ថ្ងៃ អាទិត្យ ទី ២១ ខែ មេសា ឆ្នាំ ២០១៩

កំពូល​អ្នក​ជោគជ័យ ! បុរស សាន្ត ប៊ុនធឿន ដែល​ល្បីឈ្មោះ​ក្នុង Facebook ជាមួយនឹង ABC Beer ទទួលបាន​ក្របខ័ណ្ឌ​ទាហាន​ពាក់​ស័ក្តិ​៤ និង​ជា​ជំនួយការ​បញ្ជាការដ្ឋាន​អង្គរក្ស​

បន្ទាប់ពី​ល្បីឈ្មោះ​ក្នុង​បណ្តាញ​ព័ត៌មាន​សង្គម Facebook ដូច​កញ្ញា ធី សុវណ្ណ​ថា ដែរនោះ និង​បន្ទាប់ពី​មានគុណ​សម្បត្តិ​ក្នុងការ​បម្រើ​ការងារ​ជូន​គណបក្ស​ប្រជាជន​កម្ពុជា (CPP) គឺ​បុរស​ម្នាក់​ឈ្មោះ សាន្ត ប៊ុនធឿន ដែលជា​អ្នក​ចូលចិត្ត​ក្លែមស្រា​បៀរ ABC បង្ហោះ​តាម Facebook ត្រូវបាន​សម្តេច​ពិជ័យ​សេនា​នាយ​ឧ​ត្ត​ម​សេនីយ៍​ផ្កាយ​មាស​៤ ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​សម្រេច​បញ្ចូល​ក្របខ័ណ្ឌ និង​ប្រគល់​ឋានន្តរស័ក្តិ​ថ្នាក់​វរសេនីយ៍ត្រី នាយទាហាន​នៃ​កងយោធពល​ខេមរភូមិន្ទ អត្តលេខ​១៧០២៤៨ និង​ជា​ជំនួយការ​បញ្ជាការដ្ឋាន​អង្គរក្ស​អគ្គបញ្ជាការដ្ឋាន​នៃ​កងយោធពល​ខេមរភូមិន្ទ​កាលពី​ថ្ងៃទី​១៨ ខែតុលា ឆ្នាំ​២០១៨​កន្លងទៅ ។​

​ក្រៅពី​ចេះ​សម្តែង​សឹង​គ្រប់យ៉ាង​តាម Facebook គឺ​បុរស​ឈ្មោះ សាន្ត ប៊ុនធឿន ដែល​គេ​តែង​ហៅថា អ្នកកាសែត​ក្នុង Facebook នោះ ចាប់ផ្តើម​ល្បីឈ្មោះ​ខ្លាំង​បន្ទាប់ពី​លេចចេញ​មាន​ឆាកល្ខោន​កញ្ញា ធី សុវណ្ណ​ថា ប្តឹងផ្តល់​កាលពី​អំឡុង​ឆ្នាំ​២០១៧​ចោទប្រកាន់​ពីបទ​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍ ទៅកាន់​អយ្យការ​អម​សាលាដំបូង​រាជធានី​ភ្នំពេញ និង​ក្រោយមក​ក៏បាន​សម្របសម្រួល​គ្នា​យក​ភាព​ល្បីឈ្មោះ​រៀងៗ​ខ្លួន ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.