ថ្ងៃ អាទិត្យ ទី ០២ ខែ តុលា ឆ្នាំ ២០២២

មិនញ៉មនឹងប្រតិកម្មរបស់ចិន ! អាមេរិក ដាក់ពង្រាយនាវាចម្បាំង និងយន្តហោះចម្បាំង នៅក្បែរតៃវ៉ាន់

សារព័ត៌មាន Nikkei បានផ្សព្វផ្សាយនៅថ្ងៃទី០១​ ខែសីហា ឆ្នាំ២០២២នេះឲ្យដឹងថា សហរដ្ឋអាមេរិក បាន និងកំពុងចល័តនាវាផ្ទុកយន្តហោះចម្បាំង នាវា​ចម្បាំង និងយន្តហោះចម្បាំងជាច្រើនគ្រឿង នៅក្បែរតៃវ៉ាន់ ខណៈមានសេចក្តីរាយការណ៍ថា លោកស្រី Nancy Pelosi ប្រធានសភាអាមេរិក នឹងបំពេញ​ទស្សនកិច្ចនៅតៃវ៉ាន់ ក្នុងសប្តាហ៍នេះ ។

សេចក្តីរាយការណ៍បានឲ្យដឹងថា ក្នុងចំណោមនាវាចម្បាំង ដែលសហរដ្ឋអាមេរិក បាន និងកំពុងដាក់ពង្រាយ និងល្បាតនៅក្បែរតៃវ៉ាន់ នោះ រួមមាន ៖ នាវាផ្ទុក​​យន្តហោះចម្បាំង ដើរដោយថាមពលនុយក្លេអ៊ែរ​ ធុន USS Ronald Reagan (CVN-76) និងនាវាចម្បាំង USS Tripoli ផងដែរ ខណៈ​ការដាក់ពង្រាយនាវាចម្បាំងនៅក្បែរតៃវ៉ាន់នេះ គឺសហរដ្ឋអាមេរិក ហាក់មិនខ្វល់ទៅនឹងប្រតិកម្មរបស់ចិន បន្តិចណាឡើយ ។

នៅថ្ងៃចន្ទ ទី០១ ខែសីហា ឆ្នាំ២០២២នេះ លោកស្រី Nancy Pelosi កំពុងបំពេញទស្សនកិច្ចនៅប្រទេសសិង្ហបុរី ខណៈកិច្ចចាប់ផ្តើមដំណើរទស្សនកិច្ច​របស់​លោកស្រី មកកាន់តំបន់អាស៊ី រួមមានប្រទេសចំនួន៣ទៀត គឺ ម៉ាឡេស៊ី កូរ៉េខាងត្បូង និងជប៉ុន ។

ដូច្នេះ ប្រសិនបើសេចក្តីរាយការណ៍ខាងលើជាការពិតមែននោះ មានន័យថា លោកស្រី Nancy Pelosi នឹងឆ្ពោះទៅកាន់តៃវ៉ាន់ ក្រោយការចាកចេញពី​ប្រទេសសិង្ហបុរី តែម្តង ៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.