ថ្ងៃ សៅរ៏ ទី ០២ ខែ កក្កដា ឆ្នាំ ២០២២

«​ដូរ​ដៃ​»​ហើយ ! អតិថិជន​ក្រុមហ៊ុន Opennet ដែល​ជាប់​ក្នុង​សំណុំរឿង​ក្ស័យធន​ត្រូវបាន​ផ្ទេរ​ទៅ​ឲ្យ​ក្រុមហ៊ុន Ezecom

នៅ​ទីបំផុត កាលពី​ថ្ងៃទី​០៥ ខែឧសភា ឆ្នាំ​២០២២​ម្សិលមិញ​នេះ លោក អ៊ុក រី ដែលជា​អភិបាល​បណ្តោះអាសន្ន​នៃ​កូនបំណុល​ក្រុមហ៊ុន King Technologies Co.,Ltd. ហៅថា Opennet បានចេញ​សេចក្តីប្រកាស​ព័ត៌មាន​ឲ្យ​ដឹងថា អតិថិជន​ទាំងអស់​របស់​ក្រុមហ៊ុន Opennet ត្រូវបាន​ផ្ទេរ​ទៅ​ឲ្យ​ក្រុមហ៊ុន Ezecom Co.,Ltd. ជា​ផ្លូវការ ។

​ដំណើរការ​ផ្ទេរ​អតិថិជន​របស់​ក្រុមហ៊ុន Opennet ដែលជា​ក្រុមហ៊ុន​មាន​ថៅកែ​ធំ​ជា​ជនជាតិ​វៀតណាម​ឈ្មោះ Dinh Quang Tuan បម្រើ​សេវាកម្ម Internet ប្រភេទ VoIP និង ISP នៅ​កម្ពុជា​អស់​រយៈពេល​ជាង​១០​ឆ្នាំទៅ​ឲ្យ​ក្រុមហ៊ុន Ezecom Co.,Ltd.​ដូច្នេះ គឺ​បន្ទាប់ពី​ក្រុមហ៊ុន Opennet ជាប់​ក្នុង​សំណុំរឿង​ក្ស័យធន​នៅ​ស្ថាប័ន​តុលាការ​ក្រោម​បណ្តឹង​របស់​ក្រសួង​ប្រៃសណីយ៍ និង​ទូរគមនាគមន៍ (MPTC) និង​ក្នុងខណៈ​ក្រុមហ៊ុន Opennet នៅ​ជំពាក់​បំណុល​រដ្ឋ​ចំនួន​ជាង​១០​លាន​ដុល្លារ​អាមេរិក ហើយ​ត្រូវបាន​សាលាដំបូង​រាជធានី​ភ្នំពេញ​សម្រេច​តែងតាំង​លោក អ៊ុក រី ជា​អភិបាល​បណ្តោះអាសន្ន​ក្នុង​សំណុំរឿង​ក្ស័យធន​ទល់នឹង​ក្រុមហ៊ុន Opennet នេះ ។​

​សូមបញ្ជាក់​ជូន​ដែរ​ថា ក្រុមហ៊ុន Ezecom Co.,Ltd. គឺជា​ក្រុមហ៊ុន​ទទួលបាន​អាជ្ញា​បណ្ណ​ប្រតិបត្តិ​ការផ្តល់សេវា Internet ប្រភេទ ISP ពី​ក្រសួង MPTC ៕

Filed in: Feature, ព័ត៌មានជាតិ, សេដ្ឋកិច្ច

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.