ថ្ងៃ ពុធ ទី ២៥ ខែ ឧសភា ឆ្នាំ ២០២២

ជា​អំពើ​សងសឹក​របស់​មហា​អំណាច​យោធា ? រុស្ស៊ី​ធ្វើ​សមយុទ្ធ​យោធា​ទ្រង់ទ្រាយ​ធំ​នៅ​ប្រជុំ​កោះមាន​ជម្លោះ​ជាមួយ​ជប៉ុន​

ទីភ្នាក់ងារសារព័ត៌មាន Interfax បាន​ផ្សព្វផ្សាយ​នៅ​ថ្ងៃទី​២៦ ខែមីនា ឆ្នាំ​២០២២​នេះ​ឲ្យ​ដឹងថា កងកម្លាំង​យោធា​ប្រទេស​រុស្ស៊ី​ជាង​៣​ពាន់​នាក់​បានចាប់ផ្តើម​ធ្វើ​សមយុទ្ធ​ទ្រង់ទ្រាយ​ធំ​មួយ​នៅ​តំបន់​ប្រជុំ​កោះ​ដែល​កំពុងមាន​វិវាទ​ជាមួយ​ប្រទេស​ជប៉ុន បន្ទាប់ពី​កិច្ចចរចា​ដើម្បី​ស្វែងរក​សន្ធិសញ្ញា​សន្តិភាព​បញ្ចប់សង្គ្រាម​លោក​ជា​ផ្លូវការ​រវាង​ប្រទេស​ទាំងពីរ​ត្រូវបាន​ផ្អាក​រួចមក ។​

​សមយុទ្ធ​យោធា​នេះ​បាន​កើតមានឡើង​បន្ទាប់ពី​ក្រសួងការបរទេស​រុស្ស៊ី​ប្រកាស​ផ្អាក​កិច្ចចរចា​សន្ធិសញ្ញា​សន្តិ​ភាព​ដើម្បី​បញ្ចប់សង្គ្រាម​លោក​ជា​ផ្លូវការ​ជាមួយ​ជប៉ុន ដោយសារ​ការដាក់ទណ្ឌកម្ម​របស់​ទីក្រុង​តូ​ក្យូ (Tokyo) ប្រឆាំងនឹង​ទីក្រុង​មូ​ស្គូ (Moscow) ជុំវិញ​សង្គ្រាម​ឈ្លានពាន​នៅ​ប្រទេស​អ៊ុយ​ក្រែ​ន ។​

​តំបន់​ទីប្រជុំ​កោះមាន​វិវាទ​រវាង​ប្រទេស​រុស្ស៊ី និង​ប្រទេស​ជប៉ុន​នោះ ស្ថិតនៅ​ចន្លោះ​កោះ Hokkaido នៃ​ប្រទេស​ជប៉ុន និង​ឧបទ្វីប Kamchatka នៃ​ប្រទេស​រុស្ស៊ី ។ ជប៉ុន​បាន​ហៅ​តំបន់​កំពុងមាន​ជម្លោះ​នោះ​ថា ដែនដី​ភាគ​ខាងជើង និង​រុស្ស៊ី​ហៅថា Kuril ។ ភាគី​ជប៉ុន​បាន​អះអាងថា អតីត​សហភាពសូវៀត​បាន​ដណ្តើម​កាន់កាប់​ដោយ​ខុសច្បាប់​លើ​ប្រជុំ​កោះ​ចំនួន​៤​នៅ​ទីនោះ​ភ្លាមៗ​បន្ទាប់ពី​ជប៉ុន​ប្រកាស​ចុះចាញ់​សង្គ្រាមលោកលើកទី​២ កាលពី​ខែសីហា ឆ្នាំ​១៩៤៥ ខណៈ​ភាគី​រុស្ស៊ី​ប្រកែក​ថា អំពើ​របស់ខ្លួន គឺ​ស្របច្បាប់ ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.