ថ្ងៃ អង្គារ ទី ០៧ ខែ មេសា ឆ្នាំ ២០២០

បង្កើត​ក្រុមការងារ​ការពារ​ចៅហ្វាយ ! មេទាហាន​-​ប៉ូលិស​១៦​នាក់​ពាក់​ផ្កាយ​សរុប​ចំនួន​៤៩​លើ​ស្មា​ម្ខាង ក្នុងនោះ​មានកូន​ប្រុស​បុរស​ខ្លាំង​ពីរ​នាក់​ផង​ត្រូវបាន​ចាត់​ឲ្យ​ការពារ​នាយករដ្ឋមន្ត្រី

​ក្រោម​ការ​អះអាងថា យោងតាម​តម្រូវការ​ចាំបាច់​របស់​រាជរដ្ឋាភិបាល​កម្ពុជា គឺ​មេទាហាន និង​មេ​ប៉ូលិស​ចំនួន​១៦​នាក់ ដែល​ពាក់​ផ្កាយ​សរុប​ចំនួន​៤៩​ផ្កាយ​នៅលើ​ស្មា​ម្ខាងៗ ក្នុងនោះ​មានកូន​ប្រុស​របស់​សម្តេច​អគ្គមហាសេនាបតី​តេ​ជោ​នាយ​ឧ​ត្ត​ម​សេនីយ៍​ផុត​លេខ​ផ្កាយ​មាស​៥ ហ៊ុន សែន ហៅ​បុរស​ខ្លាំង នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដែល​ធ្វើ​ទាហាន​ថ្នាក់​ឧ​ត្ត​ម​សេនីយ៍​ឯក (​ផ្កាយ​៣) ចំនួន​២​នាក់​ផង ត្រូវបាន​រាជរដ្ឋាភិបាល​ដាក់​ឲ្យ​ឋិត​នៅក្នុង​ក្រុមការងារ​ការពារ​សន្តិ​សុខ សុវត្ថិភាព​រប​ស់បុរ​ស​ខ្លាំង និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ភរិយា​បុរស​ខ្លាំង ប្រធាន​កាកបាទក្រហមកម្ពុជា​នៅ​គ្រប់​គោលដៅ​ប្រារព្ធ​ពិធី​ផ្សេងៗ​ទាំងអស់ ដោយ​សេចក្តីសម្រេច​លេខ​៩៣​សសរ ចុះ​ថ្ងៃទី​២០ ខែតុលា ឆ្នាំ​២០១៧ ។​

​មេទាហាន​-​ប៉ូលិស​ទាំង​១៦​នាក់ ដែល​ឋិត​ក្នុង​ក្រុមការងារ​រៀបចំ​កិច្ចការ​សន្តិសុខ សុវត្ថិភាព​ជូន​នាយករដ្ឋមន្ត្រី និង​ភរិយា​នោះ រួមមាន ៖

១-​ឯកឧត្តម​នាយ​ឧ​ត្ត​ម​សេនីយ៍ យូ ស៊ុនឡុង រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួង​មុខងារសាធារណៈ ជា​ប្រធាន

២-​ឯកឧត្តម​នាយ​ឧ​ត្ត​ម​សេនីយ៍ ហ៊ីង ប៊ុន​ហៀ​ង អគ្គមេបញ្ជាការ​រង​នៃ​កងយោធពល​ខេមរភូមិន្ទ មេបញ្ជាការ​នៃ​បញ្ជាការដ្ឋាន​កង​អង្គរក្ស និង​ជា​នាយករង​ខុទ្ទកាល័យ​នាយករដ្ឋមន្ត្រី ជា​អនុប្រធាន

៣-​ឯកឧត្តម​នាយ​ឧ​ត្ត​ម​សេនីយ៍ ហ៊ុយ ពិសិដ្ឋ អនុរដ្ឋលេខាធិការ​ក្រសួងការពារជាតិ និង​ជា​នាយករង​ខុទ្ទកាល័យ​នាយករដ្ឋមន្ត្រី ជា​អនុប្រធាន

៤-​ឯកឧត្តម​នាយ​ឧ​ត្ត​ម​សេនីយ៍ ទូច ណារ៉ុថ អគ្គស្នងការ​រង​នៃ​អគ្គស្នងការដ្ឋាន​នគរ​បាល​ជាតិ និង​ជា​ប្រធាន​នាយកដ្ឋានអង្គរក្ស ជា​អនុប្រធាន

៥-​ឯកឧត្តម​នាយ​ឧ​ត្ត​ម​សេនីយ៍ មួន សារ៉ន ទីប្រឹក្សា​ផ្ទាល់​នាយករដ្ឋមន្ត្រី និង​ជា​អគ្គស្នងការ​រង​នៃ​អគ្គស្នងការដ្ឋាន​នគរ​បាល​ជាតិ ជា​អនុប្រធាន

