ថ្ងៃ ពុធ ទី ២៥ ខែ ឧសភា ឆ្នាំ ២០២២

ទីផ្សារ​អាវុធ ! អាមេរិក​គ្រោង​លក់​រថក្រោះ​២៥០​គ្រឿង​ឲ្យ​ប៉ូឡូញ​

ទីភ្នាក់ងារសារព័ត៌មាន Reuters បាន​ផ្សព្វផ្សាយ​នៅ​ថ្ងៃទី​១៩ ខែកុម្ភៈ ឆ្នាំ​២០២២​នេះ​ដោយ​ដកស្រង់​តាម​ការប្រកាស​របស់លោក Lloyd Austin រដ្ឋមន្ត្រី​ការពារជាតិ​សហរដ្ឋអាមេរិក​កាលពី​ថ្ងៃទី​១៨ ខែកុម្ភៈ ឆ្នាំ​២០២២​ម្សិលមិញ​ឲ្យ​ដឹងថា សហរដ្ឋអាមេរិក​មាន​គម្រោង​លក់​រថក្រោះ​ធុន Abrams ចំនួន​២៥០​គ្រឿង​ឲ្យ​ទៅ​ប្រទេស​ប៉ូឡូញ ខណៈ​សហរដ្ឋអាមេរិក បាន និង​កំពុង​ជួយ​ពង្រឹងសមត្ថភាព​ការពារជាតិ​នៃ​បណ្តា​ប្រទេស​ក្នុង​តំបន់​អឺរ៉ុប​ខាងកើត​នៅ​ចំពោះមុខ​ភាព​តានតឹង​រវាង​មហាអំណាច​យោធា​រុស្ស៊ី និង​អ៊ុយ​ក្រែ​ន ។​

​បច្ចុប្បន្ន សហរដ្ឋអាមេរិក​បាន​បញ្ជូន​កម្លាំង​កងទ័ព​ប្រមាណ​ជិត​៥​ពាន់​នាក់​បន្ថែម​ទៅកាន់​ប្រទេស​ប៉ូឡូញ​ជា​សម្ព័ន្ធមិត្ត​អង្គការ​ណា​តូ (NATO) របស់ខ្លួន រួមទាំង​យន្តហោះ​ចម្បាំង​ជាច្រើន​គ្រឿង​ទៀត​ដែលជា​ការឆ្លើយតប​រប​ស់​សហរដ្ឋអាមេរិក​ទៅនឹង​វិបត្តិ​អ៊ុយ​ក្រែ​ន ។​

​រថក្រោះ​ធុន Abrams ឬ​ហៅថា M1 Abrams ត្រូវបាន​សហរដ្ឋអាមេរិក​ផលិតឡើង និង​ដាក់​ឲ្យ​ប្រើប្រាស់​តាំងពី​អំឡុង​ឆ្នាំ​១៩៨០​ទល់​បច្ចុប្បន្ន និង​ក៏បាន​អភិវឌ្ឍន៍​បច្ចេកវិទ្យា​បន្ថែម​ជា​បន្តបន្ទាប់​ផងដែរ​ដោយ​ក្រុមហ៊ុន Detroit Arsenal Tank Plant ដែលមាន​ចំនួន​ប្រមាណ​ជាង​១​ម៉ឺន​គ្រឿង និង​មានតម្លៃ​ប្រមាណ​ជិត​១០​លាន​ដុល្លារ​ក្នុង​មួយគ្រឿង ៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.