ថ្ងៃ អាទិត្យ ទី ២០ ខែ មិថុនា ឆ្នាំ ២០២១

អាសូរ​ជីវិត​កម្មករ កម្មការិនី ! កម្មការិនី​ម្នាក់​មាន​ផ្ទៃពោះ​០៧​ខែ ចេញពី​អតីត​តំបន់​ក្រហម​នៅ​រាជធានី​ភ្នំពេញ​រកឃើញ​ឆ្លង​ជំងឺ COVID-19 និង​ស្លាប់​បាត់បង់​ជី​វីត​នៅ​ខេត្តកំពង់ចាម

យោងតាម​សេចក្តីប្រកាស​ព័ត៌មាន​ចុះ​ថ្ងៃទី​១០ ខែឧសភា ឆ្នាំ​២០២១​របស់​រដ្ឋបាល​ខេត្តកំពង់ចាម​បាន​ឲ្យ​ដឹងថា មានកម្ម​ការិនី​ម្នាក់​ឈ្មោះ សាន គឹម​ឡាង អាយុ​២៧​ឆ្នាំ បម្រើ​ការងារ​នៅ​រោងចក្រ GNT រាជធានី​ភ្នំពេញ បាន​ស្លាប់បាត់​បង់ជីវិត​កាលពី​ថ្ងៃទី​១០ ខែឧសភា ឆ្នាំ​២០២១ ពេលវេលា​ម៉ោង​០៦ និង​០៥​នាទី​ព្រឹក​ទាំង​មាន​ផ្ទៃពោះ​០៧​ខែ ដោយសារ​ជំងឺ​កូ​វីដ​-១៩ (COVID-19) ។​

​សេចក្តីប្រកាស​ព័ត៌មាន​របស់​រដ្ឋបាល​ខេត្តកំពង់ចាម​ក៏បាន​បញ្ជាក់​ឲ្យ​ដឹង​ដែរ​ថា ស្ត្រី​ជា​កម្មការិនី​រោងចក្រ​ដែល​ស្លាប់បាត់​បង់ជីវិត​ដោយសារ​ជំងឺ​កូ​វីដ​-១៩​នោះ បានធ្វើ​ដំណើរ​រួមជាមួយ​ប្តី​ឈ្មោះ ស៊ុន រ៉ា​យុទ្ធ ពី​តំបន់​ក្រហម រាជធានី​ភ្នំពេញ (​ស្នាក់នៅ​បន្ទប់​ជួល​ម្តុំ​ព្រៃ​ស រាជធានី​ភ្នំពេញ​) មក​ស្រុកកំណើត​នៅ​ភូមិ​ក្បាលកោះ ឃុំ​កោះអណ្តែត ស្រុក​ស្រី​សន្ធរ ខេត្តកំពង់ចាម នា​ថ្ងៃទី​០៦ ខែឧសភា ឆ្នាំ​២០២១ ។ ព្រោះតែ​ស្ត្រី​រូបនេះ និង​ស្វាមី​បានធ្វើ​ដំណើរ​ចាក​ចេញពី​តំបន់​ក្រហម រាជធានី​ភ្នំពេញ អាជ្ញាធរ​ក៏បាន​តម្រូវ​ឲ្យ​ធ្វើ​ច​ត្តា​ឡី​ស័ក និង​យក​សំណាក​ទៅពិនិត្យ​រក​មេរោគ​ជំងឺ​កូ​វីដ​-១៩ តាមរយៈ​ឧបករណ៍​តេស្ត​រហ័ស (Rapid Test) ហើយ​ទទួលបាន​លទ្ធផល​វិជ្ជមាន​មេរោគ​ជំងឺ​កូ​វីដ​-១៩ ខណៈ​នៅវេលា​ម៉ោង​១៧​ល្ងាច​នា​ថ្ងៃ​ដដែល ស្ត្រី​ជា​កម្មការិនី​រូបនេះ មាន​អាកា​រៈ​ក្តៅខ្លួន ក្អក និង​ហត់​ដង្ហក់​ខ្លាំង និង​ត្រូវបាន​ក្រុមគ្រូពេទ្យ​ជួយសង្គ្រោះ​តាម​លក្ខណៈ​បច្ចេកទេស​រហូតដល់​ប្រើ​ម៉ាស៊ីន​ជំនួយ​ផ្លូវដង្ហើម​ទៀតផង ។ ពីមួយថ្ងៃ​ទៅមួយថ្ងៃ ស្ថានភាព​អ្នកជំងឺ​រិត​តែ​ធ្ងន់ធ្ងរ​ឡើងៗ មិនអាច​ក្រុមគ្រូពេទ្យ​ជួយសង្គ្រោះ​បាន ទើប​នាំ​ឲ្យ​អ្នកជំងឺ​ឈានទៅ​ស្លាប់បាត់​បង់ជីវិត​នៅ​ថ្ងៃទី​១០ ខែឧសភា ឆ្នាំ​២០២១​តែម្តង ។​

