ថ្ងៃ ពុធ ទី ២៥ ខែ ឧសភា ឆ្នាំ ២០២២

​ឡើង​គោរមងារ ! ឧកញ៉ា តាំង ផេង​ប៉ោ ទទួលបាន​ការផ្តល់​គោរមងារ​ថ្មី​ជា «​អ្នកឧកញ៉ា​»

យោងតាម​សេចក្តីក្រាបបង្គំទូលថ្វាយ​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ឧកញ៉ា តាំង ផេង​ប៉ោ ដែល​គេ​ស្គាល់​ថា​ជា​ថៅកែ​ថ្នាំលាប​ដ៏​ល្បីឈ្មោះ​នៅ​កម្ពុជា និង​ជា​ថៅកែ​ក្រុមហ៊ុន Tang Phengpor Glass Tempering Factory Co.,Ltd. ផងដែរ​នោះ ត្រូវបាន​សម្តេច​វិបុល​សេនា​ភក្តី សាយ ឈុំ ប្រមុខរដ្ឋស្តីទី ក្នុង​ព្រះបរមនាម និង​ព្រះរាជ​ត្រាស់បង្គាប់​របស់​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា ត្រាស់បង្គាប់​ផ្តល់​គោរមងារ​ជា «​អ្នកឧកញ៉ា​» ដោយ​ព្រះរាជក្រឹត្យ​លេខ​នស​/​រកត​/០៣២២/២០០ ចុះ​ថ្ងៃទី​០៧ ខែមីនា ឆ្នាំ​២០២២ ។

​លោក តាំង ផេង​ប៉ោ ដែល​គេ​ស្គាល់​ថា ជា​អ្នកជំនួញ​ដ៏​សកម្ម​ម្នាក់​នៅ​កម្ពុជា បើតាម​ប្រភព​ឯកសារ​ខ្លះ​បាន​ឲ្យ​ដឹងថា ទទួលបាន​ការតែងតាំង​គោរមងារ​ជា​ឧកញ៉ា ដោយ​ព្រះរាជក្រឹត្យ​លេខ​នស​/​រកត​/០៧០៨/៨២៩ ចុះ​ថ្ងៃទី​០២ ខែកក្កដា ឆ្នាំ​២០០៨ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.