ថ្ងៃ អាទិត្យ ទី ១៧ ខែ កម្ភៈ ឆ្នាំ ២០១៩

សម្ញែង​មី​ស៊ី​ល​ចំពេល​តានតឹង ! អ៊ីស្រាអែល​ប្រកាស​ជោគជ័យ​ការធ្វើ​តេស្ត​ប្រព័ន្ធ​ប្រឆាំង​មី​ស៊ី​ល​ធុន Arrow3 ខណៈ​អ៊ីរ៉ង់​ព្រមាន​កម្ទេច​អ៊ីស្រាអែល​ឲ្យ​រលាយបាត់​ពី​ផែនដី​

សារព័ត៌មាន Sputnik របស់​រុស្ស៊ី​បាន​ផ្សព្វផ្សាយ​កាលពី​រសៀល​ថ្ងៃទី​២២ ខែមករា ឆ្នាំ​២០១៩​ម្សិលមិញ​នេះ​ឲ្យ​ដឹងថា កម្លាំងយោធា​នៃ​ប្រទេស​អ៊ីស្រាអែល​បានសម្រេច​ជោគជ័យ​ក្នុង​ការបាញ់​តេស្ត​សាកល្បង​នូវ​ប្រព័ន្ធ​ប្រឆាំង​មី​ស៊ី​ល​ផ្លោង​មាន​ឈ្មោះថា Arrow3 ឬ Hetz3 ដែលជា​សមិទ្ធផល​អភិ​វឌ្ឍន៍​រួមគ្នា​រវាង​អ៊ីស្រាអែល និង​មហាអំណាច​សហរដ្ឋអាមេរិក ។​

​សេចក្តីថ្លែងការណ៍​រប​ស់​ក្រសួងការពារជាតិ​អ៊ីស្រាអែល​បាន​ឲ្យ​ដឹងថា ក្នុងអំឡុងពេល​នៃ​ការបាញ់​តេស្ត​សាកល្បង​ប្រព័ន្ធ​គ្រាប់​មី​ស៊ី​ល​ប្រឆាំង​មី​ស៊ី​ល​ផ្លោង​ធុន Arrow3 ដែល​បម្រើ​មុខងារ​ស្ទាក់​កម្ទេច​មី​ស៊ី​ល​ផ្លោង​ប្រភេទ ICBM (Intercontinental Ballistic Missile) គឺ​វា​រត់​ចំ​គោលដៅ​តាម​ការគ្រោងទុក​យ៉ាង​ល្អ​ឥតមាន​ខុស ។​

​មី​ស៊ី​ល​ឈ្មោះ Arrow3 ឬ Hetz3 ជា​ប្រព័ន្ធ​ប្រឆាំង​មី​ស៊ី​ល​ផ្លោង​ត្រូវបាន​អភិវឌ្ឍន៍​រួមគ្នា​រវាង​ប្រទេស​អ៊ីស្រាអែល និង​សហរដ្ឋអាមេរិក ដើម្បី​បំពេញតម្រូវការ​លើ​វិស័យ​យោធា​អ៊ីស្រាអែល​ដែល​ស្នើ​ចង់បាន​ប្រព័ន្ធ​មី​ស៊ី​ល​ដ៏​មាន​អានុភាព និង​ប្រសិទ្ធភាព​ទប់ទល់​ជាមួយ​មី​ស៊ី​ល​ផ្លោង​ជាង​ប្រព័ន្ធ​មី​ស៊ី​ល MIM-104 Patriot ។

​អ៊ីស្រាអែល​ដែលជា​ប្រទេស​គាំទ្រ​ដោយ​មហាអំណាច​សហរដ្ឋ​អាមេរិក​បាន និង​កំពុង​ប្រឈម​ការគំរាមកំហែង​យ៉ាងខ្លាំង​ពី​អ៊ីរ៉ង​ដែលជា​ប្រទេស​គាំទ្រ​ដោយ​មហាអំណាច​រុស្ស៊ី រហូតដល់​លោក Aziz Nasizadeh មេបញ្ជាការ​កងទ័ព​អ៊ីរ៉ង់​ធ្លាប់​ព្រមាន​ធ្ងន់ៗ​ថា អ៊ីរ៉ង់​ត្រៀមខ្លួន​ជាស្រេច​នឹង​កម្ទេច​អ៊ីស្រាអែល​ឲ្យ​រលាយបាត់​ចេញពី​ផែនដី ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.