ថ្ងៃ ពុធ ទី ១២ ខែ ធ្នូ ឆ្នាំ ២០១៨

​កើនឡើង​ឥត​ល្ហែ ! រយៈពេល​៤២​ថ្ងៃ (​ជិត​០១​ខែ​កន្លះ​) មេ​រដ្ឋសភា​នីតិកាល​ទី​៦​មាន​ទីប្រឹក្សា​ចំនួន​១៣២​នាក់​

ក្រោយ​ចូលកាន់​តំណែង​ជា​ប្រធានរដ្ឋសភា​នីតិកាល​ទី​៦​រយៈពេល​៤២​ថ្ងៃ (​គិត​ត្រឹម​ថ្ងៃទី​១៨ ខែតុលា ឆ្នាំ​២០១៨) សម្តេច​អគ្គ​មហា​ពញា​ចក្រី ហេង សំរិន មាន​ទីប្រឹក្សា​ចំនួន​១៣២​នាក់ ដែល​ក្នុងនោះ​មាន​ឋានៈ​ស្មើ​ទេសរដ្ឋមន្ត្រី​ចំនួន​០១​នាក់ ឋានៈ​ស្មើ​រដ្ឋមន្ត្រី​ចំនួន​៣០​នាក់ ឋានៈ​ស្មើ​រដ្ឋលេខាធិការ​ចំនួន​៧០​នាក់ និង​ឋានៈ​ស្មើ​អនុរដ្ឋលេខាធិការ​ចំនួន​៣១​នាក់ ពោល​គឺមាន​ចំនួន​ច្រើនជាង​អាសនៈ​រដ្ឋសភា​នីតិកាល​ទី​៦​ទៅទៀត (​អាសនៈ​រដ្ឋសភា​ចំនួន​១២៥) ។​

​គិត​ត្រឹម​ថ្ងៃទី​២៧ ខែកញ្ញា ឆ្នាំ​២០១៨ សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា​នីតិកាល​ទី​៦ មាន​ទីប្រឹក្សា​ចំនួន​៩៦​នាក់ និង​គិត​មកដល់​ថ្ងៃទី​១៨ ខែតុលា ឆ្នាំ​២០១៨ មាន​ទីប្រឹក្សា​ចំនួន​១៣២​នាក់ គឺ​មានន័យថា រយៈពេល​ប្រមាណ​២១​ថ្ងៃ (៣​សប្តាហ៍​) ចំនួន​ទីប្រឹក្សា​របស់​មេ​រដ្ឋសភា​នីតិកាល​ទី​៦​បាន​កើនឡើង​៣៦​នាក់ (​សូម​អាន​ការផ្សព្វផ្សាយ​របស់​គេហ​ទំព័រសារព័ត៌មាន​ដើមត្នោត នា​ថ្ងៃទី​២៥ ខែវិច្ឆិកា ឆ្នាំ​២០១៨​បន្ថែម​) ។

​គួរ​រំលឹក​ជូន​ថា កាល​នៅ​កាន់តំណែង​ជា​អតីត​ប្រធានរដ្ឋសភា​នីតិកាល​ទី​៤ គឺ​សម្តេច​អគ្គ​មហា​ពញា​ចក្រី ហេង សំរិន មាន​ទីប្រឹក្សា​ចំនួន​ជាង​២០០​នាក់ និង​ជំនួយការ​ជិត​២០​នាក់ (Sic!) ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.