ថ្ងៃ សុក្រ ទី ០៧ ខែ សីហា ឆ្នាំ ២០២០

ចិន និង​រុស្ស៊ី​ដដែល ! UN ដាក់ចេញ​នូវ​សេចក្តីសម្រេច​៣​ប្រឆាំងនឹង​កម្មវិធី​អាវុធ​នុយក្លេអ៊ែរ​កូរ៉េខាងជើង ខណៈ​រុស្ស៊ី និង​ចិន​ជំទាស់

ទីភ្នាក់ងារសារព័ត៌មាន Yonhapnews របស់​ប្រទេស​កូរ៉េខាងត្បូង​ដែល​ផ្សព្វផ្សាយ​នៅ​ថ្ងៃទី​២៨ ខែតុលា ឆ្នាំ​២០១៧​នេះ ដោយ​ដកស្រង់​ពី​សេចក្តីរាយការណ៍​របស់​សារព័ត៌មាន​ដែលមាន​មូលដ្ឋាន​នៅ​សហរដ្ឋអាមេរិក​បាន​ឲ្យ​ដឹងថា គណៈកម្មាធិការ​ទី​១​របស់​អង្គការសហប្រជាជាតិ (UN) បានដាក់​ចេញ​នូវ​សេចក្តីសម្រេច​ចំនួន​៣​ដើម្បី​ប្រឆាំងនឹង​ការបាញ់​តេស្ត​សាកល្បង​អាវុធ​នុយក្លេអ៊ែរ​របស់​ប្រទេស​កូរ៉េខាងជើង ខណៈ​សេចក្តីសម្រេច​នេះ​ត្រូវបាន​ផ្តើមគំនិត​ដោយ​ប្រទេស​ជប៉ុន និង​មានការ​គាំទ្រ​ដោយ​សហរដ្ឋអាមេរិក និង​អង់គ្លេស ។​

Image may contain: sky, cloud and outdoor

​លោក Mohammed Hussein Bahr Aluloom អ្នកដឹកនាំ​គណៈកម្មាធិការ​អង្គការសហប្រជាជាតិ​លើ​ការពិភាក្សា​នូវ​ប្រធានបទ​លុបបំបាត់​សព្វាវុធ និង​សន្តិសុខ​អន្តរជាតិ​បាន​ថ្លែង​ឲ្យ​ដឹងថា ពង្រាង​សេចក្តីសម្រេច L35 របស់​អង្គការសហប្រជាជាតិ​ចែង​អំពី​សកម្មភាព​រួម និង​ការប្តេជ្ញាចិត្ត​ជាថ្មី​ឆ្ពោះទៅរក​ការលុបបំបាត់​អាវុធ​នុយក្លេអ៊ែរ​ទាំងស្រុង ហើយ​ត្រូវបាន​អនុម័ត​យល់ព្រម​ដោយ​បណ្តា​ប្រទេស​ចំនួន​១៤៤ និង​ប្រទេស​២៧​អនុបវាទ ព្រមទាំង​ប្រទេស​ចំនួន​៤​ប្រឆាំង​ជំទាស់ ។

Image may contain: outdoor and nature

​ប្រទេស​ចំនួន​៤​ដែល​ប្រឆាំង​ជំទាស់​ទៅនឹង​សេចក្តីសម្រេច​របស់​អង្គការសហប្រជាជាតិ​ប្រឆាំងនឹង​ការបាញ់​តេស្ត​សាកល្បង​អាវុធ​នុយក្លេអ៊ែរ​របស់​ប្រទេស​កូរ៉េខាងជើង​នោះ គឺ​រុស្ស៊ី ចិន ស៊ី​រី និង​ប្រទេស​កូរ៉េខាងជើង​ខ្លួនឯង ។​

Image may contain: sky and outdoor

​សារព័ត៌មាន VOA របស់​សហរដ្ឋអាមេរិក​បានបញ្ជាក់​ឲ្យ​ដឹងថា សេចក្តីសម្រេច​របស់​អង្គការសហប្រជាជាតិ​នេះ គឺមាន​គោលដៅ​ដើម្បី​ទប់ទល់​នឹង​ប្រទេស​កូរ៉េខាងជើង ដែល​បាន​បាញ់​តេស្ត​សាកល្បង​អាវុធ​នុយក្លេអ៊ែរ​លើក​ទី​៦​របស់ខ្លួន​កាលពី​ខែកញ្ញា ឆ្នាំ​២០១៧​កន្លងទៅ ៕​

Image may contain: one or more people and outdoor

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.