ថ្ងៃ សុក្រ ទី ០៧ ខែ តុលា ឆ្នាំ ២០២២

យកលុយ​អ្នក​ប្រើ​លឿន​តែ​ទូទាត់​បំណុល​ឲ្យ​រដ្ឋ​យឺត ! ក្រសួង​គំរាម​ព្យួរ​អាជ្ញា​បណ្ណ Internet របស់​ក្រុមហ៊ុន Opennet ដោយសារ​មិនបាន​ទូទាត់​បំណុល​រដ្ឋ​

​កាលពី​ថ្ងៃទី​១០ ខែកុម្ភៈ ឆ្នាំ​២០២២​កន្លងទៅ​ថ្មីៗ ក្រសួង​សេដ្ឋកិច្ច និង​ហិរញ្ញវត្ថុ (MEF) និង​ក្រសួង​ប្រៃសណីយ៍ និង​ទូរគមនាគមន៍ (MPTC) បានចេញ​សេចក្តីជូនដំណឹង​មួយ​លេខ​០០២​សហវ ជម្រាប​ដល់​សាធារណជន​ទាំងអស់​ឲ្យ​បាន​ជ្រាបថា ក្រុមហ៊ុន King Technologies Co.,Ltd.(Opennet) ដែលជា​ប្រតិបត្តិ​ករ​ផ្តល់​សេវា Internet មិនទាន់បាន​អនុវត្ត​កាតព្វកិច្ច​ទូទាត់​បំណុល​ជូន​រដ្ឋ​នៅឡើយ ។

​សេចក្តីជូនដំណឹង​រប​ស់​ក្រសួង MEF និង​ក្រសួង MPTC បានសម្រេច​ទុក​រយៈពេល​ចំនួន​០៧​ថ្ងៃ គិត​ចាប់​ពីថ្ងៃ​ក្រសួង​ចេញ​សេចក្តីជូនដំណឹង​នេះ​ដើម្បី​ឲ្យ​ក្រុមហ៊ុន Opennet ចូលមក​បំពេញ​កាតព្វកិច្ច​ទូទាត់​បំណុល​នៃ​ចំណូល​បែងចែក (Revenue Share) និង​បំណុល​ដទៃទៀត​ដែល​ក្រុមហ៊ុន​នៅ​ជំពាក់​រដ្ឋ​ជា​កំហិត ។ លើសពីនេះ ក្រសួង​បានធ្វើ​ការព្រមាន​ផងដែរ​ថា ក្នុងករណី​ក្រុមហ៊ុន Opennet នៅតែ​គេចវេះ​មិន​ព្រម​ទូទាត់​បំណុល​ជូន​រដ្ឋ​ទេនោះ ក្រសួង​នឹង​ចាត់វិធានការ​ព្យួរ​អាជ្ញា​បណ្ណ​របស់​ក្រុមហ៊ុន និង​អនុវត្ត​មាត្រា​៧៨​នៃ​ច្បាប់​ស្តីពី​ទូរគមនាគមន៍ ព្រមទាំង​ចាត់វិធានការ​ដទៃទៀត​ស្របតាម​ច្បាប់ និង​លិខិតបទដ្ឋាន​គតិយុត្ត​ជា​ធរមាន ។​

​ទោះយ៉ាងណា​ក៏ដោយ ក្រសួង MEF និង​ក្រសួង MPTC មិនបាន​បញ្ជាក់​ឲ្យ​ដឹង​អំពី​ទំហំ​ទឹកប្រាក់​បំណុល​ដែល​ក្រុមហ៊ុន Opennet នៅ​ជំពាក់​រដ្ឋ​មាន​ចំនួន​ប៉ុន្មាន​ពិតប្រាកដ​នោះឡើយ ។

​សូមបញ្ជាក់​ជូន​ថា ក្រុមហ៊ុន King Technologies Co.,Ltd. (Opennet) ទទួលបាន​អាជ្ញា​បណ្ណ​ប្រតិបត្តិ​ការផ្តល់សេវា VoIP និង​សេវា ISP ពី​ក្រសួង MPTC ៕​

Filed in: Feature, ព័ត៌មានជាតិ, សេដ្ឋកិច្ច

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.