ថ្ងៃ ពុធ ទី ២៧ ខែ មករា ឆ្នាំ ២០២១

ផែនការ​បរាជ័យ ! រាជរដ្ឋាភិបាល​សម្រេច​លុបចោល​គោលការណ៍​កាត់​ផ្ទៃ​បឹង​តា​មោក​ទំហំ​១៥​ហិកតា​សម្រាប់​សាងសង់​អគារ​ទីស្តីការក្រសួង​អភិវឌ្ឍន៍ជនបទ និង​គោលការណ៍​ដោះដូរ​ដី​ជាមួយ​ក្រុមហ៊ុន​លោក​ឧកញ៉ា ឃុន សៀ

យោងតាម​ស្មារតី​លិខិត​លេខ​០០១​ខន​/០២១​សជណ ចុះ​ថ្ងៃទី​០៤ ខែមករា ឆ្នាំ​២០២១​របស់​ខុទ្ទកាល័យ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​យោងតាម​ប្រសាសន៍​របស់​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុ​ជានា​ថ្ងៃទី​០៤ ខែមករា ឆ្នាំ​២០២១​ដដែល​នោះ រាជរដ្ឋាភិបាល​កម្ពុជា​បានសម្រេច​និរាករណ៍​លិខិត​លេខ​៧៩០​សជណ​.​ម​យ ចុះ​ថ្ងៃទី​០១ ខែកញ្ញា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​គោលការណ៍​អនុញ្ញាត​កាត់​ផ្ទៃ​បឹង​តា​មោក (​បឹង​កប់​ស្រូវ​) ទំហំ​១៥​ហិកតា ស្ថិតនៅ​ខណ្ឌ​ព្រែក​ព្នៅ រាជធានី​ភ្នំពេញ សម្រាប់​សាងសង់​អគារ​ទីស្តីការក្រសួង​អភិវឌ្ឍន៍ជនបទ និង​និរាករណ៍​លិខិត​លេខ​៨៩៧​សជណ​.​អស ចុះ​ថ្ងៃទី​០៨ ខែតុលា ឆ្នាំ​២០២០​របស់​ទីស្តីការគណៈរដ្ឋមន្ត្រី ស្តីពី​សំណើសុំ​ការអនុញ្ញាត​ដោះដូរ​ទីតាំង​អគារ​ទីស្តីការក្រសួង​អភិវឌ្ឍន៍ជនបទ​បច្ចុប្បន្ន និង​ដី​ទំហំ​១៥,៣៣​ហិកតា​របស់​ក្រសួង​អភិវឌ្ឍន៍ជនបទ​ជាមួយ​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក តាម​ស្មារតី​លិខិត​លេខ​០៤​សជណ ចុះ​ថ្ងៃទី​០៤ ខែមករា ឆ្នាំ​២០២១​របស​ទីស្តីការគណៈរដ្ឋមន្ត្រី ។​

​ទន្ទឹមនឹង​ការសម្រេច​លុបចោល​គោលការណ៍​កាត់​ផ្ទៃ​បឹង​តា​មោក (​បឹង​កប់​ស្រូវ​)​សម្រាប់​សាងសង់​អគារ​ទីស្តីការក្រសួង​អភិវឌ្ឍន៍ជនបទ​ដែលមាន​ឯកឧត្តម​បណ្ឌិតសភា​ចា​រ្យ អ៊ុក រ៉ាប៊ុន ជា​រដ្ឋមន្ត្រី និង​សម្រេច​លុបចោល​គោលការណ៍​អនុញ្ញាត​ដោះដូរ​ទីតាំង​អគារ​ទីស្តីការក្រសួង​អភិវឌ្ឍន៍ជនបទ​បច្ចុប្បន្ន និង​ដី​ទំហំ​១៥,៣៣​ហិកតា​របស់​ក្រសួង​អភិវឌ្ឍន៍ជនបទ​ជាមួយ​ក្រុមហ៊ុន ធី​ភី ម៉ូ​រ៉ា​ល់ គ្រុប ឯ​.​ក (TP Moral Group-TPMG) ដែល​គេ​ស្គាល់​ថា​ជា​ក្រុមហ៊ុន​ឯកជន​របស់លោក​ឧក​ញ៉ា ឃុន សៀ នោះ រាជរដ្ឋាភិបាល​កម្ពុជា​ក៏បាន​សម្រេច​ប្រគល់​អគារ​ទីស្តីការក្រសួង​រៀបចំ​ដែនដី នគរូបនីយកម្ម និង​សំណង់​បច្ចុប្បន្ន​ជូន​ក្រសួង​អភិវឌ្ឍន៍ជនបទ និង​ប្រគល់​អគារ​ទីស្តីការក្រសួង​អភិវឌ្ឍន៍ជនបទ​បច្ចុប្បន្ន​ជូន​មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី​រាជធានី​ភ្នំពេញ​ផងដែរ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.