ថ្ងៃ សៅរ៏ ទី ១៦ ខែ មករា ឆ្នាំ ២០២១

​ការពារ​ប្រសើរ​ជាង​ព្យាបាល ! អាជ្ញាធរ​សម្រេច​ឲ្យ​បិទ​ដំណើរការ​អគារ​កាណាឌីយ៉ា (CANADIA TOWER)​នៅ​រាជធានី​ភ្នំពេញ​ទាំងមូល​រហូតដល់​ថ្ងៃទី​១៧ ខែធ្នូ ឆ្នាំ​២០២០ ដើម្បី​ប្រយុទ្ធប្រឆាំង​ជំងឺ COVID-19

នៅ​ថ្ងៃទី​០៧ ខែធ្នូ ឆ្នាំ​២០២០​នេះ ក្រសួងសុខាភិបាល​ដែលមាន​ឯកឧត្តម​វេជ្ជបណ្ឌិត ម៉ម ប៊ុនហេង ជា​រដ្ឋមន្ត្រី​បានចេញ​លិខិតផ្លូវការ​មួយច្បាប់​លេខ​២៥២​សខល ជម្រាបជូន​អ្នកឧកញ៉ា ពុង ឃាវ​សែ ប្រធាន​ក្រុមប្រឹក្សាភិបាល​ធនាគារ​កា​ណា​ឌី​យ៉ា ក​.​អ ដើម្បី​ឲ្យ​មាន​ការបិទ​ដំណើរការ​អគារ​កាណាឌីយ៉ា (CANADIA TOWER)​ឋិត​នៅ​រាជធានី​ភ្នំពេញ​ទាំងមូល​រហូតដល់​ថ្ងៃទី​១៧ ខែធ្នូ ឆ្នាំ​២០២០​ខាងមុខ​ដោយ​ក្រសួងសុខាភិបាល​បាន​លើក​ហេតុផល​ថា «​បុគ្គលិក​នៅ​ធនាគារ​ចិន​ឋិត​ក្នុង​បរិវេណ​អគារ​កាណាឌីយ៉ា​ម្នាក់​មាន​វិជ្ជមាន​វីរុស​COVID-19 ហើយ​បាន​ប្រើប្រាស់​ជណ្តើរយន្ត​រួមគ្នា​នៅ​អគារ​កាណាឌីយ៉ា ដូច្នេះ​ត្រូវ​បិទ​អគារ​កាណាឌីយ៉ា​ទាំងមូល​បន្តទៀត​រយៈពេល​១៤​ថ្ងៃ គិត​ចាប់ពី​ថ្ងៃទី​០៣ ខែធ្នូ ឆ្នាំ​២០២០ រហូតដល់​ថ្ងៃទី​១៧ ខែធ្នូ ឆ្នាំ​២០២០ ។ » ។

​លើសពីនេះ ក្រសួងសុខាភិបាល​ក៏បាន​បញ្ជាក់​បន្ថែមទៀត​ថា បុគ្គលិក​ដែល​ធ្វើការ​នៅ​អគារ​កាណាឌីយ៉ា​ទាំងអស់​ត្រូវធ្វើ​តេស្ត​ជា​លើក​ទី​២​នៅ​ថ្ងៃទី​១៣ ខែធ្នូ និង​លើក​ទី​៣​នៅ​ថ្ងៃទី​១៧ ខែធ្នូ ឆ្នាំ​២០២០ ។​

​សូមបញ្ជាក់​ជូន​ថា គិត​ត្រឹម​ថ្ងៃទី​០៦ ខែធ្នូ ឆ្នាំ​២០២០​ម្សិលមិញ​នេះ ព្រះរាជាណាចក្រ​កម្ពុ​ជាមាន​ករណី​ឆ្លង​ជំងឺ​COVID-19 ចំនួន​៣៤៨​នាក់ (​ក្នុងនោះ​មាន​ករណី​ចម្លង​ចូល​សហគមន៍​ចំនួន​៣២​នាក់​) ករណី​ជាសះស្បើយ​ចំនួន​៣០៦​នាក់ និង​ករណី​កំពុង​សម្រាក​ទទួល​ការព្យាបាល​ជំងឺ​ចំនួន​៤២​នាក់ ៕

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.