​គួរបញ្ជាក់​ជូន​ដែរ​ថា យោងតាម​ដំណើរ​រឿងហេតុ​នៃ​ការធ្វើដំណើរ​របស់​កម្ម​ការិនី​ឈ្មោះ សាន គឹម​ឡាង (​ស្លាប់បាត់​បង់ជីវិត​ទាំង​មាន​ផ្ទៃពោះ​០៧​ខែ​) និង​ស្វាមី​ឈ្មោះ ស៊ុន រ៉ា​យុទ្ធ ដែល​ចាក​ចេញពី​ភូមិសាស្ត្រ​រាជធានី​ភ្នំពេញ​ទៅកាន់​ស្រុកកំណើត​នៅ​ខេត្តកំពង់ចាម​នោះ គឺ​ឋិត​ក្នុង​រយៈពេល​ការអនុវត្ត​វិធាន​ការបិទ​ខ្ទប់ (Lockdown) នៅ​រាជធានី​ភ្នំពេញ​ត្រូវបាន​បិទ​បញ្ចប់​ហើយៗ​នៅ​ភូមិសាស្ត្រ​សង្កាត់​ព្រៃ​ស ខណ្ឌដង្កោ រាជធានី​ភ្នំពេញ ក៏​លែង​ជា «​តំបន់​ក្រហម​» ទៀត​ដែរ (​ក្លាយជាតំបន់​លឿង​ចាប់ពី​ថ្ងៃទី​០៦ ខែឧសភា រហូតដល់​ថ្ងៃទី​១២ ខែឧសភា ឆ្នាំ​២០២១ និង​រហូតមកដល់​ប​ច្ចុ​ប្បន្ន​) ។

​ទោះយ៉ាងណា​ក៏ដោយ ជា​អកុសល​កម្មការិនី​ឈ្មោះ សាន គឹម​ឡាង ដែល​ធ្វើដំណើរ​ចាក​ចេញពី​ភូមិសាស្ត្រ​រាជធានី​ភ្នំពេញ​ទៅដល់​ស្រុកកំណើត​នៅ​ខេត្តកំពង់ចាម​ត្រូវបាន​តេស្ត​រកឃើញ​វិជ្ជមាន​មេរោគ​វីរុស​ជំងឺ​កូ​វីដ​-១៩ និង​បាន​ស្លាប់បាត់​បង់ជីវិត​ទាំង​មាន​ផ្ទៃពោះ​០៧​ខែ ដ៏​គួរ​ឲ្យ​អាណោចអាធ័ម និង​សោកស្តាយ​ជាទីបំផុត​នៅក្នុង «​ព្រឹត្តិការណ៍​សហគមន៍ ២០ កុម្ភៈ ២០២១» ៕​

Filed in: Feature, ព័ត៌មានជាតិ, សុខភាព

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.