វប្បធម៌ប្រពៃណីចិនបានលុកលុយចូលក្រសួងឧស្សាហកម្ម និងសិប្បកម្ម ដែលមានឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី និងជារដ្ឋមន្ត្រីពេញទំហឹងហើយ គឺកាលពីថ្ងៃទី៣០ ខែមករា ឆ្នាំ២០១៩កន្លងទៅថ្មីៗ លោក ឡុង សុភ័ណ្ឌ អគ្គនាយករងកិច្ចការទូទៅ និងតាមបញ្ជា (តប) របស់ឯកឧត្តមរដ្ឋមន្ត្រីក្រសួងឧស្សាហកម្ម និងសិប្បកម្មបានចេញលិខិតអញ្ជើញផ្លូវការមួយលេខ០៣០ឧស.រប.លអ ដោយគោរពអញ្ជើញថ្នាក់ដឹកនាំក្រសួង និងមន្ត្រីនៃក្រសួងឧស្សាហកម្ម និងសិប្បកម្មទាំងអស់ឲ្យចូលរួមពិធីសែនចូលឆ្នាំចិន ក្រោមអធិបតីភាពដ៏ខ្ពង់ខ្ពស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម ប្រព្រឹត្តទៅនៅថ្ងៃចន្ទ ១៥រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៤ ខែកុម្ភៈ ឆ្នាំ២០១៩នេះនៅទីស្តីការក្រសួងឧស្សាហកម្ម និងសិប្បកម្មតែម្តង ៕
