ថ្ងៃ អង្គារ ទី ២០ ខែ សីហា ឆ្នាំ ២០១៩

យន្តហោះ​ទម្លាក់​គ្រាប់បែកនុយក្លេអ៊ែរ​ដ៏​ទំនើប​ធុន B-2 Spirit របស់​មហាអំណាច​អាមេរិក​បាន​ចូលមក​ជិត​មហាអំណាច​ចិន​ហើយ

តាម​ការផ្សព្វផ្សាយ​រប​ស់​សារព័ត៌មាន Business Insider បាន​ឲ្យ​ដឹងថា កាលពី​ខែមករា ឆ្នាំ​២០១៩​កន្លងទៅ​ថ្មីៗ​នេះ សហរដ្ឋអាមេរិក​បាន​បើក​ប្រតិបត្តិការ​សមយុទ្ធ​យោធា​ទ័ពអាកាស​ទ្រង់ទ្រាយ​ធំ​របស់ខ្លួន​នៅលើ​ដែន​មហាសមុទ្រ​ប៉ាស៊ីហ្វិក ដោយ​បញ្ចេញ​យន្តហោះ​ទម្លាក់​គ្រាប់បែកនុយក្លេអ៊ែរ​ដ៏​ទំនើប​ធុន B-2 Spirit រួមទាំង​យន្តហោះ​ចម្បាំង​បំបាំងកាយ​ដ៏​ទំនើប​ធុន F-22 Raptor និង​យន្តហោះ​ចម្បាំង​ធុន F-35 ទៀតផង ដែល​ទីតាំង​សមយុទ្ធ​យោធា​របស់​មហាអំណាច​អាមេរិក​នេះ​កាន់តែ​ចូល​កៀក​នឹង​ដែនអាកាស​របស់​មហាអំណាច​ចិន​ហើយ ។

​យន្តហោះ​ទម្លាក់​គ្រាប់បែក​ដ៏​ទំនើប​ធុន B-2 Spirit របស់​សហរដ្ឋអាមេរិក​នេះ គឺជា​យន្តហោះ​បំពាក់​ដោយ​គ្រាប់បែកនុយក្លេអ៊ែរ​រហូត​ដល់​ទម្ងន់​ប្រមាណ​៤០​តោន ។ អាច​ហោះហើរ​ក្នុង​រយៈកម្ពស់​ដ៏​ខ្ពស់ និង​ហោះហើរ​បាន​រហូតដល់​ជិត​២​ម៉ឺន​គីឡូម៉ែត្រ​ដោយ​មិន​ឈប់​ចាក់​ប្រេង ព្រមទាំង​អាច​បំបាំងកាយ​គេចផុត​ពី​ប្រព័ន្ធ​រ៉ា​ដា​របស់​សត្រូវ​បាន​យ៉ាង​មាន​ប្រសិទ្ធភាព​ជាមួយនឹង​ការទម្លាក់​គ្រាប់បែក​វាយលុក​ទៅលើ​គោលដៅ​សត្រូវ​បាន​យ៉ាង​ល្អ​ដោយ​បំពាក់​គ្រាប់បែក​នាំ​ផ្លូវ​បញ្ជា​តាមរយៈ​ផ្កាយរណប ។​

​យន្តហោះ​ទម្លាក់​គ្រាប់បែក​ធុន B-2 Spirit ផលិត​ដោយ​ក្រុមហ៊ុន Northrop Corporation/ Northrop Grumman មានតម្លៃ​រួមទាំង​បំពាក់​បច្ចេកវិទ្យា​សព្វគ្រប់​ផង​ប្រមាណ​ជាង​២​ពាន់​លាន​ដុល្លារ​ក្នុង​១​គ្រឿង ខណៈ​មហាអំណាច​អាមេរិក​មាន​យន្តហោះ​ទម្លាក់​គ្រាប់បែក​ដ៏​ទំនើប​ប្រភេទ​នេះ​ជាង​២០​គ្រឿង ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.