ថ្ងៃ អង្គារ ទី ២១ ខែ កញ្ញា ឆ្នាំ ២០២១

​បត់បែន​លឿន​ដូច​មី​ស៊ី​ល ! ក្នុងពេល​តែមួយ​ថ្ងៃ ក្រសួង​ការងារ និង​បណ្តុះបណ្តាល​វិជ្ជាជីវៈ​ម្តង​សម្រេច​បន្ត​ផ្តល់ និង​ម្តងទៀត​បញ្ឈប់​ការផ្តល់ «​លិខិតអនុញ្ញាត​ចេញ​-​ចូល​» ដល់​រោងចក្រ សហគ្រាស​

ថ្ងៃទី​១៦ ខែមេសា ឆ្នាំ​២០២១​នេះ ក្រសួង​ការងារ និង​បណ្តុះបណ្តាល​វិជ្ជាជីវៈ ដែលមាន​ឯកឧត្តម​បណ្ឌិត អ៊ិត សំហេង ជា​រដ្ឋមន្ត្រី បានចេញ​សេចក្តីបញ្ជាក់​បន្ថែម​អំពី​ប្រភេទ​រោងចក្រ សហគ្រាស និង​សិប្បកម្ម ដែល​អាច​ស្នើសុំ​បុគ្គលិក​ចាំបាច់​បំផុត​ដើម្បី​ប្រចាំការ និង​អំពី​ឯកសារ​តម្រូវ​ក្នុងពេល​ធ្វើដំណើរ​ទៅ​បំពេញការងារ ឬ​ប្រកបមុខរបរ ឬ​អាជីវកម្ម ដោយបាន​បញ្ជាក់​យ៉ាងច្បាស់​លាស់​ថា «…​ក្រសួង​ការងារ និង​បណ្តុះបណ្តាល​វិជ្ជាជីវៈ និង​មន្ទីរ​ការងារ និង​បណ្តុះបណ្តាល​វិជ្ជាជីវៈ​ខេត្តកណ្តាល នឹង​បន្ត​ផ្តល់ (​លិខិតអនុញ្ញាត​ចេញ​-​ចូល​) ទៅតាម​សំណូមពរ និង​តម្រូវការ​ជាក់ស្តែង​ដល់​តំណាង​រោងចក្រ សហគ្រាស និង​សិប្បកម្ម ដែល​ត្រូវបាន​អនុញ្ញាត​ឲ្យ​ដំណើរការ​សកម្មភាព​អាជីវកម្ម​ក្នុងអំឡុងពេល​នៃ​ការអនុវត្ត​វិធាន​ការបិទ​ខ្ទប់​ជា​បណ្តោះអាសន្ន​នៅ​រៀងរាល់​ម៉ោង​ធ្វើការ ។​» ។

​នៅ​ថ្ងៃទី​១៦ ខែមេសា ឆ្នាំ​២០២១​ដដែល​នេះដែរ បែរជា​ក្រសួង​ការងារ និង​បណ្តុះបណ្តាល​វិជ្ជាជីវៈ បានចេញ​សេចក្តីជូនដំណឹង​មួយ​លេខ ០១៧/២១ ក​.​ប​/​សជណ​.​ខ​ល ស្តីពី​ការបញ្ឈប់​ការផ្តល់ «​លិខិតអនុញ្ញាត​ចេញ​-​ចូល​» ដល់​រោងចក្រ សហគ្រាស និង​សិប្បកម្ម​នៅ​ភូមិសាស្ត្រ​រាជធានី​ភ្នំពេញ និង​ក្រុង​តាខ្មៅ នៃ​ខេត្តកណ្តាល ដោយ​សម្រេច​បញ្ឈប់​ការផ្តល់ «​លិខិតអនុញ្ញាត​ចេញ​-​ចូល​» ជូន​រោងចក្រ សហគ្រាស និង​សិប្បកម្ម​ចាប់ពី​ពេល​ជូនដំណឹង​នេះ​តទៅ បន្ទាប់ពី​ក្រសួង​ការងារ និង​បណ្តុះបណ្តាល​វិជ្ជាជីវៈ និង​មន្ទីរ​ការងារ និង​បណ្តុះបណ្តាល​វិជ្ជាជីវៈ​ខេត្តកណ្តាល ធ្លាប់​បានចេញ «​លិខិតអនុញ្ញាត​ចេញ​-​ចូល​» ចំនួន ១០ ៧៩៨​សន្លឹក រួចហើយ​ទៅវិញ (Sic!) ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.