៦-​ឯកឧត្តម​ឧ​ត្ត​ម​សេនីយ៍​ឯក ចៅ តុល នាយករង​ខុទ្ទកាល័យ​នាយករដ្ឋមន្ត្រី នាយរង​សេនាធិការ​ចម្រុះ​នៃ​អគ្គបញ្ជាការដ្ឋាន​កងយោធពល​ខេមរភូមិន្ទ និង​ជា​មេបញ្ជាការរង​បញ្ជាការដ្ឋាន​អង្គរក្ស ជា​សមាជិក

៧-​លោក​ឧ​ត្ត​ម​សេនីយ៍​ឯក ហ៊ុន ម៉ា​ណែ​ត នាយរង​សេនាធិការ​ចម្រុះ​នៃ​អគ្គបញ្ជាការដ្ឋាន​កងយោធពល​ខេមរភូមិន្ទ មេបញ្ជាការរង​កងទ័ព​ជើងគោក និង​ជា​មេបញ្ជាការ​បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម ជា​សមាជិក

៨-​ឯកឧត្តម​ឧ​ត្ត​ម​សេនីយ៍​ឯក ហ៊ុន ម៉ានិត នាយករង​ខុទ្ទកាល័យ​នាយករដ្ឋមន្ត្រី និង​ជា​អគ្គនាយក​នៃ​អគ្គនាយកដ្ឋាន​ស្រាវជ្រាវ​-​ចារកិច្ច​ក្រសួងការពារជាតិ ជា​សមាជិក​

៩-​ឯកឧត្តម ហ៊ុន ស៊ីថា នាយករង​ខុទ្ទកាល័យ​នាយករដ្ឋមន្ត្រី ជា​សមាជិក

១០-​លោក​ឧ​ត្ត​ម​សេនីយ៍​ឯក អ៊ុង សារិទ្ធ នាយរង​សេនាធិការ​ចម្រុះ​នៃ​អគ្គបញ្ជាការដ្ឋាន​កងយោធពល​ខេមរភូមិន្ទ និង​ជា​មេបញ្ជាការរង​នៃ​បញ្ជាការដ្ឋាន​អង្គរក្ស ជា​សមាជិក​

១១-​លោក​ឧ​ត្ត​ម​សេនីយ៍​ឯក ន​ន់ សុខា មេបញ្ជាការរង​កងរាជអាវុធហត្ថ​លើ​ផ្ទៃ​ប្រទេស ជា​សមាជិក

១២-​លោក​ឧ​ត្ត​ម​សេនីយ៍​ឯក វិសុទ្ធ សំបូរ មេបញ្ជាការរង​នៃ​បញ្ជាការដ្ឋាន​អង្គរក្ស ជា​សមាជិក​

១៣-​លោក​ឧ​ត្ត​ម​សេនីយ៍​ឯក មែ សារឿន មេបញ្ជាការរង​នៃ​បញ្ជាការដ្ឋាន​អង្គរក្ស ជា​សមាជិក​

១៤-​លោក​ឧ​ត្ត​ម​សេនីយ៍​ឯក ភោគ ចន្ថា មេបញ្ជាការរង​នៃ​បញ្ជាការដ្ឋាន​អង្គរក្ស និង​ជា​មេបញ្ជាការ​ការពារ​គោល​ដៅ​ទីស្តីការគណៈរដ្ឋមន្ត្រី ជា​សមាជិក

១៥-​លោក​ឧ​ត្ត​ម​សេនីយ៍​ឯក អន សារិទ្ធ មេបញ្ជាការរង​បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម ជា​សមាជិក​

១៦-​លោក​ឧ​ត្ត​ម​សេនីយ៍​ទោ អ៊ុង ជំនោរ ប្រធាន​ក្រុមបច្ចេកទេស​រុករក​ជាតិ​ផ្ទុះ​កែច្នៃ (IED) ជា​សមាជិក ។​

​ក្រុមការងារ​ចុះ​រៀបចំ​កិច្ចការ​សន្តិសុខ សុវត្ថិភាព​តាម​គោលដៅ​ប្រារព្ធ​ពិធី​ក្នុង​ព្រះរាជាណាចក្រ​កម្ពុជា​នេះ​មាន​ភារកិច្ច ៖-​ចុះ​គ្រប់​គោលដៅ​ប្រារព្ធ​ពិធី​ផ្សេងៗ​របស់​នាយករដ្ឋមន្ត្រី និង​ភរិយា ។ -​ដឹកនាំ​បញ្ជា និង​សហការ​ជាមួយ​សមត្ថកិច្ច​គ្រប់លំដាប់​ថ្នាក់ ព្រមទាំង​អាជ្ញាធរ​ដែនដី​លើ​ការងារ​សន្តិសុខ សុវត្ថិភាព ។ -​ដោះស្រាយ និង​ទប់ស្កាត់​រាល់​បញ្ហា​ដែល​កើតមានឡើង​ដោយ​យថាហេតុ​ក្នុង​កម្មវិធី​នីមួយៗ ។ -​បំពេញភារកិច្ច​ផ្សេងៗ​ទៀត ដែល​ពាក់ព័ន្ធ​នឹង​កិច្ចការ​សន្តិសុខ សុវត្ថិភាព​ជូន​ដល់​នាយករដ្ឋមន្ត្រី និង​ភរិយា ៕​

Filed in: Feature, ព័ត៌មានជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.