ្លៃ​ប្រេងឥន្ធនៈ ។

​លោក Zaw Min Tun អ្នកនាំពាក្យ នៃ​របប​យោធា មី​យ៉ាន់​ម៉ា បាន​ថ្លែង​នៅក្នុង​សន្និសីទ​សារព័ត៌មាន កាលពី​ថ្ងៃទី​១៧ ខែសីហា ឆ្នាំ​២០២២​ម្សិលមិញ​ឲ្យ​ដឹងថា « យើង​បានទទួល​ការអនុញ្ញាត​ឲ្យ​នាំចូល​ប្រេងឥន្ធនៈ​ពី​ប្រទេស​រុស្ស៊ី ។ » ខណៈ​ប្រព័ន្ធ​ផ្សព្វផ្សាយ​រដ្ឋ​មី​យ៉ាន់​ម៉ា បាន​ឲ្យ​ដឹងថា ការដឹកជញ្ជូន​ប្រេងឥន្ធនៈ ដែល​បញ្ជា​ទិញ​ពី​ប្រទេស​រុស្ស៊ី និង​ប្រព្រឹត្តឡើង​តាម​កប៉ាល់ ចាប់ផ្តើម​ពី​ខែកញ្ញា ឆ្នាំ​២០២២​នេះ​តទៅ ។

​ប្រទេស​មី​យ៉ាន់​ម៉ា ដែលជា​ប្រទេស​សមាជិក​អាស៊ាន​មួយ​ដែរនោះ ដឹកនាំ​ដោយ​លោកនាយ​ឧ​ត្ត​ម​សេនីយ៍ Min Aung Hlaing បាន​ព្យាយាម​រក្សា​ទំនាក់ទំនង​មិត្តភាព​ជាមួយ​ប្រទេស​រុស្ស៊ី ដឹកនាំ​ដោយ​លោក​ប្រធានាធិបតី Vladimir Putin ទោះបី​ប្រទេស​ទាំងពីរ​កំពុង​ស្ថិតក្រោម​ការដាក់ទណ្ឌកម្ម​ពី​បណ្តា​បស្ចិមប្រទេស ក៏ដោយ ពោលគឺ មី​យ៉ាន់​ម៉ា បាន​ទទួលរង​ទណ្ឌកម្ម ដោយសារ​ការធ្វើ​រដ្ឋប្រហា​រ​យោធា កាលពី​ឆ្នាំ​២០២១​កន្លងទៅ និង​រុស្ស៊ី ទទួលរង​ទណ្ឌកម្ម ដោយសារ​ការធ្វើសកម្មភាព​ឈ្លានពាន​ទៅលើ​ប្រទេស​អ៊ុយ​ក្រែ​ន កាលពីដើមឆ្នាំ​២០២២​នេះ ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.