ថ្ងៃ ចន្ទ ទី ១២ ខែ មេសា ឆ្នាំ ២០២១

សូម​រង់​ចាំមើល ! តើ​ស្ថាប័ន​អយ្យការ​អម​សាលាដំបូង​ខេត្ត​មួយណា ឬ​ទាំងពីរ (​ខេត្តកណ្តាល និង​ខេត្តសៀមរាប​) ដែល​ហ៊ាន​បើក​ការ​ស៊ើបសួរ ឬ​ចោទប្រកាន់​ទៅលើ​បុគ្គល​ដ៏​មាន​ឥទ្ធិពល ផែង វណ្ណៈ ?

មិន​ត្រឹមតែ​ឯកឧត្តម ឈិ​ត សុខុន រដ្ឋមន្ត្រីក្រសួង​ធម្មការ និង​សាសនា ប៉ុណ្ណោះ​ទេ​ដែល​ដាក់​ពាក្យបណ្តឹង​ជា​ផ្លូវការ​កាលពី​ថ្ងៃទី​១៩ ខែមីនា ឆ្នាំ​២០២១​ទៅ​ឯកឧត្តម​ព្រះរាជអាជ្ញា​អម​សាលាដំបូង​ខេត្តកណ្តាល ដោយ​ប្តឹង​ឲ្យ​ចាត់វិធានការ​ផ្លូវច្បាប់​ចំពោះ​បុគ្គល​ឈ្មោះ ផែង វណ្ណៈ ពីបទ​ប្រមាថ​ចំពោះ​ព្រះសង្ឃ បទ​ញុះញង់​ឲ្យ​មានការ​រើសអើង និង​បទ​គំរាមកំហែង​ថា​នឹង​សម្លាប់ គឺ​សូម្បី​មេធាវី​ការពារ​សិទ្ធិ និង​តំណាង​ដោយ​អាណត្តិ​ឲ្យ​រដ្ឋបាល​ខេត្តសៀមរាប ក៏បាន​ដាក់ពាក្យ​បណ្តឹង​កាលពី​ថ្ងៃទី​២២ ខែមីនា ឆ្នាំ​២០២១​ទៅ​ឯកឧត្តម​ព្រះរាជអាជ្ញា​នៃ​អយ្យការ​អម​សាលាដំបូង​ខេត្តសៀមរាប ដោយ​ប្តឹង​ចោទប្រកាន់​ទៅលើ​បុគ្គល​ឈ្មោះ ផែង វណ្ណៈ ពីបទ​ញុះញង់​ឲ្យ​មានកា​រើសអើង បទ​អំពើ​ញុះញង់​ប្រព្រឹត្ត​តាមផ្លូវ​សារព័ត៌មាន និង​បទ​ប្រមាថ​ចំពោះ​អ្នករាជការ​សាធារណៈ ផងដែរ ។

​ប្រការ​គួរ​ឲ្យ​ចាប់អារម្មណ៍​នោះ គឺ​លោក ផែង វណ្ណៈ ត្រូវ​ទទួលរង​ការ​ប្តឹងផ្តល់​ចោទប្រកាន់​ទៅ​ស្ថាប័ន​អយ្យការ​អម​សាលាដំបូង​ខេត្តកណ្តាល​ផង និង​ស្ថាប័ន​អយ្យការ​អម​សាលាដំបូង​ខេត្តសៀមរាប​ផង ។

​ដូច្នេះ សូម​ប្រិយមិត្ត​អ្នកអាន​រង់ចាំ​តាមដាន​មើល តើ​ស្ថាប័ន​អយ្យការ​អម​សាលាដំបូង​ខេត្តកណ្តាល ដែលមាន​ឯកឧត្តម លាវ ស្រេង ជា​ព្រះរាជអាជ្ញា និង​ស្ថាប័ន​អយ្យការ​អម​សាលាដំបូង​ខេត្តសៀមរាប ដែលមាន​ឯកឧត្តម កើត វណ្ណា​រ៉េត ជា​ព្រះរាជអាជ្ញា ហ៊ាន​បើក​ការ​ស៊ើបសួរ ឬ​ចោទប្រកាន់​ទៅលើ​លោក ផែង វណ្ណៈ ដែលជា​បុគ្គល​មាន​ទំនាក់ទំនង​ជាមួយ​មនុ​ស្ស​អ្នកមាន​ឥទ្ធិពល​ច្រើន​នាក់​នៅក្នុង​សង្គម​សម័យនេះ ជា​អ្នកលេង​បណ្តាញ​ព័ត៌មាន​សង្គម Facebook «​ដ៏​សម្បើម​» និង​ជា​អ្នកមាន​ទ្រព្យសម្បត្តិ «​គួរសម​» ដែរឬទេ ? ៕

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.