ថ្ងៃ ចន្ទ ទី ០១ ខែ មីនា ឆ្នាំ ២០២១

​វគ្គ​ប្រើ​វ៉ាក់សាំង ! រាជរដ្ឋាភិបាល​កម្ពុជា​អនុញ្ញាត​ឲ្យ​ប្រើប្រាស់​វ៉ាក់សាំង​ប្រឆាំង​ជំងឺ COVID-19 ពីរ​ប្រភេទ​ទៀត​ជា​ផ្លូវការ​ក្នុង​លក្ខខណ្ឌ​នៃ​ការប្រើប្រាស់​បន្ទាន់ (EUA)

នៅ​ថ្ងៃទី​១២ ខែកុម្ភៈ ឆ្នាំ​២០២១​នេះ ក្រសួងសុខាភិបាល​នៃ​ព្រះរាជាណាចក្រ​កម្ពុជា​បានចេញ​លិខិតអនុញ្ញាត​ឲ្យ​ប្រើប្រាស់​ជា​ផ្លូវការ​នូវ​វ៉ាក់សាំង​ប្រឆាំង​ជំងឺ​កូ​វីដ​-១៩ (COVID-19) ចំនួន​២​ប្រភេទ​ទៀត គឺ​វ៉ាក់សាំង Sinovac’s COVID-19 (​ផលិត​ដោយ​ក្រុមហ៊ុន Sinovac Biotech Ltd.​នៃ​សាធារណរដ្ឋ​ប្រជាមានិត​ចិន​) និង​វ៉ាក់សាំង AstraZeneca’s COVID-19 (​ផលិត​ដោយ​សាកលវិទ្យាល័យ Oxford នៃ​ចក្រភព​អង់គ្លេស​) ក្នុង​លក្ខខណ្ឌ​នៃ​ការប្រើប្រាស់​បន្ទាន់ (Emergency Use Authorization-EUA) ។​

​គួរបញ្ជាក់​ជូន​ដែរ​ថា កាលពី​ថ្ងៃទី​០៤ ខែកុម្ភៈ ឆ្នាំ​២០២១​កន្លងទៅ​ថ្មីៗ ក្រសួងសុខាភិបាល​នៃ​ព្រះរាជាណាចក្រ​កម្ពុជា​ធ្លាប់បាន​អនុញ្ញាត​ឲ្យ​ប្រើប្រាស់​ជា​ផ្លូវការ​នូវ​វ៉ាក់សាំង Sinopharm COVID-19 ផលិត​ដោយ​វិទ្យាស្ថាន Beijing Institute of Biological Products Co.,Ltd. នៃ​សាធារណរដ្ឋ​ប្រជាមានិត​ចិន​ក្នុង​លក្ខខណ្ឌ​នៃ​ការប្រើប្រាស់​បន្ទាន់ (EUA) ហើយ​វ៉ាក់សាំង Sinopharm ដែលជា​ជំនួយ​របស់​ប្រទេស​ចិន​នេះ​បាន​ចាក់​ទៅដល់​មនុស្ស​ស្ម័គ្រចិត្ត​ចំនួន​៧៨១​នាក់​ហើយ គិត​ចាប់ពី​ថ្ងៃទី​១០ ខែកុម្ភៈ ដល់​ថ្ងៃទី​១១ ខែកុម្ភៈ ឆ្នាំ​២០២១​ម្សិលមិញ ៕​

Filed in: ព័ត៌មានជាតិ, សុខភាព

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.