ថ្ងៃ ចន្ទ ទី ១២ ខែ មេសា ឆ្នាំ ២០២១

​វគ្គ​ទប់​ងារ​មិនបាន ! ឧកញ៉ា ឌួង ឆាយ ប្រឈម​នឹង​ការបញ្ចប់​គោរមងារ ជា​ឧកញ៉ា ក្រោយ​បង្ករឿង​អាស្រូវ​ប្រព្រឹត្ត​ហិង្សា​លើ​អតីត​ភរិយា​

យោងតាម​លិខិត​ចុះ​ថ្ងៃទី​១៧ ខែមីនា ឆ្នាំ​២០២១​នេះ​របស់​សម្តេច​វិបុល​សេនា​ភក្តី សាយ ឈុំ ប្រមុខរដ្ឋស្តីទី​នៃ​ព្រះរាជាណាចក្រ​កម្ពុជា​ដែល​បាន​ក្រាបបង្គំ​ទូលថ្វាយ​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា​បានបញ្ជាក់​ឲ្យ​ដឹងថា សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានធ្វើ​សំណើ​លេខ​២១០​លស ចុះ​ថ្ងៃទី​១៦ ខែមីនា ឆ្នាំ​២០២១​មក​សម្តេច​ដើម្បី​ស្នើសុំ​បញ្ចប់​គោរមងារ ឧកញ៉ា ពី​ឧកញ៉ា ឌួង ឆាយ ។ លិខិត​ទូលថ្វាយ​របស់​សម្តេច​វិបុល​សេនា​ភក្តី សាយ ឈុំ ក៏បាន​ថ្វាយ​សូម​ព្រះករុណា​ទ្រង់​ព្រះរាជ​មេត្តាប្រោស​ប្រទាន​ព្រះរាជតម្រិះ​ដ៏​ខ្ពង់ខ្ពស់​ដោយ​ព្រះរាជហឫទ័យ​អនុគ្រោះ ។

​ដោយឡែក នៅ​ថ្ងៃទី​១៧ ខែមីនា ឆ្នាំ​២០២១​នេះដែរ ក្រសួង​កិច្ចការនារី​ក៏បាន​ចេញ​សេចក្តីថ្លែងការណ៍​មួយ​លេខ​ពិសេស​.​កក​ន ដោយ​ធ្វើការ​ថ្កោលទោស​ចំពោះ​អំពើហិង្សា​ក្នុង​គ្រួសារ​ដែល​បានកើត​ឡើងលើ​អ្នកស្រី ដេ​ត ម៉ាលី​ណា ដែល​គេ​ស្គាល់​ថា ជា​អតីត​ភរិយា​របស់​ឧកញ៉ា ឌួង ឆាយ ដែល​បាន​បង្ហោះ​តាម​បណ្តាញ​សង្គម Facebook កាលពី​រាត្រី​ថ្ងៃទី​១៥ ខែមីនា ឆ្នាំ​២០២១​កន្លងទៅ​ថ្មីៗ ។​

​លោក ឌួង ឆាយ ដែល​ត្រូវជា​កូនប្រុស​របស់​ឧកញ៉ា​ឧ​ត្ត​ម​សេនីយ៍​ប៉ូលិស ឌួង ងៀប អត្តលេខ​០៥៥៣​ទទួលបាន​ការតែងតាំង​ជា​ឧកញ៉ា ដោយ​ព្រះរាជក្រឹត្យ​លេខ​នស​/​រកត​/០៦១៩/៧៤៣ ចុះ​ថ្ងៃទី​០៧ ខែមិថុនា ឆ្នាំ​២០១៩ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.