ថ្ងៃ អាទិត្យ ទី ២១ ខែ មេសា ឆ្នាំ ២០១៩

​លេងសើច​ដូចម្តេច​បាន ? រាជរដ្ឋាភិបាល​ចាយលុយ​ជិត​១០​លាន​ដុល្លារ​សម្រាប់​ឲ្យ​នាយករដ្ឋមន្ត្រី​សំណេះសំណាល​ចុះសួរសុខទុក្ខ​កម្មករ​

កាលពី​ថ្ងៃទី​២៥ ខែធ្នូ ឆ្នាំ​២០១៨​កន្លងទៅ​ថ្មីៗ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បានសម្រេច​អនុញ្ញាត​ឲ្យ​ក្រសួង​សេដ្ឋកិច្ច និង​ហិរញ្ញវត្ថុ មាន​ឯកឧត្តម​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និង​ជា​រដ្ឋមន្ត្រី ផ្ទេរ​ឥណទាន​ថវិកា​ចំនួន​៣៤ ២២២ ៧០០ ០០០​រៀល ពី​ជំពូក​៦៩ (​ចំណាយ​មិនបាន​គ្រោងទុក​) នៃ​ខ្ទង់ចំណាយ​មិនទាន់​បែងចែក​មក​ជំពូក​៦២ (​អត្ថប្រយោជន៍​សង្គម​) ជូន​ក្រសួង​ការងារ និង​បណ្តុះបណ្តាល​វិជ្ជាជីវៈ​សម្រាប់​ការគ្រប់គ្រង​ឆ្នាំ​២០១៨ មាន​ឯកឧត្តម អ៊ិត សំហេង ជា​រដ្ឋមន្ត្រី ។​

​ឥណទាន​ថវិកា​ចំនួន​៣៤ ២២២ ៧០០ ០០០​រៀល (​ប្រមាណ​ជាង​៨​លាន​ដុល្លារ​អាមេរិក​) នេះ គឺ​សម្រាប់​ទូទាត់​ចំណាយ​រៀបចំ​កម្មវិធី​ជួប​សំណេះសំណាល និង​ចុះសួរសុខទុក្ខ​ជាមួយ​បងប្អូន​កម្មករ និយោជិត និង​ឧបត្ថម្ភ​កម្មការិនី​មាន​ផ្ទៃពោះ​ចំនួន​២៥ ៥០០​លាន​រៀល និង​ចំណាយ​ទូទាត់​ប្រាក់​ឈ្មួ​ល និង​ប្រាក់​អត្ថប្រយោជន៍​ជូន​កម្មករ និយោជិត​នៅ​រោងចក្រ​ដែល​ថៅកែ​បាន​ស្លាប់ និង​រត់ចោល​ចំនួន​៨ ៧២២,៧​លាន​រៀល ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.