ថ្ងៃ ចន្ទ ទី ១០ ខែ ឧសភា ឆ្នាំ ២០២១

ប្តី​ឆ្លង​ពី​ប្រពន្ធ ! មន្ត្រី​អគ្គាធិការដ្ឋាន​ក្រសួងផែនការ​ម្នាក់​បាន​ឆ្លង​ជំងឺ COVID-19 ពី​ភរិយា​របស់ខ្លួន​

ក្រសួងផែនការ​បានចេញ​សេចក្តីជូនដំណឹង​មួយ​លេខ​០៣២៧​ផ​ក ចុះ​ថ្ងៃទី​២២ ខែមេសា ឆ្នាំ​២០២១​ឲ្យ​ដឹងថា លោក វង្ស សុខ​នី អាយុ​៣៨​ឆ្នាំ ជា​មន្ត្រី​នៃ​អគ្គាធិការដ្ឋាន​ក្រសួងផែនការ មាន​អាសយដ្ឋាន​ឋិត​នៅ​ផ្លូវជាតិ​លេខ​១ ភូមិ​ព្រែ​កជាង​ព្រំ សង្កាត់​វាល​ស្បូវ ខណ្ឌ​ច្បារអំពៅ រាជធានី​ភ្នំពេញ ត្រូវបាន​តេស្ត​រកឃើញ​វិជ្ជមាន​មេរោគ​វីរុស​ជំងឺ​កូ​វីដ​-១៩ (COVID-19) នៅវេលា​ព្រឹក​នា​ថ្ងៃទី​២២ ខែមេសា ឆ្នាំ​២០២១ ហើយ​ករណី​វិជ្ជមាន​មេរោគ​វីរុស​ជំងឺ COVID-19 នេះ គឺ​លោក វង្ស សុខ​នី បាន​ឆ្លង​វីរុស​កូ​វីដ​-១៩ ពី​ភរិយា​របស់លោក​ឈ្មោះ ជុន អ៊ីង អាយុ​៣៦​ឆ្នាំ ដែល​ត្រូវបាន​ក្រសួងសុខាភិបាល​តេស្ត​រកឃើញ​វិជ្ជមាន​មេរោគ​វីរុស​ជំ​ងី​កូ​វីដ​-១៩ កាលពី​ថ្ងៃទី​១៣ ខែមេសា ឆ្នាំ​២០២១​កន្លងទៅ ។​

​យោងតាម​សេចក្តីជូនដំណឹង​លេខ​០៣២៧​ផ​ក ចុះ​ថ្ងៃទី​២២ ខែមេសា ឆ្នាំ​២០២១​របស់​ក្រសួងផែនការ​បាន​ឲ្យ​ដឹងថា លោក វង្ស សុខ​នី បានមក​ចាក់​វ៉ាក់សាំង​កូ​វីដ​-១៩ នៅ​ទីស្តីការ​ក្រសួងផែនការ ក្នុង​ចន្លោះ​ម៉ោង ១៥ ដល់​ម៉ោង ១៦​រសៀល នា​ថ្ងៃទី​០៧ ខែមេសា ឆ្នាំ​២០២១ ប៉ុន្តែ​ក្រសួងផែនការ​មិនបាន​បញ្ជាក់​លម្អិត​ថា ចាក់​វ៉ាក់សាំង​ដូ​ស​ទី​១ ឬ​ដូ​ស​ទី​២ នោះឡើយ ។

​កាលពី​ថ្ងៃទី​១៤ ខែមេសា ឆ្នាំ​២០២១ រដ្ឋបាល​រាជធានី​ភ្នំពេញ​បានចេញ​សេចក្តីជូនដំណឹង​ឲ្យ​ដឹងថា ស្ត្រី​ឈ្មោះ ជុន អ៊ីង អាយុ​៣៦​ឆ្នាំ ជា​ចុងភៅ​នៅ​ភោជនីយដ្ឋាន​នៃ​សណ្ឋាគារ​វីឡា​លង្កា និង​មាន​អាសយដ្ឋាន​ឋិត​នៅ​ផ្លូវជាតិ​លេខ​១ ភូមិ​ព្រែ​កជាង​ព្រំ សង្កាត់​វាល​ស្បូវ ខណ្ឌ​ច្បារអំពៅ រាជធានី​ភ្នំពេញ ត្រូវបាន​តេស្ត​រកឃើញ​វិជ្ជមាន​មេរោគ​វីរុស​ជំងឺ​កូ​វីដ​-១៩ នៅ​ថ្ងៃទី​១៣ ខែមេសា ឆ្នាំ​២០២១ ៕

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.