ថ្ងៃ សុក្រ ទី ១៩ ខែ សីហា ឆ្នាំ ២០២២

​ទីបំផុត ចុះចូល ! មេដឹកនាំ​គណបក្ស​ខ្មែរ​ស្រឡាញ់​ជាតិ ប្រកាស​រំលាយ​បក្ស និង​កៀរគរ​គ្នា​ចុះចូល​គណបក្សកាន់អំណាច​

​នៅ​ថ្ងៃទី​២៩ ខែកក្កដា ឆ្នាំ​២០២២​នេះ លោក ជីវ កត្តា ប្រធាន​គណបក្ស​ខ្មែរ​ស្រឡាញ់​ជាតិ បាន​ចុះហត្ថលេខា​នៅលើ​សេចក្តីប្រកាស​ព័ត៌មាន​មួយ​របស់​គណបក្ស ដោយ​ប្រកាស​រំលាយ​គណបក្ស​ខ្មែរ​ស្រឡាញ់​ជាតិ ចាប់ពី​ថ្ងៃទី​២៩ ខែកក្កដា ឆ្នាំ​២០២២ តទៅ និង​អំពាវនាវ​ឲ្យ​សមាជិក​គណៈកម្មាធិការ​នាយក និង​សមាជិក​គណបក្ស​ខ្មែរ​ស្រឡាញ់​ជាតិ នាំគ្នា​ចូលមក​រួមរស់​ជាមួយ​គណបក្ស​ប្រជាជន​កម្ពុជា (CPP) វិញ ។

​លោក ជីវ កត្តា អាយុ​៦០​ឆ្នាំ អតីត​អ្នកតំណាងរាស្ត្រ​គណបក្ស​សង្គ្រោះ​ជាតិ ធ្លាប់​ត្រូវបាន​ហាមឃាត់​ការធ្វើសកម្មភាព​នយោបាយ រយៈពេល​៥​ឆ្នាំ ដំណាលគ្នា​នឹង​ការរំលាយ​គណបក្ស​សង្គ្រោះ​ជាតិ (CNRP) ដោយ​អំណាច​សាលដីកា​លេខ ៣៤០ (​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧ របស់​តុលាការ​កំពូល ។ ប៉ុន្តែ ក្រោយមក លោក ជីវ កត្តា ក៏​ទទួលបាន​ការផ្តល់​នីតិសម្បទា​នយោបាយ​ឡើងវិញ ដោយ​ព្រះរាជក្រឹត្យ​លេខ នស​/​រកត​/០៣១៩/៤៣៦ ចុះ​ថ្ងៃទី​១៩ ខែមីនា ឆ្នាំ​២០១៩ ។ បន្ទាប់ពី​ទទួលបាន​ការផ្តល់​នីតិសម្បទា​នយោបាយ​ឡើងវិញ លោក ជីវ កត្តា ក៏បាន​បង្កើត​គណបក្ស​នយោបាយ​ថ្មី​មួយ​ឈ្មោះ គណបក្ស​ខ្មែរ​ស្រឡាញ់​ជាតិ និង​បាន​ចូលរួម​ដាក់​បញ្ជី​ឈ្មោះ​បេក្ខជន​ប្រកួតប្រជែង​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ដោយ​ទទួលបាន​អាសនៈ​ចំនួន ០៥​អាសនៈ (​តែ​មិន​ទទួលបាន​អាសនៈ​មេឃុំ ចៅសង្កាត់ ទេ ) ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.