ថ្ងៃ អាទិត្យ ទី ២០ ខែ មិថុនា ឆ្នាំ ២០២១

រូបភាព​អភិវឌ្ឍន៍ ! រដ្ឋ​កាត់​ផ្ទៃដី​ជាង​២៥៦​ហិកតា​នៅ​ខេត្តកណ្តាល និង​ខេត្តតាកែវ​ឲ្យ​ក្រុមហ៊ុន​ឯកឧត្តម​ឧកញ៉ា ពុង ឃាវ​សែ ធ្វើជា​កម្មសិទ្ធិ​ដើម្បី​សាងសង់​អាកាសយានដ្ឋាន​អន្តរជាតិ​ភ្នំពេញ​ថ្មី​

យោងតាម​សំណើ​របស់​ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និង​សំណង់ គឺ​ផ្ទៃដី​សាធារណៈ​របស់​រដ្ឋ​ទំហំ​២ ៥៦៥ ១៣៥​ម៉ែត្រក្រឡា​ស្ថិតនៅ​ស្រុក​កណ្តាលស្ទឹង ខេត្តកណ្តាល និង​ស្រុក​បាទី ខេត្តតាកែវ ត្រូវបាន​រាជរដ្ឋាភិបាល​កម្ពុ​ជាមាន​សម្តេច​អគ្គមហាសេនាបតី​តេ​ជោ ហ៊ុន សែន ជា​ប្រមុខ​សម្រេច​ធ្វើ​អនុ​ប​យោ​គជា​ដីឯកជន​របស់​រដ្ឋ និង​ប្រគល់​ជា​កម្មសិទ្ធិ​ជូន​ក្រុមហ៊ុន Cambodia Airport Investment Co.,Ltd. ដែល​គេ​ស្គាល់​ថា​មាន​ឯកឧត្តម​ឧកញ៉ា ពុង ឃាវ​សែ អគ្គនាយក​ក្រុមហ៊ុន OCIC និង​ធនាគារ​កាណាឌីយ៉ា ជា​អ្នកគ្រប់គ្រង​ដើម្បី​សាងសង់​អាកាសយានដ្ឋាន​អន្តរជាតិ​ភ្នំពេញ​ថ្មី ដោយ​អនុក្រឹត្យ​លេខ​៨១​អនក្រ​.​បក ចុះ​ថ្ងៃទី​០៣ ខែមិថុនា ឆ្នាំ​២០២០ ។​

​តាម​គម្រោង​នៃ​ការប៉ាន់ស្មាន​ទុក​របស់​ក្រុមហ៊ុន Cambodia Airport Investment Co.,Ltd. គឺ​ការសាងសង់​អាកាសយាន​ដ្ឋា​ន​អន្តរជាតិ​ភ្នំពេញ​ថ្មី​នឹង​ប្រើប្រាស់​ទុនវិនិយោគ​ប្រមា​ណ​១,៥​ពាន់​លាន​ដុល្លារ​អាមេរិក​ដោយ​មិន​គិត​បញ្ចូល​នូវ​តម្លៃ​នៃ​ដីធ្លី​ឡើយ ហើយ​ការដ្ឋាន​សាងសង់​ដំណាក់កាល​ទី​១​នឹង​បញ្ចប់​នៅ​ឆ្នាំ​២០២២ , ដំណាក់កាល​ទី​២​នឹង​បញ្ចប់​នៅ​ឆ្នាំ​២០៣០ និង​ដំណាក់កាល​ទី​៣​នឹង​បញ្ចប់​នៅ​ឆ្នាំ​២០៥០ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.