ថ្ងៃ ចន្ទ ទី ២៦ ខែ កញ្ញា ឆ្នាំ ២០២២

​យក្ស​រុស្ស៊ី​នៅ​ញញើត​អ៊ុយ​ក្រែ​ន ! រុស្ស៊ី​លុបចោល​ការ​ប្រារព្ធ​ទិវា​កងទ័ពជើងទឹក (Navy Day) ក្រោម​ការ​ចោទថា អ៊ុយ​ក្រែ​ន​វាយប្រហារ​ដោយ​យន្តហោះ Drone

​ទីភ្នាក់ងារសារព័ត៌មាន Reuters ដោយ​ដកស្រង់​ពី​ប្រភព​មន្ត្រីជាន់ខ្ពស់​រុស្ស៊ី នៅ​តំបន់ Crimea បាន​ផ្សព្វផ្សាយ​នៅ​ថ្ងៃទី​៣១ ខែកក្កដា ឆ្នាំ​២០២២​នេះ​ឲ្យ​ដឹងថា អាជ្ញាធរ​រុស្ស៊ី បានសម្រេច​ចិត្ត​លុបចោល​កម្មវិធី​ប្រារព្វ​ទិវា​កងទ័ពជើងទឹក (Navy Day) ដោយ​រុស្ស៊ី​បាន​ចោទប្រកាន់​ទៅលើ​អ៊ុយ​ក្រែ​ន​ថា បាន​បើក​ការវាយប្រហារ​ដោយ​យន្តហោះ ដ្រូ​ន (Drone) លើ​ទីស្នាក់ការ​កណ្តាល នៃ​កងទ័ពជើងទឹក​រុស្ស៊ី ប្រចាំ​តំបន់​សមុទ្រ​ខ្មៅ នៅមុន​ការរៀបចំ​ពិធី​ទី​វា​កងទ័ពជើងទឹក បណ្តាល​ឲ្យ​មនុស្ស​៥​នាក់​រងរបួស ។

​លោក Mikhail Razvozhayev អភិបាល​ទីក្រុង Sevastopol ជាទី​តាំង​កងទ័ព​រុស្ស៊ី​ប្រចាំ​តំបន់​សមុទ្រ​ខ្មៅ​កំពុង​ឈរជើង បានបញ្ជាក់​តាម​សារ Telegram ថា មាន​វត្ថុ​មិន​ស្គាល់​អត្តសញ្ញាណ​មួយ​បាន​ហោះចូល​តំបន់​នៃ​ទីស្នាក់ការ​កណ្តាល និង​បើក​ការវាយប្រហារ ដែល​តាម​ព័ត៌មាន​បឋម ត្រូវបាន​អះអាងថា គឺជា​យន្តហោះ​ដ្រូ​ន ។

​ការចោទប្រកាន់​របស់​រុស្ស៊ី​ទៅលើ​អ៊ុយ​ក្រែ​ន គឺ​កើតមានឡើង​តែ​ប៉ុន្មាន​ម៉ោង​ប៉ុណ្ណោះ មុនពេល​ដែល​លោក Vladimir Putin ប្រធានាធិបតី​រុស្ស៊ី ត្រូវ​ចូលរួម​ដោយផ្ទាល់​ក្នុងការ​ប្រារព្ធ​ទិវា​កងទ័ពជើងទឹក​រុស្ស៊ី នៅ​ទីក្រុង St.Peterburg ។

​អ៊ុយ​ក្រែ​ន មិនទាន់​ធ្វើ​អត្ថាធិប្បាយ​ឆ្លើយតប​ណាមួយ​ទៅនឹង​ការចោទប្រកាន់​របស់​រុស្ស៊ី​នៅឡើយ​ទេ ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.