ថ្ងៃ ចន្ទ ទី ២២ ខែ កក្កដា ឆ្នាំ ២០១៩

កុំ​មើលស្រាល​ចំណូល​ការលក់​លេខ​រថយន្ត ! លេខ​ពិសេស​ចុះបញ្ជី​រថយន្ត​ប្រភេទ​លេខ​៤​ខ្ទង់​ដូចគ្នា (​លេខ​ការេ​) មួយ​លេខ​តម្លៃ​ប្រមាណ​៥​ពាន់​ដុល្លារ​

​មាន​ប្រិយមិត្ត​អ្នកអាន​ភាគច្រើន​មិនបាន​ដឹង​អំពី​តម្លៃ​នៃ​ការលក់​លេខ​ពិសេស​ចុះបញ្ជី​រថយន្ត​គ្រួសារ និង​រថយន្ត​ធុន​ស្រាល​នៅ​រាជធានី​ភ្នំពេញ (​តំបន់​១) នៅឡើយ ពោលគឺ​មានតម្លៃ​ខ្ពស់​គួរ​ឲ្យ​កត់សម្គាល់ និង​ចាប់អារម្មណ៍​បំផុត ។ ដូច្នេះ គេហទំព័រ​សារព័ត៌មាន​ដើមត្នោត (WWW.DTN7.COM) សូម​លើកយក​តម្លៃ​នៃ​ការលក់​លេខ​ពិសេស​ចុះបញ្ជី​រថយន្ត​មួយចំនួន​នៅ​រាជធានី​ភ្នំពេញ (​តំបន់​១) អនុវត្តន៍​ដោយ​ក្រសួង​សាធារណការ និង​ដឹកជញ្ជូន មាន​ឯកឧត្តម ស៊ុន ចាន់ថុល ជា​ទេសរដ្ឋមន្ត្រី និង​ជា​រដ្ឋមន្ត្រី​មក​ជម្រាបជូន​ប្រិយមិត្ត​អ្នកអាន​បាន​ជ្រាប និង​ពិចារណា​ដូចខាងក្រោម ៖

១-​លេខ​ពិសេស​ទាំង​បួន​ខ្ទង់​ជា​លេខ​ដូចគ្នា (​លេខ​ការេ​) ៖ ៧៧៧៧, ៨៨៨៨, ៩៩៩៩ មានតម្លៃ​២០​លាន​រៀល (​ប្រមាណ​៥ ០០០​ដុល្លារ​អាមេរិក​) ខណៈ​ត្រូវ​បង់​បន្ថែម​លើ​តម្លៃ​នៃ​ស៊េរី​លេខ​ចុះបញ្ជី​បច្ចុប្បន្នភាព​ដោយ​គិត​ក្នុង​១​លេខ​សម្រាប់​ការ​ផ្លោះ​ក្នុង​១​ស៊េរី​ចំនួន ២ ៥០០ ០០០​រៀល ។​

២-​លេខ​ពិសេស​ទាំង​បួន​ខ្ទង់​ជា​លេខ​ដូចគ្នា (​លេខ​ការេ​) ៖ ១១១១, ២២២២, ៣៣៣៣, ៥៥៥៥, ៦៦៦៦ មានតម្លៃ​១៦​លាន​រៀល ។​

៣-​លេខ​ពិសេស​ទាំង​បួន​ខ្ទង់​ជា​លេខ​ដូចគ្នា (​លេខ​ការេ​) ៖ ៤៤៤៤ មានតម្លៃ​៤​លាន​រៀល ។​

៤-​លេខ​ពិសេស​មាន​លេខ​១៦៨ ស្ថិតនៅ​បី​ខ្ទង់​ខាងចុង ៖ ០១៦៨, ១១៦៨, ២១៦៨, ៣១៦៨, ៥១៦៨, ៦១៦៨, ៧១៦៨, ៨១៦៨, ៩១៦៨ មានតម្លៃ​១៦​លាន​រៀល ។​

៥-​លេខ​ពិសេស​មាន​លេខ​១៦៨ ស្ថិតនៅ​បី​ខ្ទង់​ខាងចុង ៖ ៤១៦៨ មានតម្លៃ ៣ ២០០ ០០០​រៀល ។​

៦-​លេខ​ពិសេស​មាន​លេខ​ទាំង​បួន​ខ្ទង់​ជា​លេខ​រៀង​គ្នា​តាម​លំដាប់​ឡើង ៖ ៥៦៧៨, ៦៧៨៩ មានតម្លៃ​១០​លាន​រៀល ។

៧-​លេខ​ពិសេស​មាន​លេខ​ទាំង​បួន​ខ្ទង់​ជា​លេខ​រៀង​គ្នា​តាម​លំដាប់​ឡើង ៖ ០១២៣, ១២៣៤, ២៣៤៥, ៣៤៥៦, ៤៥៦៧ មានតម្លៃ​៦​លាន​រៀល ។​

​ឯកឧត្តម ស៊ុន ចាន់ថុល ត្រូវបានតែងតាំង​ជា​ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន ក្រោយ​ការបង្កើត​រាជរដ្ឋាភិបាល​កម្ពុជា​នីតិកាល​ទី​៦​នៃ​រដ្ឋសភា ដោយ​ព្រះរាជក្រឹត្យ​លេខ​នស​/​រកត​/០៩១៨/៩២៥ ចុះ​ថ្ងៃទី​០៦ ខែកញ្ញា ឆ្នាំ​២០១៨ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.