ថ្ងៃ សុក្រ ទី ០៤ ខែ ធ្នូ ឆ្នាំ ២០២០

មេធាវី​កម្មសិក្សា​ចំនួន​៣​នាក់​ត្រូវ​បាន​លុបឈ្មោះ​ចេញពី​សមាជិក​គណៈមេធាវី​នៃ​ព្រះរាជាណាចក្រ​កម្ពុជា​(BAKC)

​កម្មសិក្សាការី​ចំនួន​៣​នាក់​ត្រូវ​បាន​គណៈមេធាវី​នៃ​ព្រះរាជាណាចក្រ​កម្ពុជា​(BAKC)​សម្រេច​លុបឈ្មោះ​ចេញពី​បញ្ជី​មេធាវី​កម្មសិក្សា​ ដោយសារ​មូលហេតុ​មិន​បាន​ដាក់​របាយការណ៍​បញ្ចប់​កម្មសិក្សា​តាម​លក្ខខណ្ឌ​ដែល​បាន​កំណត់​ ។​ មេធាវី​កម្មសិក្សា​ចំនួន​៣​នាក់​ដែល​ត្រូវ​បាន​លុបឈ្មោះ​ចេញពី​សមាជិក​គណៈមេធាវី​នៃ​ព្រះរាជាណាចក្រ​កម្ពុជា​នោះ​ គឺ​ ៖

១-​លោក​ ទេព​ ពន្លឺ​ អាយុ​៤០​ឆ្នាំ​ សុក្រឹតការ​វិជ្ជាជីវៈ​មេធាវី​វគ្គ​ទី​២​ ធ្វើ​សម្បថ​ចូល​ប្រកប​វិជ្ជាជីវៈ​មេធាវី​នា​ថ្ងៃ​ទី​០៩​ ខែមីនា​ ឆ្នាំ​២០១២​ មាន​អត្តលេខ​៨១១T​ និង​បាន​ក្លាយជា​មេធាវី​កម្មសិក្សា​នា​ថ្ងៃ​ទី​៣០​ ខែមីនា​ ឆ្នាំ​២០១២​ ជាមួយ​លោក​មេធាវី​ ជា​ ចាន់​រ៉ា​វី​ អត្តលេខ​៣០១​ ជា​គ្រូ​កម្មសិក្សា​ ។​ លោក​ ទេព​ ពន្លឺ​ ត្រូវ​បាន​លុបឈ្មោះ​ចេញពី​សមាជិក​គណៈមេធាវី​នៃ​ព្រះរាជាណាចក្រ​កម្ពុជា​ដោយ​សេចក្តីសម្រេច​លេខ​៦២៦/​សស​គម​/២០​ ចុះ​ថ្ងៃ​ទី​០៤​ ខែសីហា​ ឆ្នាំ​២០២០​ របស់​គណៈមេធាវី​ ។​

២-​លោក​ គង់​ វី​រ៉ា​ អាយុ​៣១​ឆ្នាំ​ ធ្វើ​សម្បថ​ចូល​ប្រកប​វិជ្ជាជីវៈ​មេធាវី​នា​ថ្ងៃ​ទី​២៧​ ខែមិថុនា​ ឆ្នាំ​២០១៧​ មាន​អត្តលេខ​១៣៧១T​ និង​បាន​ក្លាយជា​មេធាវី​កម្មសិក្សា​នា​ថ្ងៃ​ទី​២៨​ ខែកក្កដា​ ឆ្នាំ​២០១៧​ ជាមួយ​លោក​មេធាវី​ ស៊ន់​ សុ​ជាតិ​ អត្តលេខ​៣០២​ ជា​គ្រូ​កម្មសិក្សា​ ។​ លោក​ គង់​ វី​រ៉ា​ ត្រូវ​បាន​លុបឈ្មោះ​ចេញពី​សមាជិក​គណៈមេធាវី​នៃ​ព្រះរាជាណាចក្រ​កម្ពុជា​ដោយ​សេចក្តីសម្រេច​លេខ​៦២៧/​សស​គម​/២០​ ចុះ​ថ្ងៃ​ទី​០៤​ ខែសីហា​ ឆ្នាំ​២០២០​ របស់​គណៈមេធាវី​ ។​

៣-​លោក​ ស៊ុន​ សុ​ភ័​ក្រ​ អាយុ​៣៧​ឆ្នាំ​ សុក្រឹតការ​វិជ្ជាជីវៈ​មេធាវី​វគ្គ​ទី​៨​ ធ្វើ​សម្បថ​ចូល​ប្រកប​វិជ្ជាជីវៈ​មេធាវី​នា​ថ្ងៃ​ទី​០៣​ ខែកញ្ញា​ ឆ្នាំ​២០១៨​ មាន​អត្តលេខ​១៦៦០T​ និង​បាន​ក្លាយជា​មេធាវី​កម្មសិក្សា​នា​ថ្ងៃ​ទី​១៧​ ខែកញ្ញា​ ឆ្នាំ​២០១៨​ ជាមួយ​លោក​មេធាវី​ គី​ ប៊ុ​ន​ទ្រាន​ អត្តលេខ​៤៩១​ ជា​គ្រូ​កម្មសិក្សា​ ។​ លោក​ ស៊ុន​ សុ​ភ័​ក្រ​ ត្រូវ​បាន​លុបឈ្មោះ​ចេញពី​សមាជិក​គណៈមេធាវី​នៃ​ព្រះរាជាណាចក្រ​កម្ពុជា​ដោយ​សេចក្តីសម្រេច​លេខ​៦២៨/​សស​គម​/២០​ ចុះ​ថ្ងៃ​ទី​០៤​ ខែសីហា​ ឆ្នាំ​២០២០​ របស់​គណៈមេធាវី​ ។​

​គួរ​បញ្ជាក់​ជូន​ដែរ​ថា​ គិត​រហូត​មក​ដល់​ខែសីហា​ ឆ្នាំ​២០២០​នេះ​ គណៈមេធាវី​នៃ​ព្រះរាជាណាចក្រ​កម្ពុជា​មាន​សមាជិក​-​សមាជិកា​ចំនួន​ ២​ ១៥១​នាក់​ ដែល​ក្នុង​នោះ​មាន​មេធាវី​ចំនួន​ជាង​២០​នាក់​ត្រូវ​បាន​លុបឈ្មោះ​ចេញពី​សមាជិក​គណៈមេធាវី​ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.