ថ្ងៃ ព្រហស្បតិ៍ ទី ១៣ ខែ ធ្នូ ឆ្នាំ ២០១៨

តាម​មេ ! កូនប្រុស​ផ្កាយ​៤ ម៉ឹង សំផន រដ្ឋលេខាធិការ​ក្រសួងការពារជាតិ​ពាក់​ផ្កាយ​១​ទាហាន​ម្នាក់ ទទួលបាន​ការតែងតាំង​ជា​នាយសេនាធិការរង​បញ្ជាការដ្ឋាន​កងទ័ពជើងគោក​

លោក​ឧ​ត្ត​ម​សេនីយ៍​ត្រី ម៉ឹង មករា នាយទាហាន​ថ្នាក់​ឧ​ត្ត​ម​សេនីយ៍​នៃ​កងយោធពល​ខេមរភូមិន្ទ អត្តលេខ​០១១០៩១ និង​ត្រូវជា​កូនប្រុស​ឯកឧត្តម​នាយ​ឧ​ត្ត​ម​សេនីយ៍ ម៉ឹង សំផន រដ្ឋលេខាធិការ​ក្រសួងការពារជាតិ ទទួលបាន​ការតែងតាំង​ជា​នាយសេនាធិការរង​បញ្ជាការដ្ឋាន​កងទ័ពជើងគោក ដោយ​អនុក្រឹត្យ​លេខ​៩៣៦​អនក្រ​.​ត​ត ចុះ​ថ្ងៃទី​២៦ ខែកញ្ញា ឆ្នាំ​២០១៨ គឺ​បន្ទាប់ពី​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត នាយទាហាន​ថ្នាក់​ឧ​ត្ត​ម​សេនីយ៍​នៃ​កងយោធពល​ខេមរភូមិន្ទ អត្តលេខ​០៣៣៨៨៣ ត្រូវជា​កូនប្រុស​ច្បង​សម្តេច​អគ្គមហាសេនាបតី​តេ​ជោ​នាយ​ឧ​ត្ត​ម​សេនីយ៍​ផុត​លេខ​ផ្កាយ​មាស​៥ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ទទួលបាន​ការតែងតាំង​ជា​មេបញ្ជាការ​កងទ័ពជើងគោក បន្ថែម​លើ​មុខងារ​បច្ចុប្បន្ន ដោយ​ព្រះរាជក្រឹត្យ​លេខ​នស​/​រកត​/០៩១៨/៩៣៣ ចុះ​ថ្ងៃទី​០៦ ខែកញ្ញា ឆ្នាំ​២០១៨ ។​

​គួរ​រំលឹក​ជូន​ថា លោក ម៉ឹង មករា នាយទាហាន​នៃ​កងយោធពល​ខេមរភូមិន្ទ អត្តលេខ​០១១០៩១ ធ្លាប់​ទទួលបាន​ការតែងតាំង​ជា​មេបញ្ជាការរង និង​ជា​នាយសេនាធិការ​បញ្ជាកា​រដ្ឋា​ន​ជាតិ​កម្លាំង​ពិសេស​ប្រឆាំង​ភេរវកម្ម ដែលមាន​លោក​ឧ​ត្ត​ម​សេនីយ៍ ហ៊ុន ម៉ា​ណែ​ត ជា​មេបញ្ជាការ​តាំងពី​នៅ​ពាក់​ឋានន្តរស័ក្តិ​ថ្នាក់​វរសេនីយ៍​មកម្ល៉េះ ។

​សរុបសេចក្តី​មក មុខតំណែង​លោក​ឧ​ត្ត​ម​សេនីយ៍ ម៉ឹង មករា ត្រូវបានតែងតាំង​ឲ្យ​បំពេញ​មុខងារ​តាម​មុខតំណែង​របស់លោក​ឧ​ត្ត​ម​សេនីយ៍ ហ៊ុន ម៉ា​ណែ​ត ដែរ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.