ថ្ងៃ ពុធ ទី ១៩ ខែ មិថុនា ឆ្នាំ ២០១៩

​រឿង​«​សភាព​វង្វេង​របស់​រា​ជ​ការ​» ! ក្រសួង​សេដ្ឋកិច្ច និង​ហិរញ្ញវត្ថុ​លួច​បង្កើត​ការិយាល័យ​សុរិយោដី​នៃ​មន្ទីរ​ដន​ស រាជធានី​ភ្នំពេញ​ឲ្យ​ឋិត​ក្រោម​អគ្គនាយកដ្ឋាន​ពន្ធដារ​បន្លំ​ភ្នែក​នាយករដ្ឋមន្ត្រី

កាលពី​ថ្ងៃ​ព្រហស្បតិ៍ ៨​រោច ខែអស្សុជ ឆ្នាំច សំរឹទ្ធិស័ក ព​.​ស​.២៥៦២ ត្រូវ​នឹង​ថ្ងៃទី​០១ ខែវិច្ឆិកា ឆ្នាំ​២០១៨​កន្លងទៅ ក្រសួង​សេដ្ឋកិច្ច និង​ហិរញ្ញវត្ថុ (​សហវ​) បានចេញ​សេចក្តីសម្រេច​មួយ​លេខ​០៥៧​សហវ ស្តីពី​ការកែសម្រួល​សមាសភាព​អនុគណៈកម្មការ​វាយតម្លៃ​ដី​សម្រាប់​ពន្ធ​លើដី​ធ្លី​មិនបាន​ប្រើប្រាស់ រាជធានី​ភ្នំពេញ ដែលមាន​សមាសភាព​ចំនួន​២៤​នាក់ ចុះហត្ថលេខា​ដោយ​ឯកឧត្តម ជូ វិ​ជិ​ត្ត រដ្ឋលេខាធិការ​ក្រសួង​សេដ្ឋកិច្ច និង​ហិរញ្ញវត្ថុ និង​ជា​ប្រធាន​គណៈកម្មការ​វាយតម្លៃ​ដី​សម្រាប់​ពន្ធ​លើដី​ធ្លី​មិនបាន​ប្រើប្រាស់ ។​

​ប្រការ​១ នៃ​សេចក្តីសម្រេច​លេខ​០៥៧​សហវ ចុះ​ថ្ងៃទី​០១ ខែវិច្ឆិកា ឆ្នាំ​២០១៨​របស់​ក្រសួង​សេដ្ឋកិច្ច និង​ហិរញ្ញវត្ថុ ស្តីពី​ការកែសម្រួល​សមាសភាព​អនុគណៈកម្មការ​វាយតម្លៃ​ដី​សម្រាប់​ពន្ធ​លើដី​ធ្លី​មិនបាន​ប្រើប្រាស់ រាជធានី​ភ្នំពេញ​នោះ គឺ​បានបញ្ជាក់​អំពី​មុខងារ​របស់លោក សៀន សុ​យ៉ា​នី ដែលជា​សមាជិក​អនុគណៈកម្មការ ថា​ជា «​ប្រធានការិយាល័យ​សុរិយោដី​នៃ​មន្ទីរ​ដន​ស នៃ​អគ្គនាយកដ្ឋាន​ពន្ធដារ​» ។ មានន័យថា ការិយាល័យ​សុរិយោដី នៃ​មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី រាជធានី​ភ្នំពេញ ត្រូវបាន​ក្រសួង​សេដ្ឋកិច្ច និង​ហិរញ្ញវត្ថុ​ដាក់​ឲ្យ​ឋិត​ក្រោម​ចំណុះ​អគ្គនាយកដ្ឋាន​ពន្ធដារ នៃ​ក្រសួង​សេដ្ឋកិច្ច និង​ហិរញ្ញវត្ថុ បន្លំ​ភ្នែក​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​ទៅវិញ (Sic!) ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.