ថ្ងៃ ពុធ ទី ២៧ ខែ មករា ឆ្នាំ ២០២១

ស៊ី​ញ៉េ​លុបៗ​លឿន​ដូច​មី​ស៊ី​ល ! ផ្ទៃ​បឹង​តា​មោក (​បឹង​កប់​ស្រូវ​) ត្រូវបាន​រាជរដ្ឋាភិបាល​សម្រេច​កំណត់ កែសម្រួល និង​និរាករណ៍​ចុះឡើង​ជិត​១០​ដង​ទាំង​តាម​អនុក្រឹត្យ ទាំង​តាម​ស​.​ជ​.​ណ

​យោងតាម​ការចាំបាច់ រាជរដ្ឋាភិបាល​កម្ពុជា​នីតិកាល​ទី​៥​នៃ​រដ្ឋសភា​ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន ជា​ប្រមុខ​បានសម្រេច​កំណត់​ផ្ទៃ​បឹង​តា​មោក (​បឹង​កប់​ស្រូវ​) មាន​ផ្ទៃ​សរុប​ចំនួន​៣ ២៣៩,៧​ហិកតា ស្ថិតក្នុង​រាជធានី​ភ្នំពេញ​ជា​សម្បត្តិ​សាធារណៈ​របស់​រដ្ឋ ដោយ​អនុក្រឹត្យ​លេខ​២០​អនក្រ​.​បក ចុះ​ថ្ងៃទី​០៣ ខែកុម្ភៈ ឆ្នាំ​២០១៦ ស្តីពី​ការកំណត់​ផ្ទៃ​បឹង​តា​មោក (​បឹង​កប់​ស្រូវ​) ទំហំ​៣ ២៣៩,៧​ហិកតា ស្ថិតក្នុង​រាជធានី​ភ្នំពេញ​ជា​សម្បត្តិ​សាធារណៈ​របស់​រដ្ឋ ។​

​ក្រោយមក​រាជរដ្ឋាភិបាល​កម្ពុជា​បានសម្រេច និរាករណ៍ និង​កែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ចុះឡើងៗ​រហូតដល់​ជិត​១០​ដង​ទាំង​តាម​អនុក្រឹត្យ ទាំង​តាម​ស​.​ជ​.​ណ (​សេចក្តី​ជូន​ដំ​ណឺង​របស់​ទីស្តីការគណៈរដ្ឋមន្ត្រី​) ដូចខាងក្រោម ៖

I-​អនុក្រឹត្យ ៖

១-​អនុក្រឹត្យ​លេខ​១៣៨​អនក្រ​.​បក ចុះ​ថ្ងៃទី​០១ ខែកញ្ញា ឆ្នាំ​២០២០ ស្តីពី​ការកែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

២-​អនុក្រឹត្យ​លេខ​១៣៩​អនក្រ​.​បក ចុះ​ថ្ងៃទី​០១ ខែកញ្ញា ឆ្នាំ​២០២០ ស្តីពី​ការកែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

៣-​អនុក្រឹត្យ​លេខ​២១៩​អនក្រ​.​បក ចុះ​ថ្ងៃទី​៣០ ខែធ្នូ ឆ្នាំ​២០២០ ស្តីពី​ការកែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

៤-​និរាករណ៍​អនុក្រឹត្យ​លេខ​១៣៨​អនក្រ​.​បក ចុះ​ថ្ងៃទី​០១ ខែកញ្ញា ឆ្នាំ​២០២០ ស្តីពី​ការកែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

៥-​និ​រា​កណ៍​អនុក្រឹត្យ​លេខ​១៣៩​អនក្រ​.​បក ចុះ​ថ្ងៃទី​០១ ខែកញ្ញា ឆ្នាំ​២០២០ ស្តីពី​ការកែសម្រួល​ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

៦-​អនុក្រឹត្យ​លេខ​០៨​អនក្រ​.​បក ចុះ​ថ្ងៃទី​១៣ ខែមករា ឆ្នាំ​២០២១ ស្តីពី​និរាករណ៍​អនុក្រឹត្យ​លេខ​២១៩​អនក្រ​.​បក ចុះ​ថ្ងៃទី​៣០ ខែធ្នូ ឆ្នាំ​២០២០​ស្តីពី​ការកែសម្រួល ផ្ទៃ​បឹង​តា​មោក (​បឹង​កប់​ស្រូវ​) ស្ថិតក្នុង​រាជធានី​ភ្នំពេញ ។​

