ថ្ងៃ សុក្រ ទី ២៣ ខែ សីហា ឆ្នាំ ២០១៩

​ចិន​មិន​ល្ហែ ! ជន​ជាតិចិន​មួយក្រុម​ចូល​ផឹកស៊ី​ច្រៀង​រាំ​ក្នុង​ខារ៉ាអូខេ​មួយកន្លែង​នៅ​រាជធានី​ភ្នំពេញ បង្ក​ហិង្សា​ទាត់​ធាក់​ក្បាល​នារី​បម្រើ KTV យ៉ាង​ទំនើង​

ជន​ជាតិចិន​មួយក្រុម​បាននាំគ្នា​ចូល​ផឹកស៊ី​ច្រៀង​រាំ​ក្នុង​ហាង​ខារ៉ាអូខេ​មួយកន្លែង​យីហោ «KTV សប្បាយ សប្បាយ​» ឋិត​នៅតាម​បណ្តោយ​ផ្លូវ​លេខ​៤៣០ សង្កាត់​ផ្សារ​ដើមថ្កូវ ខណ្ឌចំការមន រាជធានី​ភ្នំពេញ រួច​ក៏​ស្រវឹង​បង្ក​អំពើហិង្សា​ទាត់​ធាក់​ក្បាល​ទៅលើ​នារី​រង​បម្រើ​ខារ៉ាអូខេ​ម្នាក់​ឈ្មោះ លីន​ដា អាយុ​២០​ឆ្នាំ យ៉ាង​ទំនើង​កាលពី​វេលា​ម៉ោង​០២​រំលងអធ្រាត្រ​ឈានចូល​ថ្ងៃអាទិត្យ ទី​២៦ ខែឧសភា ឆ្នាំ​២០១៩​នេះ ។​

​ប្រភពព័ត៌មាន​ពី​កន្លែងកើតហេតុ​បាន​រាយការណ៍​ឲ្យ​ដឹងថា ក្រោយ​បង្ក​អំពើហិង្សា​ពី​សំណាក់​ក្រុម​ជន​ជាតិចិន​ទាំងនោះ ក្រុម​សន្តិសុខ​បាន​ឃាត់ខ្លួន​ជនជាតិ​ចិន​ម្នាក់​ដើម្បី​ដោះស្រាយ​គ្នា​មួយ​ជំហាន​សិន ។ ដោយមាន​ការសម្របសម្រួល​ពី​ក្រុម​សន្តិសុខ​ដើម្បី​កុំ​ឲ្យ​មានរឿង​វែងឆ្ងាយ​ផង និង​ដើម្បី​កុំ​ឲ្យ​ប៉ះពាល់​ដល់​ហាង​ខារ៉ាអូខេ​ផង ទើប​ជនជាតិ​ចិន​ជា​ជនបង្ក​បាន​ព្រម​សង​សំណង​ជំងឺ​ចិត្ត​ទៅ​ឲ្យ​នារី​រងគ្រោះ​ចំនួន​២០០​ដុល្លារ​អាមេរិក ទុក​ជាការ​បញ្ចប់រឿង​រ៉ាវ​តែម្តង ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.