ថ្ងៃ ចន្ទ ទី ២០ ខែ កញ្ញា ឆ្នាំ ២០២១

កុំ​ចង់​សាក​ជាមួយ​អ៊ីស្រាអែល​ទោះ​សម័យ COVID-19 ក៏ដោយ ! អ៊ីស្រាអែល​វាយប្រហារ​តាមផ្លូវ​អាកាស​យ៉ាង​កក្រើក​លើ​តំបន់ Gaza ទុកជា​ការសង​សឹក​

​សារព័ត៌មាន Reuters បាន​ផ្សព្វផ្សាយ​ដោយ​ដកស្រង់​ពី​ប្រភព​យោធា​អ៊ីស្រាអែល​នៅ​ថ្ងៃទី​២៤ ខែសីហា ឆ្នាំ​២០២១​នេះ​ឲ្យ​ដឹងថា យន្តហោះ​ចម្បាំង​អ៊ីស្រាអែល​បាន​បើក​ការវាយប្រហារ​តាមផ្លូវ​អាកាស​លើ​ទីតាំង​ជាច្រើន​កន្លែង​របស់​ក្រុម​ហា​ម៉ាស (Hamas) ក្នុង​តំបន់ Gaza Strip ជាការ​សងសឹក​ទៅនឹង​សកម្មភាព «​បង្ហោះ​ប៉េងប៉ោង​ភ្ជាប់​គ្រឿងផ្ទុះ​» ចូលមកក្នុង​ទឹកដី​អ៊ីស្រាអែល ។​

​ប្រភព​យោធា​អ៊ីស្រាអែល​បាន​អះអាង​ឲ្យ​ដឹងថា ការវាយប្រហារ​តាមផ្លូវ​អាកាស​របស់ខ្លួន​មាន​គោលដៅ​លើ​រោងចក្រ​ផលិត​អាវុធ​មួយកន្លែង និង​ទីតាំង​បាញ់​គ្រាប់​រ៉ុក្កែត​មួយកន្លែង​ទៀត​របស់​ក្រុម Hamas ក្នុង​តំបន់ Gaza ខណៈ​មិនទាន់មាន​ប្រភព​រាយការណ៍​ឲ្យ​ដឹង​អំពី​ទំហំ​នៃ​ការខូចខាត​ដោយសារ​ការវាយប្រហារ​នេះ​នៅឡើយ ។

​សារព័ត៌មាន Xinhua របស់​ចិន​បាន​ផ្សព្វផ្សាយ​ដោយ​ដកស្រង់​ពី​ប្រភព​ក្រសួងសុខាភិបាល​របស់​ប្រទេស​អ៊ីស្រាអែល​បាន​ឲ្យ​ដឹងថា ចាប់តាំងពី​ថ្ងៃ​ឆ្លង​ដំបូង​នា​ថ្ងៃទី​២៧ ខែកុម្ភៈ ឆ្នាំ​២០២០​កន្លងទៅ រហូតមកទល់​ពេលនេះ​ប្រទេស​អ៊ីស្រាអែល​មាន​ករណី​ឆ្លង​ជំងឺ​កូ​វីដ​-១៩ (COVID-19) សរុប​ចំនួន ១ ០០៥ ៥១១​នាក់​ហើយ ក្នុងចំណោម​ប្រជាពលរដ្ឋ​សរុប​ចំនួន​ជាង​៩​លាន​នាក់ (​ចំនួន​ឆ្លង​ច្រើន​ជាប់​លំដាប់​លេខ​រៀង​ទី​៣៥​ក្នុងចំណោម​បណ្តា​ប្រទេស និង​ដែនដី​ចំនួន ២២២​នៅលើ​ពិភពលោក​) ខណៈ​មាន​ករណី​ស្លាប់បាត់​បង់ជីវិត​ចំនួន ៦ ៨៦៤​នាក់ ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.