ថ្ងៃ អង្គារ ទី ២០ ខែ សីហា ឆ្នាំ ២០១៩

វីវរ​ទេ​ដឹង ? ព្រះរាជអាជ្ញា​ខេត្តរតនគិរី​ត្រូវ​ស្ត្រី​ម្នាក់​អះអាងថា​ជា​ភរិយា​ស្របច្បាប់​គំរាម​ប្តឹង​តាម Facebook ពីបទ​ទ្វេ​ពន្ធភាព​

អស់​រយៈពេល​ប្រមាណ​០២-០៣​ថ្ងៃ​មកហើយ ស្ត្រី​ម្នាក់​ឈ្មោះ ហ៊ាន លក្ខិណា ប្រើប្រាស់ Account Facebook ឈ្មោះ «Leakkhena Hean» និង​អះអាងថា មាន​ចំណងអាពាហ៍ពិពាហ៍​ជាមួយ​លោក ជា ពេជ្រ ព្រះរាជអាជ្ញា​នៃ​អយ្យការ​អម​សាលាដំបូង​ខេត្តរតនគិរី បាន Post តាម​បណ្តាញ​ព័ត៌មាន​សង្គម Facebook ប្រកាស​ឲ្យ​លោក ជា ពេជ្រ ចូលខ្លួន​មក​ដោះស្រាយ​បញ្ហា​ក្នុង​គ្រួសារ ហើយ​បើ​មិន​ចូលខ្លួន​មក​ដោះស្រាយ​ទេ​ព្រមទាំង​អាង​អំណាច​ធ្វើការ​គំរាមកំហែង គឺ​នឹងរង​ការប្តឹង​ចោទប្រកាន់​ពីបទ​ទ្វេ​ពន្ធភាព អនុលោម​តាមច្បាប់​ស្តីពី​ឯក​ពន្ធភាព ។​

​យោងតាម​ឯកសារ​ដែល Post ផ្សព្វផ្សាយ​ដោយ Account Facebook ឈ្មោះ «Leakkhena Hean» បាន​បង្ហាញថា លោក ជា ពេជ្រ កើត​ថ្ងៃទី​១៥ ខែមិថុនា ឆ្នាំ​១៩៧០ មាន​ចំណងអាពាហ៍ពិពាហ៍​ជាមួយ​លោកស្រី ហ៊ាន លក្ខិណា កើត​ថ្ងៃទី​១៧ ខែឧសភា ឆ្នាំ​១៩៧១ ដោយ​ចុះបញ្ជី​បញ្ជាក់​អាពាហ៍ពិពាហ៍​ថ្ងៃទី​១១ ខែមីនា ឆ្នាំ​១៩៩៣​នៅ​ខេត្តកណ្តាល​តាំងពី​លោក ជា ពេជ្រ នៅ​បម្រើ​ការងារ​ជា​អតីត​ក្រឡាបញ្ជី​នៅឡើយ ហើយ​ត្រូវបាន​មេឃុំ​រកា​កោង​ទី​២ ស្រុក​មុខកំពូល ខេត្តកណ្តាល ចេញ​សំបុត្រ​បញ្ជាក់​អាពាហ៍ពិពាហ៍​នា​ឆ្នាំ​២០០៤ ។​

​មិនទាន់​អាច​សុំ​ការបំភ្លឺ​បញ្ជាក់​ពី​លោក ជា ពេជ្រ ព្រះរាជអាជ្ញា​នៃ​អយ្យការ​អម​សាលាដំបូង​ខេត្តរតនគិរី​បាន​នៅឡើយ​គិត​ត្រឹម​ថ្ងៃទី​២០ ខែកុម្ភៈ ឆ្នាំ​២០០៩​នេះ ពាក់ព័ន្ធ​នឹង​ការ Post របស់ Account Facebook ឈ្មោះ «Leakkhena Hean» ដ្បិត​ទូរស័ព្ទ​មិនអាច​ទំនាក់ទំនង​បាន ។

​លោក ជា ពេជ្រ ជា​សិស្ស​ចៅក្រម​ជំនា​ន់ទី​៣ សាលា​ភូមិន្ទ​ចៅក្រម​នៃ​រាជបណ្ឌិត្យសភា​វិជ្ជាជីវៈ​តុលាការ និង​ត្រូវបានតែងតាំង​ជា​ព្រះរាជអាជ្ញារង​កម្មសិក្សា​បម្រើ​ការងារ​នៅ​អយ្យការ​អម​សាលាដំបូង​ខេត្តស្ទឹងត្រែង ដោយ​ព្រះរាជក្រឹត្យ​លេខ​នស​/​រកត​/០៨០៩/៧៨៨ ចុះ​ថ្ងៃទី​០៤ ខែសីហា ឆ្នាំ​២០០៩ ហើយក៏​ត្រូវបាន​តាំងស៊ប់​ក្នុង​ក្របខ័ណ្ឌ​អង្គចៅក្រម​ជា​ព្រះរាជអាជ្ញារង​នៃ​អយ្យការ​អម​សាលាដំបូង​ខេត្តស្ទឹងត្រែង ដោយ​ព្រះរាជក្រឹត្យ​លេខ​នស​/​រកត​/១០១០/៨៣៣ ចុះ​ថ្ងៃទី​២៧ ខែតុលា ឆ្នាំ​២០១០ ។​

​ឈានចូល​មកដល់​ឆ្នាំ​២០១៥ លោក​ព្រះរាជអាជ្ញារង ជា ពេជ្រ ទទួលបាន​ការតែងតាំង​ជា​ព្រះរាជអាជ្ញា​នៃ​អយ្យការ​អម​សាលាដំបូង​ខេត្តស្ទឹងត្រែង ដោយ​ព្រះរាជក្រឹត្យ​លេខ​នស​/​រកត​/០៧១៥/៧៣៤ ចុះ​ថ្ងៃទី​២១ ខែកក្កដា ឆ្នាំ​២០១៥ និង​បន្ទាប់មកទៀត​លោក ជា ពេជ្រ ក៏ត្រូវ​បាន​ផ្ទេរ​មុខតំណែង​ពី​ព្រះរាជអាជ្ញា​នៃ​អយ្យការ​អម​សាលាដំបូង​ខេត្តស្ទឹងត្រែង​ឲ្យ​មក​បម្រើ​ការងារ​ជា​ព្រះរាជអាជ្ញា​នៃ​អយ្យការ​អម​សាលាដំបូង​ខេត្តរតនគិរី​ទល់​សព្វ​ថ្ងៃ ដោយ​ព្រះរាជក្រឹត្យ​លេខ​នស​/​រកត​/០២១៧/២៤៧ ចុះ​ថ្ងៃទី​២៨ ខែកុម្ភៈ ឆ្នាំ​២០១៧ ៕​

Filed in: Feature, តុលាការ, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.