ថ្ងៃ ចន្ទ ទី ២៧ ខែ ឧសភា ឆ្នាំ ២០១៩

សងសឹក​ក្តៅៗ ! ប៉ា​គី​ស្ថាន​បាញ់​ទម្លាក់​យន្តហោះ​ឥណ្ឌា​២​គ្រឿង ខណៈ​ឥណ្ឌា​បាញ់​ទម្លាក់​សងសឹក​១​គ្រឿង​វិញ

សារព័ត៌មាន​បរទេស​បាន​ផ្សព្វផ្សាយ​ដោយ​ដកស្រង់​សេចក្តីថ្លែងការណ៍​របស់​ក្រសួងការបរទេស​ប៉ា​គី​ស្ថាន​ឲ្យ​ដឹងថា នៅ​ថ្ងៃទី​២៧ ខែកុម្ភៈ ឆ្នាំ​២០១៩​នេះ​កម្លាំងយោធា​ប៉ា​គី​ស្ថាន​បាន​បាញ់​ទម្លាក់​យន្តហោះ​ចម្បាំង​ឥណ្ឌា​ចំនួន​២​គ្រឿង​ដែល​ហោះហើរ​រំលោភ​ចូល​ដែនអាកាស​របស់ខ្លួន​ប​ណ្តា​ល​ឲ្យ​មាន​មនុស្ស​ស្លាប់​ចំនួន​៣​នាក់ និង​អាកាសយានិក​ម្នាក់​ត្រូវបាន​ចាប់ខ្លួន ខណៈ​ឥណ្ឌា​បានប្រកាស​ឲ្យ​ដឹង​ដែរ​ថា យន្តហោះ​ចម្បាំង​ធុន MiG21 របស់ខ្លួន និង​អាកាសយានិក​ម្នាក់​បាន​បាត់​ខ្លួន ។

​សេចក្តីរាយការណ៍​បាន​ឲ្យ​ដឹង​ទៀតថា ខណៈ​ពេលនោះ​ភ្លាមៗ​កងកម្លាំង​ទ័ពអាកាស​របស់​ឥណ្ឌា​ក៏បាន​បាញ់​ទម្លាក់​យន្តហោះ​ចម្បាំង​ប៉ា​គី​ស្ថាន​ធុន F-16 ចំនួន​១​គ្រឿង​វិញ​ជាការ​សងសឹក ។​

​ហេតុការណ៍​ប៉ះទង្គិច​គ្នា​ដោយ​អាវុធ​រវាង​ឥណ្ឌា និង​ប៉ា​គី​ស្ថាន​នៅ​តំបន់ Kashmir កាន់តែ​សាហាវ និង​តានតឹង​នេះ គឺ​កើតចេញ​បន្ទាប់ពី​ក្រុម​ឧទ្ទាម​វាយប្រហារ​ទៅលើ​ក្បួន​រថយន្តយោធា​ឥណ្ឌា​បណ្តាល​ឲ្យ​ស្លាប់បាត់​បង់ជីវិត​មនុស្ស​ជាង​៤០​នាក់ ហើយ​ឥណ្ឌា​បាន​ចោទប្រកាន់ថា ក្រុម​ភេរវ​ករ​ទាំងនោះ​កំពុង​លាក់ខ្លួន​នៅក្នុង​ប្រទេស​ប៉ា​គី​ស្ថាន ។​

​ឥណ្ឌា និង​ប៉ា​គី​ស្ថាន​បាន​ធ្លាក់​ទៅ​ក្នង​ស្ថានភាព​មាន​ជម្លោះ​ជាមួយគ្នា​អស់​រយៈពេល​ជាង​៧០​ឆ្នាំ​ហើយ គឺ​ចាប់តាំងពី​អំឡុង​ឆ្នាំ​១៩៤៧​មកម្ល៉េះ ៕

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.