ថ្ងៃ អាទិត្យ ទី ០៣ ខែ កក្កដា ឆ្នាំ ២០២២

​វគ្គ​ចែកផ្លូវ​គ្នា ! អគ្គិសនី​កម្ពុជា (EDC) ជូនដំណឹង​រំលាយ​កិច្ចព្រមព្រៀង​ជួល​បង្គោល​អគ្គិសនី​សម្រាប់​ព្យួរ​ខ្សែ​កា​ប្លិ៍​អុ​ប​ទិ​ក​ជាមួយ​ក្រុមហ៊ុន DTV Star

កាលពី​ថ្ងៃទី​០២ ខែឧសភា ឆ្នាំ​២០២២​កន្លងទៅ​ថ្មីៗ​នេះ អគ្គិសនី​កម្ពុជា (EDC) បានចេញ​លិខិត​ជូនដំណឹង​មួយ​លេខ​២៣០៥​អក​.​រប ទៅ​ក្រុមហ៊ុន Cambodian Singmeng Telemedia Co.,Ltd. ដោយ​បញ្ជាក់​អំពី​ជំហរ​របស់​អគ្គិសនី​កម្ពុជា​ថា នឹង​រំលាយ​កិច្ចព្រមព្រៀង​ចុះ​ថ្ងៃទី​០១ ខែសីហា ឆ្នាំ​២០១៨ ស្តីពី​ការជួល​បង្គោល​អគ្គិសនី​សម្រាប់​ព្យួរ​ខ្សែ​កា​ប្លិ៍​អុ​ប​ទិ​កនៅ​រាជធានី​ភ្នំពេញ និង​ខេត្តកណ្តាល រវាង​អគ្គិសនី​កម្ពុជា និង​ក្រុមហ៊ុន DTV Star Co.,Ltd. ។

​អនុលោម​តាម​លិខិត​ជូនដំណឹង​លេខ​២៣០៥​អក​.​រប ចុះ​ថ្ងៃទី​០២ ខែឧសភា ឆ្នាំ​២០២២​របស់​អគ្គិសនី​កម្ពុជា​បានបង្ហាញ​ឲ្យ​ឃើញថា អគ្គិសនី​កម្ពុជា​ធ្លាប់បាន​ចុះ​កិច្ចព្រមព្រៀង​នៅ​ថ្ងៃទី​០១ ខែសីហា ឆ្នាំ​២០១៨ ស្តីពី​ការជួល​បង្គោល​អគ្គិសនី​សម្រាប់​ព្យួរ​ខ្សែ​កា​ប្លិ៍​អុ​ប​ទិ​កនៅ​រាជធានី​ភ្នំពេញ និង​ខេត្តកណ្តាល ជាមួយ​ក្រុមហ៊ុន DTV Star Co.,Ltd. និង​ក្រោយមក​ក្រុមហ៊ុន DTV Star Co.,Ltd. ក៏បាន​ផ្ទេរសិទ្ធិ​អនុវត្ត​កាតព្វកិច្ច​នៃ​កិច្ចព្រមព្រៀង​នេះ​បន្តទៅ​ឲ្យ​ក្រុមហ៊ុន Cambodian Singmeng Telemedia Co.,Ltd. នៅ​ថ្ងៃទី​២៨ ខែសីហា ឆ្នាំ​២០១៨ ។

​ការណ៍​ដែល​ជំរុញ​ឲ្យ​អគ្គិសនី​កម្ពុជា​សម្រេច​ប្រកាស​រំលាយ​កិច្ចព្រមព្រៀង​ជួល​បង្គោល​អគ្គិសនី​សម្រាប់​ជួល​ខ្សែ​កា​ប្លិ៍​អុ​ប​ទិ​កនៅ​រាជធានី​ភ្នំពេញ និង​ខេត្តកណ្តាល​ជាមួយ​ក្រុមហ៊ុន DTV Star Co.,Ltd. នោះ គឺ​ដោយសារ​ក្រុមហ៊ុន Cambodian Singmeng Telemedia Co.,Ltd. ជំពាក់​បំណុល​ថ្លៃឈ្នួល​បង្គោល​អគ្គិសនី​មិនបាន​ទូទាត់​អស់​រយៈពេល​ជាច្រើន​ខែ និង​អគ្គិសនី​កម្ពុជា​ក៏មាន​ការលំបាក​ក្នុងការ​ទំនាក់​ទំនងជា​មួយក្រុម​ហ៊ុន​នេះ​ទៀតផង ។

​អគ្គិសនី​កម្ពុជា​បាន​តម្រូវ​ឲ្យ​ក្រុមហ៊ុន Cambodian Singmeng Telemedia Co.,Ltd. និង​តតិយជន​ធ្វើការ​ទូទាត់​បំណុល​ថ្លៃឈ្នួល​បង្គោល​ភ្លើង​ជូន​អគ្គិសនី​កម្ពុជា និង​ធ្វើ​ការរុះរើ​ខ្សែ​កា​ប្លិ៍​អុ​ប​ទិ​ក​របស់ខ្លួន​ឲ្យ​អស់​ចេញពី​បង្គោល​ភ្លើង​របស់​អគ្គិសនី​កម្ពុជា​ក្នុងអំឡុង​រយៈពេល​០២ (​ពីរ​) ខែ ចាប់​ពីថ្ងៃ​ជូនដំណឹង​នេះ ហើយ​បើ​ផុត​រយៈពេល​កំណត់ អគ្គិសនី​កម្ពុជា​នឹងដាក់​ពាក្យបណ្តឹង​ទៅ​តុលាការ​ជា​សមត្ថកិច្ច ។

​មិនទាន់​បានដឹង​ពិត​ប្រាកដថា ក្រុមហ៊ុន Cambodian Singmeng Telemedia Co.,Ltd. ជំពាក់​បំណុល​ថ្លៃឈ្នួល​បង្គោល​ភ្លើង​របស់​អគ្គិសនី​កម្ពុជា​សម្រាប់​ព្យួរ​ខ្សែ​កា​ប្លិ៍​អុ​ប​ទិ​ក​របស់ខ្លួន​ចំនួន​ប៉ុន្មាន​នៅឡើយ​ទេ ៕​

Filed in: Feature, ព័ត៌មានជាតិ, សេដ្ឋកិច្ច

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.