II-​ស​.​ជ​.​ណ (​លិខិត​សេចក្តីជូនដំណឹង​របស់​ទីស្តីការគណៈរដ្ឋមន្ត្រី​) ៖

១-​លិខិត​លេខ​៧៩០​សជណ​.​ម​យ ចុះ​ថ្ងៃទី​០១ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​គោលការណ៍​អនុញ្ញាត​កាត់​ផ្ទៃ​បឹង​តា​មោក (​បឹង​កប់​ស្រូវ​) ទំហំ​១៥​ហិកតា ស្ថិតនៅ​ខណ្ឌ​ព្រែក​ព្នៅ រាជធានី​ភ្នំពេញ សម្រាប់​សាងសង់​អគារ​ទីស្តីការក្រសួង​អភិវឌ្ឍន៍ជនបទ ។​

២-​លិខិត​លេខ​៧៩១​សជណ​.​ម​យ ចុះ​ថ្ងៃទី​០១ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ផ្ទៃដី​បឹង​តា​មោក (​បឹង​កប់​ស្រូវ​) ទំហំ​១៥​ហិកតា ស្ថិតនៅ​ខណ្ឌ​ព្រែក​ព្នៅ រាជធានី​ភ្នំពេញ ដើម្បី​សាងសង់​អគារ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ អគារ​គណៈកម្មាធិការ​សិទ្ធិមនុស្ស​កម្ពុជា និង​អគារ​អាជ្ញាធរ​កម្ពុជា​គ្រប់គ្រង​សកម្មភាព​កម្ចាត់មីន និង​សង្គ្រោះ​ជនពិការ​ដោយសារ​មីន ។​

៣-​លិខិត​លេខ​៨៣៤​សជណ​.​កធ ចុះ​ថ្ងៃទី​១៤ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ការអនុញ្ញាត​ដោះដូរ និង​ផ្ទេរកម្មសិទ្ធិ​ទីតាំង​អគារ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ អគារ​គណៈកម្មាធិការ​សិទ្ធិមនុស្ស​កម្ពុជា និង​អគារ​អាជ្ញាធរ​ជាតិ​គ្រប់គ្រង​សកម្មភាព​កម្ចាត់មីន និង​សង្គ្រោះ​ជនពិការ​ដោយសារ​មីន និង​ដី​ចំនួន​១៥​ហិកតា​ជូន​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក ជា​ថ្នូរ​នឹង​ការសាងសង់​អគារ​ថ្មី និង​ឃ្លាំង រួមជាមួយ​ហេដ្ឋារចនាសម្ព័ន្ធ​នានា​ជូន​មក​អង្គភាព​ទាំង​៣​វិញ​នៅលើ​ផ្ទៃដី​ទំហំ​១​ហិកតា​២០​អា ស្ថិតនៅ​ភូមិ​ព្រែក​ហូ សង្កាត់​ព្រែក​ហូ ក្រុង​តាខ្មៅ ខេត្តកណ្តាល និង​សុំ​រួច​ពន្ធ​ប្រថាប់ត្រា​ក្នុងការ​ផ្ទេរកម្មសិទ្ធិ ។​

៤-​លិខិត​លេខ​៨៩៧​សជណ​.​អស ចុះ​ថ្ងៃទី​០៨ ខែតុលា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ការអនុញ្ញាត​ដោះដូរ​ទីតាំង​អគារ​ទីស្តីការក្រសួង​អភិវឌ្ឍន៍ជនបទ​បច្ចុប្បន្ន និង​ដី​ទំហំ​១៥,៣៣​ហិកតា​របស់​ក្រសួង​អភិវឌ្ឍន៍ជនបទ​ជាមួយ​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក ។​

៥-​លិខិត​លេខ​១០៩៩​សជណ​.​ម​យ ចុះ​ថ្ងៃទី​២៣ ខែធ្នូ ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​ការរៀបចំ​សាងសង់​អគារ​ទីបញ្ជាការ​ស្រាល​ទំហំ​២១,៧​ម៉ែត្រ​គុណ​នឹង​៤២​ម៉ែត្រ កម្ពស់​៣​ជាន់ និង​បំពាក់​គ្រឿង​បរិក្ខារ​ចាំបាច់​នានា​នៅលើ​ផ្ទៃ​បឹង​ទំហំ​១ ៥៧១,១៨៩​ម៉ែត្រក្រឡា​របស់លោក លន់ ហាក់ និង​អ្នកស្រី ឈុន ចាន់​ធី ស្ថិតនៅ​សង្កាត់​ស្រះចក ខណ្ឌដូនពេញ រាជធានី​ភ្នំពេញ សម្រាប់​ឲ្យ​កងកម្លាំង​ប្រើប្រាស់​ដើម្បី​បំពេញការងារ​ថែរក្សា​សន្តិសុខ ការពារ​សុវត្ថិភាព​ជូន​ថ្នាក់ដឹកនាំ​នៅ​ចំណុច​គោលដៅ​ទីស្តីការគណៈរដ្ឋមន្ត្រី ។​

