ថ្ងៃ ពុធ ទី ១១ ខែ ធ្នូ ឆ្នាំ ២០១៩

បានដៃ​មហាអំណាច​ខាង​សព្វាវុធ​ហើយ​ !​ សន្ធិសញ្ញា​ហាមប្រាម​ការ​រីកសាយ​ភាយ​អាវុធ​នុយក្លេអ៊ែរ​ (INF)​ រវាង​អា​មេ​រិ​ក​ និង​រុ​ស្ស៊ី​ ត្រូវ​បាន​រលាយ​សាបសូន្យ​ជា​ផ្លូវការ​

​សារព័ត៌មាន​ Sputnik​ របស់​រុ​ស្ស៊ី​បាន​ផ្សព្វផ្សាយ​កាលពី​ថ្ងៃ​ទី​០២​ ខែសីហា​ ឆ្នាំ​២០១៩​ម្សិលមិញ​នេះ​ឲ្យ​ដឹង​ថា​ សហរដ្ឋអាមេរិក​បាន​សម្រេច​ដកខ្លួន​ថយ​ចេញពី​សន្ធិសញ្ញា​ហាមប្រាម​ការ​រីកសាយ​ភាយ​អាវុធ​នុយក្លេអ៊ែរ​ (INF)​ ជាមួយ​រុ​ស្ស៊ី​ជា​ផ្លូវការ​ហើយ​ ខណៈ​អ្នកវិភាគ​ព្រឹត្តិការណ៍​អន្តរជាតិ​បាន​សម្តែង​នូវ​ការ​ព្រួយបារម្ភ​ថា​ ការ​រត់ប្រណាំង​សព្វាវុធ​រវាង​ប្រទេស​មហាអំណាច​ទាំង​ពីរ​នឹង​កាន់តែ​អាក្រក់​ខ្លាំង​ឡើង​ក្រោយ​ពេល​សន្ធិសញ្ញា​ INF​ រលាយ​សាបសូន្យ​ ។​

​មុន​ពេល​សន្ធិសញ្ញា​ INF​ រវាង​សហរដ្ឋអាមេរិក​ និង​រុ​ស្ស៊ី​រលាយ​សាបសូន្យ​ត្រឹម​ថ្ងៃ​ទី​០២​ ខែសីហា​ ឆ្នាំ​២០១៩​ម្សិលមិញ​នេះ​ គឺ​កាលពី​ខែកុម្ភៈ​ ឆ្នាំ​២០១៩​កន្លង​ទៅ​ សហរដ្ឋអាមេរិក​ធ្លាប់​បាន​ចោទប្រកាន់​ទៅ​លើ​រុ​ស្ស៊ី​ថា​ លួច​អភិវឌ្ឍន៍​ប្រព័ន្ធ​មី​ស៊ី​ល​រំលោភ​លើ​លក្ខខណ្ឌ​នៃ​សន្ធិសញ្ញា​ ខណៈ​រុ​ស្ស៊ី​ក៏​បាន​ចោទប្រកាន់​តប​ទៅ​សហរដ្ឋអាមេរិក​វិញ​ថា​ មី​ស៊ី​ល​ធុន​ Aegis​ ដែល​មានឈ្មោះ​ជា​ប្រព័ន្ធ​ខែល​ការពារ​មី​ស៊ី​ល​របស់​សហរដ្ឋអាមេរិក​ តែ​តាម​ការ​ពិតជា​មី​ស៊ី​លអាច​បំពាក់​ក្បាល​គ្រាប់​នុយក្លេអ៊ែរ​សម្រាប់​ធ្វើការ​វាយប្រហារ​ ដែល​ជា​ការ​រំលោភ​លើ​សន្ធិសញ្ញា​ INF​ ។​

​គួរ​រំលឹក​ជូន​ថា​ សន្ធិសញ្ញា​ INF​ (Intermediate-Range​ Nuclear​ Forces​ Treaty)​ ត្រូវ​បាន​ចុះហត្ថលេខា​នៅ​ថ្ងៃ​ទី​០៨​ ខែធ្នូ​ ឆ្នាំ​១៩៨៧​ រវាង​សហរដ្ឋអាមេរិក​ និង​រុ​ស្ស៊ី​(​អតីត​សហភាព​សូ​វៀត​)​ និង​ចូល​ជា​ធរមាន​អនុវត្ត​នា​ថ្ងៃ​ទី​០១​ ខែមិថុនា​ ឆ្នាំ​១៩៨៨​ គឺ​ហាមប្រាម​ការ​ដាក់​ពង្រាយ​អាវុធ​នុយក្លេអ៊ែរ​ដែល​បាញ់​ចេញពី​ផ្ទៃដី​ និង​មាន​រយៈ​ចម្ងាយ​មធ្យម​ចាប់ពី​៥០០​គីឡូម៉ែត្រ​ទៅ​៥​ ៥០០​គីឡូម៉ែត្រ​ ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.