AFC បានបង្ហាញតារាងចែកពូលនៃពានរង្វាន់យុវជនអាស៊ីអាគ្នេយ៍អាយុក្រោម១៦ឆ្នាំផ្លូវការហើយ (AFF U16) ដោយក្នុងនោះក្រុមគោព្រៃកម្ពុជាឋិតក្នុងពូល A ដែលមាន៥ប្រទេសជាដៃគូប្រកួត ដូចជា ៖ វៀតណាម ឥណ្ឌូនេស៊ី មីយ៉ាន់ម៉ា ទីម័រខាងកើត និង ហ្វីលីពីន ។
ងាកមកមើលពូល B វិញគឺមានតែ៥ប្រទេសប៉ុណ្ណោះ ដូចជា ៖ ថៃ ម៉ាឡេស៊ី ឡាវ ប្រ៊ុយណេ និងសិង្ហបុរី ហើយក្នុងពូល B នេះ ថៃ និង ម៉ាឡេស៊ី អាចនឹងមានភាគរយខ្ពស់ជាងគេដើម្បីឈានទៅវគ្គបន្ត ។ ចំណែកឯក្រុមគោព្រៃកម្ពុជាវិញ អាចនឹងមានគ្រោះថ្នាក់ច្រើនដោយសារក្នុងពូល A មានរហូតដល់ទៅ៦ក្រុមចូលរួម ហើយកម្ពុជានឹងធ្វើការធ្ងន់ជាមួយក្រុមខ្លាំងៗ ដូចជា ឥណ្ឌូនេស៊ី និងវៀតណាម ជាដើម ។
ព្រឹត្តិការណ៍ពានរង្វាន់ យុវជនអាស៊ីអាគ្នេយ៍ក្រោម១៦ឆ្នាំ (AFF U16) នឹងចាប់ផ្តើមពីថ្ងៃទី១៩ ខែកក្កដា ដល់ថ្ងៃទី១១ ខែសីហា ឆ្នាំ២០១៨ ខាងមុខនេះ ដែលមានឥណ្ឌូនេស៊ីជាម្ចាស់ផ្ទះ ៕
