ថ្ងៃ អាទិត្យ ទី ១៤ ខែ សីហា ឆ្នាំ ២០២២

៧​ក្រុមហ៊ុន ៧​លាន​ដុល្លារ ! ក្រុមហ៊ុន​ចំនួន​០៧ បាន​បរិច្ចាគ​ទឹកប្រាក់​៧​លាន​ដុល្លារ ជូន​រាជរដ្ឋាភិបាល​ដើម្បី​បំបាត់​គ្រាប់មីន​នៅ​កម្ពុជា

​ដោយ​សមានចិត្ត​ឈឺឆ្អាល​តាម​ការអំពាវនាវ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ក្នុង​ពិធី​លែង​កូន​ត្រី ប្រារព្ធ​ទិវា​មច្ឆា​ជាតិ នៅ​ខេត្តបន្ទាយមានជ័យ នា​វេលា​ព្រឹក​មិញ ទៅដល់​សប្បុរសជន​ឲ្យ​ចូលរួម​បំបាត់​គ្រាប់មីន និង​យុទ្ធ​ភ័​ណ្ឌ​មិនទាន់​ផ្ទុះ ដើម្បី​ឲ្យ​កម្ពុជា​ឈានទៅ​គ្មាន​គ្រាប់មីន នៅ​ឆ្នាំ​២០២៥​ខាងមុខ​នោះ គិត​ត្រឹម​វេលា​ល្ងាច​នា​ថ្ងៃទី​០១ ខែកក្កដា ឆ្នាំ​២០២២​ដដែល​នេះ មាន​ក្រុមហ៊ុន​យ៉ាងហោចណាស់​ចំនួន​០៧ បានប្រកាស​បរិច្ចាគ​ថវិកា​ខ្ទង់លាន​ដុល្លារ​អាមេរិក​ក្នុង​មួយក្រុម​ហ៊ុន ជូន​រាជរដ្ឋាភិបាល​កម្ពុជា​ដើម្បី​ចូលរួម​បំបាត់​គ្រាប់មីន​នៅ​កម្ពុជា សរុប​ចំនួន​៧​លាន​ដុល្លារ​អាមេរិក ជាអាទិ៍ ៖

១-​ក្រុមហ៊ុន ជីបម៉ុង ដែលមាន​អ្នកឧកញ៉ា ភាព ហៀក ជា​ប្រធាន​ក្រុមប្រឹក្សាភិបាល ចំនួន ១​លាន​ដុល្លារ​អាមេរិក ។

២-​ក្រុមហ៊ុន Royal Group ដែលមាន​អ្នកឧកញ៉ា គិត ម៉េង ជា​អគ្គនាយក ចំនួន ១​លាន​ដុល្លារ​អាមេរិក ។​

៣-​ក្រុមហ៊ុន Prince Holding Group ដែលមាន​អ្នកឧកញ៉ា ចេ​ន ហ្ស៊ី ជា​ប្រធាន​ក្រុមប្រឹក្សាភិបាល ចំនួន ១​លាន​ដុល្លារ​អាមេរិក ។​

៤-​ក្រុមហ៊ុន បុរី​ឡេង​ណា​វ៉ា​ត្រា ដែលមាន​អ្នកឧកញ៉ា ឡេង ភ​ត្រា ហៅ ឡេង ណា​វ៉ា​ត្រា ជា​អគ្គនាយក ចំនួន ១​លាន​ដុល្លារ​អាមេរិក ។​

៥-​ក្រុមហ៊ុន បុរី​ពិភពថ្មី ដែលមាន​អ្នកឧកញ៉ា ហុង ពី​វ ជា​អគ្គនាយក ចំនួន ១​លាន​ដុល្លារ​អាមេរិក ។

៦-​ក្រុមហ៊ុន OCIC និង​ធនាគារ​កាណាឌីយ៉ា ដែលមាន​ឧកញ៉ា ពុង ឃាវ​សែ ជា​អគ្គនាយក ចំនួន ១​លាន​ដុល្លារ​អាមេរិក ។​

៧-​ក្រុមហ៊ុន Shukaku Inc. ដែលមាន​ឯកឧត្តម​ឧកញ៉ា ឡាវ ម៉េង​ឃី​ន និង​ជំទាវ​ឧកញ៉ា ជឹ​ង សុភាព ហៅ​យាយ​ភូ ជា​អគ្គនាយក ចំនួន ១​លាន​ដុល្លារ​អាមេរិក ។​

​ក្រៅពី​ក្រុមហ៊ុន​ទាំង​៧​ខាងលើនេះ នឹង​នៅមាន​ក្រុមហ៊ុន និង​សប្បុរសជន​ជាច្រើន​ទៀត​ចូលរួម​បរិច្ចាគ​ថវិកា​ជូន​រាជរដ្ឋាភិបាល​ដើម្បី​បំបាត់​គ្រាប់មីន​នៅ​កម្ពុជា​តាម​ការអំពាវនាវ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ជា​ហូរហែ ៕

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.