ថ្ងៃ អង្គារ ទី ០១ ខែ ធ្នូ ឆ្នាំ ២០២០

ដូច​ការ​ទស្សន៍​ទាយ​ !​ លោក​មេធាវី​ លី​ ច័ន្ទ​តុលា​ បាន​ជាប់​ឆ្នោត​ និង​ចូល​កាន់​តំណែង​ជា​ប្រធាន​គណៈមេធាវី​អាណត្តិ​ទី​១៣​ (២០២០-២០២២)​

​ដូច​ការ​ទស្សន៍​ទាយ​របស់​ «​គេហទំព័រ​សារព័ត៌មាន​ដើម​ត្នោត​»​ មែន​ គឺ​លោក​មេធាវី​ លី​ ច័ន្ទ​តុលា​ អត្តលេខ​៥៨១​ អាយុ​៤២​ឆ្នាំ​ បាន​ជាប់​ឆ្នោត​នា​សម័យ​បោះ​ឆ្នោត​ជ្រើសតាំង​ប្រធាន​គណៈមេធាវី​អាណត្តិ​ទី​១៣​ (២០២០-២០២២)​ ក្នុង​មហាសន្និបាត​ប្រចាំឆ្នាំ​លើក​ទី​២៥​ នា​ថ្ងៃ​ទី​១៦​ ខែតុលា​ ឆ្នាំ​២០២០​របស់​គណៈមេធាវី​ និង​ក៏​បាន​ចូល​កាន់​តំណែង​ជា​ប្រធាន​គណៈមេធាវី​នៃ​ព្រះរាជាណាចក្រ​កម្ពុជា​អាណត្តិ​ទី​១៣​បន្ត​ពី​លោក​មេធាវី​ សួន​ វិសាល​ ប្រធាន​គណៈមេធាវី​អាណត្តិ​ទី​១២​រួចរាល់​ហើយ​កាលពី​ថ្ងៃ​ទី​៣០​ ខែតុលា​ ឆ្នាំ​២០២០​កន្លង​ទៅ​ថ្មីៗ​នេះ​ ។​

​បច្ចុប្បន្ន​ គណៈមេធាវី​នៃ​ព្រះរាជាណាចក្រ​កម្ពុជា​ (BAKC)​ មាន​មេធាវី​សរុប​ចំនួន​២​ ១៧១​នាក់​ (​មេធា​វិ​ពេញ​សិទ្ធិ​ចំនួន​១​ ៥៦៥​នាក់​,​ មេធាវី​កម្មសិក្សា​ចំនួន​៣៩៨​នាក់​,​ មេធាវី​សុំ​មិន​ប្រកប​វិជ្ជាជីវៈ​ចំនួន​១១២​នាក់​ និង​មេធាវី​សុំ​នៅ​ក្រៅបញ្ជី​ចំនួន​០៦​នាក់​)​ ។

​អនុលោម​តាម​មាត្រា​១​ កថាខណ្ឌ​ទី​១​នៃ​ច្បាប់​ស្តី​ពី​លក្ខន្តិកៈ​មេធាវី​ គឺ​វិជ្ជាជីវៈ​មេធាវី​ជា​វិជ្ជាជីវៈ​ឯករាជ្យ​ និង​សេរី​ដែល​ចូលរួម​បម្រើ​វិស័យ​យុត្តិធម៌​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.