ថ្ងៃ សុក្រ ទី ១៩ ខែ សីហា ឆ្នាំ ២០២២

​ឡើង​តំណែង​បានសម្រេច ! កូនប្រុស​ផ្កាយ​៤ ទេសរដ្ឋមន្ត្រី គន់ គីម ទទួលបាន​ការតែងតាំង​ជា ចៅហ្វាយខេត្ត​ព្រះវិហារ​

​បន្ទាប់ពី​ទទួលបាន​ការតែងតាំង​មុខតំណែង​ជា អគ្គនាយករង នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ ប្រមាណ​០៥​ខែ​រួចមក កូនប្រុស​ឯកឧត្តម​នា​យ​ឧ​ត្ត​ម​សេនីយ៍ គន់ គីម ទេសរដ្ឋមន្ត្រី ទទួលបន្ទុក​បេសកកម្ម​ពិសេស និង​ជា​អនុប្រធាន​ទី​១ គណៈកម្មាធិការ​ជាតិ​គ្រប់គ្រង​គ្រោះមហន្តរាយ គឺ​លោក គីម រិទ្ធី ឧ​ត្ត​ម​មន្ត្រី​ថ្នាក់​លេខ​៣ ក៏ត្រូវ​បានតែងតាំង​មុខតំណែង​ថ្មី​ជា អភិបាល នៃ​គណៈ​អភិបាលខេត្ត​ព្រះវិហារ ដោយ​ព្រះរាជក្រឹត្យ​លេខ នស​/​រកត​/០៧២២/៨៦២ ចុះ​ថ្ងៃទី​២៧ ខែកក្កដា ឆ្នាំ​២០២២ តាម​សេចក្តីក្រាបបង្គំទូលថ្វាយ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ។

​កាលពី​ថ្ងៃទី​០៣ ខែកុម្ភៈ ឆ្នាំ​២០២២​កន្លងទៅ​ថ្មីៗ លោក គីម រិទ្ធី ឧ​ត្ត​ម​មន្ត្រី​ថ្នាក់​លេខ​៤ អតីត​អភិបាលរង នៃ​គណៈ​អភិបាលខេត្ត​កណ្តាល ត្រូវបាន​ផ្ទេរ​ភារកិច្ច​ឲ្យ​មកកាន់​មុខតំណែង​ជា អគ្គនាយករង នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ ដោយ​អនុក្រឹត្យ​លេខ ៥៩​អនក្រ​.​ត​ត ។ ពោលគឺ ត្រឹម​រយៈពេល​ប្រមាណ​០៥​ខែ លោក គីម រិទ្ធី ឋានន្តរស័ក្តិ​ឧ​ត្ត​ម​មន្ត្រី ថ្នាក់​លេខ​៤ ក្របខ័ណ្ឌ​មន្ត្រី​គ្រប់គ្រង​រដ្ឋបាល​ជាន់ខ្ពស់ ក្រសួងមហាផ្ទៃ ក៏បាន​ឡើង​ឋានន្តរស័ក្តិ​ជា ឧ​ត្ត​ម​មន្ត្រី ថ្នាក់​លេខ​៣ ។

​លោក គីម រិទ្ធី អតីត​ជា​នាយទាហាន​ថ្នាក់​ឧ​ត្ត​ម​សេនីយ៍ ​នៃ​កងយោធពល​ខេមរភូមិន្ ទ​ក្រសួងការពារជាតិ អត្តលេខ​០០៤៤៦៥ ឋានន្តរស័ក្តិ​ឧ​ត្ត​ម​សេនីយ៍​ឯក (​ផ្កាយ​៣) និង​បាន​ផ្ទេរ​ក្របខ័ណ្ឌ​មកជា​មន្ត្រីរដ្ឋបាល​ជាន់ខ្ពស់​ ក្រសួងមហាផ្ទៃ​ ក្នុង​ឋានន្ត​រ​ស័ក្តិ​វរមន្ត្រី​ថ្នាក់​លេខ​៦ ​វិញ ដោយ​ព្រះរាជក្រឹត្យ​លេខ​ នស​/​រកត​/១២១៤/១៥២៧ ចុះ​ថ្ងៃទី​៣១ ខែធ្នូ ឆ្នាំ​២០១៤ ។ មុនពេល​ផ្ទេរ​ក្របខ័ណ្ឌ​ ពី​នាយទាហាន​ឋានន្តរស័ក្តិ​ថ្នាក់​ឧ​ត្ត​ម​សេនីយ៍​ឯក (​ផ្កាយ​៣) មកជា​មន្ត្រីរដ្ឋបាល​ជាន់ខ្ពស់​ ក្រសួងមហាផ្ទៃ​ ក្នុង​ឋានន្ត​រ​ស័ក្តិ​វរមន្ត្រី​ថ្នាក់​លេខ​៦​នោះ លោក គីម រិទ្ធី ក៏ត្រូវ​បានតែងតាំង​ជា​អភិបាលរង ​នៃ​គណៈ​អភិបាល​ខេត្តកណ្តាល ដោយ​អនុក្រឹត្យ​លេខ ​១៧២៨​អន​ក្រើ​.​ត​ត ចុះ​ថ្ងៃទី​២៩ ខែធ្នូ ឆ្នាំ​២០១៤ តាមរបៀប «​កូន​កើតមុន​ឪ ព​តា​ដើរលេង​» (Sic!) ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.