ថ្ងៃ អាទិត្យ ទី ២១ ខែ មេសា ឆ្នាំ ២០១៩

​វគ្គ​ស្វែងរក​ទ្រនំ​ថ្មី ! ក្រោយ​បង្ហាញ​ជំហរ «​ឈប់​ប្រឆាំង​» អតីត​អ្នកតំណាងរាស្ត្រ​បក្សប្រឆាំង​៤​នាក់​ទៀត​ដែល​រង​ការហាម​ប្រាម​ធ្វើ​នយោបាយ​៥​ឆ្នាំ​ទទួលបាន​នីតិសម្បទា​ឡើងវិញ​

អតីត​អ្នកតំណាងរាស្ត្រ​គណបក្ស​សង្គ្រោះ​ជាតិ (CNRP) ដែល​រលាយ​ដោយសារ​អំណាច​សាលដីកា​តុលាការ​កំពូល​ចំនួន​៤​នាក់​ទៀត​ដែល​រង​ការហាម​ប្រាម​ធ្វើ​សកម្មភាព​នយោបាយ​រយៈ​ពេល​៥​ឆ្នាំ​ទទួលបាន​នីតិសម្បទា​ឡើងវិញ​ហើយ​បន្ទាប់ពី​បង្ហាញ​នូវ​ជំហរ «​ឈប់​ប្រឆាំង​» គឺ​លោក អ៊ូ ច័ន្ទ​រ័ត្ន​, លោក ជីវ កត្តា​, លោក កង គឹម​ហាក់ និង​លោកស្រី ទេព សុ​ទ្ធី ។​

​លោក ជីវ កត្តា អាយុ​៥៧​ឆ្នាំ អតីត​អ្នកតំណាងរាស្ត្រ​មណ្ឌល​ខេត្តកំពង់ចាម​មកពី​គណបក្ស​សង្គ្រោះ​ជាតិ​ត្រូវបាន​ហាមឃាត់​ការធ្វើសកម្មភាព​នយោបាយ​រយៈពេល​៥​ឆ្នាំ​តាម​អំណាច​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧​របស់​តុលាការ​កំពូល ហើយ​ត្រូវ​បានផ្តល់​នីតិសម្បទា​ឡើងវិញ​ដោយ​ព្រះរាជក្រឹត្យ​លេខ​នស​/​រកត​/០៣១៩/៤៣៦ ចុះ​ថ្ងៃទី​១៩ ខែមីនា ឆ្នាំ​២០១៩ ។​

​លោក កង គឹម​ហាក់ អាយុ​៤០​ឆ្នាំ អតីត​អ្នកតំណាងរាស្ត្រ​មណ្ឌល​ខេត្តកំពង់ចាម​មកពី​គណបក្ស​សង្គ្រោះ​ជាតិ​ត្រូវបាន​ហាមឃាត់​ការធ្វើសកម្មភាព​នយោបាយ​រយៈពេល​៥​ឆ្នាំ​តាម​អំណាច​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧​របស់​តុលាការ​កំពូល ហើយ​ត្រូវ​បានផ្តល់​នីតិសម្បទា​ឡើងវិញ​ដោយ​ព្រះរាជក្រឹត្យ​លេខ​នស​/​រកត​/០៣១៩/៤៣៧ ចុះ​ថ្ងៃទី​១៩ ខែមីនា ឆ្នាំ​២០១៩ ។​

​លោក អ៊ូ ច័ន្ទ​រ័ត្ន អាយុ​៥៣​ឆ្នាំ អតីត​អ្នកតំណាងរាស្ត្រ​មណ្ឌល​ខេត្តតាកែវ​មកពី​គណបក្ស​សង្គ្រោះ​ជាតិ​ត្រូវបាន​ហាមឃាត់​ការធ្វើសកម្មភាព​នយោបាយ​រយៈពេល​៥​ឆ្នាំ​តាម​អំណាច​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧​របស់​តុលាការ​កំពូល ហើយ​ត្រូវ​បានផ្តល់​នីតិសម្បទា​ឡើងវិញ​ដោយ​ព្រះរាជក្រឹត្យ​លេខ​នស​/​រកត​/០៣១៩/៤៣៥ ចុះ​ថ្ងៃទី​១៩ ខែមីនា ឆ្នាំ​២០១៩ ។​

​លោកស្រី ទេព សុ​ទ្ធី អាយុ​៤៦​ឆ្នាំ អតីត​អ្នកតំណាងរាស្ត្រ​មណ្ឌល​ខេត្តតាកែវ​មកពី​គណបក្ស​សង្គ្រោះ​ជាតិ​ត្រូវបាន​ហាមឃាត់​ការធ្វើសកម្មភាព​នយោបាយ​រយៈពេល​៥​ឆ្នាំ​តាម​អំណាច​សាលដីកា​លេខ​៣៤០(​ឆ​) ចុះ​ថ្ងៃទី​១៦ ខែវិច្ឆិកា ឆ្នាំ​២០១៧​របស់​តុលាការ​កំពូល ហើយ​ត្រូវ​បានផ្តល់​នីតិសម្បទា​ឡើងវិញ​ដោយ​ព្រះរាជក្រឹត្យ​លេខ​នស​/​រកត​/០៣១៩/៤៣៨ ចុះ​ថ្ងៃទី​១៩ ខែមីនា ឆ្នាំ​២០១៩ ។​

​សូមបញ្ជាក់​ជូន​ថា គិត​ត្រឹម​ថ្ងៃទី​១៩ ខែមីនា ឆ្នាំ​២០១៩​ម្សិលមិញ​នេះ​មាន​អតីត​អ្នកតំណាងរាស្ត្រ​គណបក្ស​សង្គ្រោះ​ជាតិ​ចំនួន​៦​នាក់​ហើយ​ដែល​រង​ការហាម​ប្រាម​ធ្វើ​សកម្មភាព​នយោបាយ​រយៈ​ពេល​៥​ឆ្នាំ​ទទួលបាន​នីតិសម្បទា​ឡើងវិញ​បន្ទាប់ពី​បង្ហាញ​នូវ​ជំហរ «​ឈប់​ប្រឆាំង​» នឹង​ឥទ្ធិពល​អំណាច​របស់​គណបក្ស​ប្រជាជន​កម្ពុជា (CPP) ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន ជា​ប្រធាន និង​ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.