ថ្ងៃ សុក្រ ទី ១៩ ខែ សីហា ឆ្នាំ ២០២២

​ចំណូល​ពន្ធ​កើនឡើង ! ត្រឹម​ឆមាស​ទី​១ ឆ្នាំ​២០២២ អគ្គនាយក​ដ្ឋានពន្ធដារ​ប្រមូល​ចំណូល​ពន្ធ​បាន​ជិត​២​ពាន់​លាន​ដុល្លារ កើន​ជិត​៣០%​បើ​ធៀប​នឹង​ឆ្នាំ​២០២១

​របាយការណ៍​ដែល​បានបង្ហាញ​នៅក្នុង​កិច្ចប្រជុំ​បូកសរុប​លទ្ធផល​ការងារ​ប្រមូល​ចំណូល​ពន្ធ​ប្រចាំ​ខែមិថុនា និង​ប្រចាំឆមាស​ទី​១ ឆ្នាំ​២០២២ ព្រមទាំង​ទិសដៅ​សម្រាប់​អនុវត្ត​បន្ត​របស់​អគ្គនាយកដ្ឋាន​ពន្ធដារ នៃ​ក្រសួង​សេដ្ឋកិច្ច និង​ហិរញ្ញវត្ថុ កាលពី​ថ្ងៃទី​១៩ ខែកក្កដា ឆ្នាំ​២០២២​ម្សិលមិញ​នេះ​ឲ្យ​ដឹងថា ក្នុង​ឆមាស​ទី​១ ឆ្នាំ​២០២២ អគ្គនាយកដ្ឋាន​ពន្ធដា​រ​ប្រមូល​ចំណូល​ពន្ធ​-​អាករ​បាន​ចំនួន ៧ ៩៨០,៥៧ ប៊ី​លាន​រៀល (​ប្រមាណ ១ ៩៧០,៥១​លាន​ដុល្លារ​អាមេរិក​) ស្មើនឹង ៦៩,៨៩% នៃ​ផែនការ​ច្បាប់​ហិរញ្ញវត្ថុ​ប្រចាំឆ្នាំ ។ ចំណូល​ពន្ធ​-​អាករ រយៈពេល​០៦​ខែ ឆ្នាំ​២០២២​នេះ បើ​ធៀប​ទៅនឹង​រយៈពេល​ដូចគ្នា​នៃ​ឆ្នាំ​២០២១​កន្លងទៅ គឺមាន​ការកើនឡើង​ចំនួន ១ ៨៣៣,៥៩ ប៊ី​លាន​រៀល (​ប្រមាណ ៤៥២,៧៤​លាន​ដុល្លារ​អាមេរិក​) ស្មើនឹង ២៩,៨៧% ។

​ចំណូល​ពី​ប្រភេទ​ពន្ធ​សំខាន់ៗ​ក្នុង​ឆមាស​ទី​១ ឆ្នាំ​២០២២ បាន​រក្សា​កំណើន​ធៀប​នឹង​រយៈពេល​ដូចគ្នា​ក្នុង​ឆ្នាំ​២០២១ រួមមាន ៖ ពន្ធ​លើ​ប្រាក់ចំណូល ២៧,១៩% អាករ​លើ​តម្លៃបន្ថែម ៣៣,៣៧% ពន្ធលើប្រាក់បៀវត្ស​រ៍ ២៥,១៦% អាករ​ពិសេស ៣៤,០១% ពន្ធ​ប្រថាប់ត្រា​លើ​ការផ្ទេរកម្មសិទ្ធិ​អចលនទ្រព្យ ៤៤,៣៨% និង​ពន្ធ​លើ​ឈ្នួល​ផ្ទះ និង​ដី ១០,១២% ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.