ថ្ងៃ ពុធ ទី ១៩ ខែ មិថុនា ឆ្នាំ ២០១៩

កំពូល​សម្តី​មិន​ទៀង ! «​តំណក់​ប្រេង​ដំបូង​នឹង​ទទួលបាន​នៅ​ម៉ោង​១២ ថ្ងៃទី​១២ ខែ​១២ ឆ្នាំ​២០១២»…«​ចាប់ពី​ឆ្នាំ​២០១៣​ឡើងទៅ​ភ្នំពេញ​នឹង​លែង​ខ្វះខាត​ភ្លើង​ទៀតហើយ​»

កាលពី​អំឡុង​ខែកក្កដា ឆ្នាំ​២០១១​កន្លងទៅ នាយករដ្ឋមន្ត្រី​នៃ​ព្រះរាជាណាចក្រ​កម្ពុជា គឺ​សម្តេច​អគ្គមហាសេនាបតី​តេ​ជោ ហ៊ុន សែន ធ្លាប់បាន​ប្រកាស​ជា​សាធារណៈ​ឲ្យ​ដឹងថា កម្ពុជា​នឹង​ទទួលបាន​តំណក់​ប្រេង​ដំបូង​របស់ខ្លួន​នៅវេលា​ម៉ោង​១២ ថ្ងៃទី​១២ ខែ​១២ (​ធ្នូ​) ឆ្នាំ​២០១២ ។ ប៉ុន្តែ​ជាក់ស្តែង​ឈានចូល​មកដល់​ជិត​ពាក់កណ្តាល​ឆ្នាំ​២០១៩​ទៅហើយ លទ្ធផល​នៃ​តំណក់​ប្រេង​ដំបូង​របស់​កម្ពុជា «​ស្ងាត់ឈឹង​ដូច​ចោរលួច​សេះ​» ។​

​ដោយឡែក ឯកឧត្តម កែវ រតនៈ ទីប្រឹក្សា​ផ្ទាល់​នាយករដ្ឋមន្ត្រី និង​ជា​ប្រតិភូ​រាជរដ្ឋាភិបាល​កម្ពុ​ជាទ​ទួល​បន្ទុក​ជា​អគ្គនាយក​អគ្គិសនី​កម្ពុជា (EDC) ធ្លាប់​បានចេញ​សេចក្តីជូនដំណឹង​មួយ​លេខ​៤៣៦០​សជណ​.​អក​.​លខ ចុះ​ថ្ងៃទី​១៧ ខែមិថុនា ឆ្នាំ​២០១៣​ប្រកាស​ឲ្យ​ដឹងថា «…​ចាប់ពី​ឥឡូវនេះ​តទៅ​វា​ជាការ​ចេញដំណើរ​ឆ្ពោះទៅកាន់​ការរក្សាបាន​ស្ថេរភាព​នៃ​ការផ្គត់ផ្គង់​សម្រាប់​ប្រព័ន្ធ​រាជធានី​ភ្នំពេញ​ហើយ ។​» ។ ប៉ុន្តែ​ជាក់ស្តែង​ឈានចូល​មកដល់​ខែមីនា ឆ្នាំ​២០១៩​នេះ​ចរន្តអគ្គិសនីផ្គត់ផ្គង់លំនៅឋាន​នៅ​រាជធានី​ភ្នំពេញ​នៅតែ​ខ្វះខាត​ដដែល ខណៈ EDC ក្រោម​ការដឹកនាំ​របស់​ឯកឧត្តម កែវ រតនៈ ជា​អគ្គនាយក​នៅតែ​បន្តធ្វើ​ការ​កាត់​ចរន្តអគ្គិសនី​តាម​រូបភាព​ឆ្លាស់គ្នា​ផ្គត់ផ្គង់​ចរន្តអគ្គិសនី​សម្រាប់​តំបន់​នីមួយ​រហូតដល់​ទៅ​ចំនួន​៥​ម៉ោង​ឯណោះ ។​

​ព័ស្តុតាង​ទាំងនេះហើយ​ដែល​ឆ្លុះបញ្ចាំង​អំពី​របៀបរបប​ធ្វើការ​របស់​ថ្នាក់ដឹកនាំ​ប្រទេស​កម្ពុជា​តាម​រូបភាព​គ្មាន​ផែនការ​ជាក់លាក់ និង​អនុវត្ត​គម្រោង​ផែនការ​គ្មាន​ប្រសិទ្ធភាព និង​គ្មាន​ការទទួលខុសត្រូវ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.