ថ្ងៃ ព្រហស្បតិ៍ ទី ១៨ ខែ តុលា ឆ្នាំ ២០១៨

​ចេញពី​ទាហាន​ចូល​ប៉ូលិស ! ឧកញ៉ា​ពាក់​ផ្កាយ​ម្នាក់​ដែល​ធ្លាប់មាន​រឿងអាស្រូវ​ដក​កាំភ្លើងខ្លី​វាយ​ក្បាល​សន្តិសុខ​រោងចក្រ ត្រូវបាន​ផ្ទេរ​ក្របខ័ណ្ឌ​ចេញពី​ទាហាន​ទៅ​ក្រសួងមហាផ្ទៃ​វិញ

នាយទាហានជាន់ខ្ពស់​នៃ​កងយោធពល​ខេមរភូមិន្ទ​ក្រសួងការពារជាតិ និង​មាន​ងារ​ជា​ឧកញ៉ា​ម្នាក់​ផង ដែល​ធ្លាប់​បង្ករឿង​អាស្រូវ​ដក​កាំភ្លើងខ្លី​វាយ​ក្បាល​សន្តិសុខ​រោងចក្រ SL Garment Processing (Cambodia) Ltd. បណ្តាល​ឲ្យ​សន្លប់​កាលពី​រាត្រី​ថ្ងៃទី​០៩ ខែកក្កដា ឆ្នាំ​២០១១ ក្នុង​បរិវេណ​រោងចក្រ​នោះ គឺ​លោក​ឧកញ៉ា លឹម ឆ​ខាយ បាន​ផ្ទេរ​ក្របខ័ណ្ឌ​ពី​ទាហាន​ទៅ​បម្រើ​ការងារ​ក្នុង​ក្របខ័ណ្ឌ​ក្រសួងមហាផ្ទៃ​វិញ​ហើយ ដោយ​អនុក្រឹត្យ​លេខ​១៣២៣​អនក្រ​.​ត​ត ចុះ​ថ្ងៃទី​២៤ ខែវិច្ឆិកា ឆ្នាំ​២០១៧ ។​

​ក្រៅពី​មាន​ងារ​ជា​ឧកញ៉ា​(​តែងតាំង​ដោយ​ព្រះរាជក្រឹត្យ​លេខ​នស​/​រកត​/០១១១/០៧៨ ចុះ​ថ្ងៃទី​២២ ខែមករា ឆ្នាំ​២០១១ តែ​មិនមាន​បោះពុម្ព​ផ្សព្វផ្សាយ​ក្នុង​សៀវភៅ​រាជកិច្ច​ទេ​) លោក លឹម ឆ​ខាយ ក៏​ជា​នាយទាហានជាន់ខ្ពស់​នៃ​កងយោធពល​ខេមរភូមិន្ទ អត្តលេខ​០១៥៣០២​ម្នាក់​ដែរ ។

​លោក​ឧកញ៉ា លឹម ឆ​ខាយ ក្នុង​ក្របខ័ណ្ឌ​នាយទាហាន​នៃ​កងយោធពល​ខេមរភូមិន្ទ អត្តលេខ​០១៥៣០២ និង​ជា​សមាជិក​ក្រុមការងារ​ស្រាវជ្រាវ​ជំនាញ​យោធារ​ថ្នាក់​អគ្គបញ្ជាការដ្ឋាន ទទួលបាន​ការដំឡើង​ឋានន្តរស័ក្តិ​ថ្នាក់​ឧ​ត្ត​ម​សេនីយ៍​ត្រី (​ផ្កាយ​១) ដោយ​ព្រះរាជក្រឹត្យ​លេខ​នស​/​រកត​/០៩១១/៨៩៤ ចុះ​ថ្ងៃទី​១៩ ខែកញ្ញា ឆ្នាំ​២០១១ ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.