៦-​លិខិត​លេខ​០៤​សជណ ចុះ​ថ្ងៃទី​០៤ ខែមករា ឆ្នាំ​២០២១​របស់​ទីស្តីការគណៈរដ្ឋមន្ត្រី ស្តីពី​សំណើ​និរាករណ៍​លិខិត​លេខ​៧៩០​សជណ​.​ម​យ ចុះ​ថ្ងៃទី​០១ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​គោលការណ៍​អនុញ្ញាត​កាត់​ផ្ទៃ​បឹង​តា​មោក (​បឹង​កប់​ស្រូវ​) ទំហំ​១៥​ហិកតា ស្ថិតនៅ​ខណ្ឌ​ព្រែក​ព្នៅ រាជធានី​ភ្នំពេញ សម្រាប់​សាងសង់​អគារ​ទីស្តីការក្រសួង​អភិវឌ្ឍន៍ជនបទ និរាករណ៍​លិខិត​លេខ​៧៩១​សជណ​.​ម​យ ចុះ​ថ្ងៃទី​០១ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ផ្ទៃដី​បឹង​តា​មោក (​បឹង​កប់​ស្រូវ​) ទំហំ​១៥​ហិកតា ស្ថិតនៅ​ខណ្ឌ​ព្រែក​ព្នៅ រាជធានី​ភ្នំពេញ ដើម្បី​សាងសង់​អគារ​គណៈកម្មាធិការ​ជាតិ​គ្រប់គ្រង​
​គ្រោះមហន្តរាយ អគារ​គណៈកម្មាធិការ​សិទ្ធិមនុស្ស​កម្ពុជា និង​អគារ​អាជ្ញាធរ​កម្ពុជា​គ្រប់គ្រង​សកម្មភាព​កម្ចាត់មីន និង​សង្គ្រោះ​ជនពិការ​ដោយសារ​មីន និរាករណ៍​លិខិត​លេខ​៨៣៤​សជណ​.​កធ ចុះ​ថ្ងៃទី​១៤ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ការអនុញ្ញាត​ដោះដូរ និង​ផ្ទេរកម្មសិទ្ធិ​ទីតាំង​
​អគារ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ អគារ​គណៈកម្មាធិការ​សិទ្ធិមនុស្ស​កម្ពុជា និង​អគារ​អាជ្ញាធរ​ជាតិ​គ្រប់គ្រង​សកម្មភាព​កម្ចាត់មីន និង​សង្គ្រោះ​ជនពិការ​ដោយសារ​មីន និង​ដី​ចំនួន​១៥​ហិកតា​ជូន​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក ជា​ថ្នូរ​នឹង​ការសាងសង់​អគារ​ថ្មី និង​ឃ្លាំង រួមជាមួយ ហេដ្ឋារចនាសម្ព័ន្ធ​នានា​ជូន​មក​អង្គភាព​ទាំង​៣​វិញ​នៅលើ​ផ្ទៃដី​ទំហំ​១​ហិកតា​២០​អា ស្ថិតនៅ​ភូមិ​ព្រែក​ហូ សង្កាត់​ព្រែក​ហូ ក្រុង​តាខ្មៅ ខេត្តកណ្តាល និង​សុំ​រួច​ពន្ធ​ប្រថាប់ត្រា​ក្នុងការ​ផ្ទេរកម្មសិទ្ធិ និង​និរាករណ៍​លិខិត​លេខ​៨៩៧​សជណ​.​អស ចុះ​ថ្ងៃទី​០៨ ខែតុលា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ការអនុញ្ញាត​ដោះដូរ​ទីតាំង​អគារ​ទីស្តីការក្រសួង​អភិវឌ្ឍន៍ជនបទ​បច្ចុប្បន្ន និង​ដី​ទំហំ​១៥,៣៣​ហិកតា​របស់​ក្រសួង​អភិវឌ្ឍន៍ជនបទ​ជាមួយ​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក ។​

៧-​លិខិត​លេខ​២០​សជណ ចុះ​ថ្ងៃទី​១៣ ខែមករា ឆ្នាំ​២០២១​របស់​ទីស្តីការគណៈរដ្ឋមន្ត្រី ស្តីពី​និរាករណ៍​លិខិត​លេខ​១០៩៩​សជណ​.​ម​យ ចុះ​ថ្ងៃទី​២៣ ខែធ្នូ ឆ្នាំ​២០២០ របស់​ទីស្តីកា​រណៈ​រដ្ឋមន្ត្រី និង​និរាករណ៍​អនុក្រឹត្យ​លេខ​២១៩​អនក្រ​.​បក ចុះ​ថ្ងៃទី​៣០ ខែធ្នូ ឆ្នាំ​២០២០ ៕

Filed in: Feature

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.