ថ្ងៃ ពុធ ទី ១២ ខែ ធ្នូ ឆ្នាំ ២០១៨

ចំណេញ​ទៀតហើយ ! សហរដ្ឋអាមេរិក​ចុះកិច្ចសន្យា​លក់​យន្តហោះ​៣៩​គ្រឿង​ឲ្យ​សិង្ហ​បុរី​ក្នុងតម្លៃ​សរុប​ជិត​១៤​ពាន់​លាន​ដុល្លារ​

ទីភ្នាក់ងារសារព័ត៌មាន Xinhua របស់​ចិន​បាន​ផ្សព្វផ្សាយ​នៅ​ថ្ងៃទី​២៤ ខែតុលា ឆ្នាំ​២០១៧​នេះ​ឲ្យ​ដឹងថា ក្នុង​ដំណើរ​ទស្សនកិច្ច​របស់​លោក Lee Hsien Loong នាយករដ្ឋមន្ត្រី​សិង្ហ​បុរី​ទៅកាន់​សហរដ្ឋអាមេរិក​កាលពី​សប្តាហ៍​មុន គឺ​ទទួលបាន​កិច្ចព្រមព្រៀង​ពាណិជ្ជកម្ម​មួយ​ដ៏​ធំ​ដោយ​សហរដ្ឋអាមេរិក​បាន​ចុះកិច្ចសន្យា​លក់​យន្តហោះ​ធុន Boeing ចំនួន​៣៩​គ្រឿង​ទៅ​ឲ្យ​ប្រទេស​សិង្ហ​បុរី មានតម្លៃ​ចំនួន​១៣,៨​ពាន់​លាន​ដុល្លារ​អាមេរិក ។

Image may contain: 2 people, people standing and suit

​សេចក្តីរាយការណ៍​បាន​ឲ្យ​ដឹងថា លោក Donald Trump ប្រធានាធិបតី​សហរដ្ឋអាមេរិក និង​លោក Lee Hsien Loong នាយករដ្ឋមន្ត្រី​សិង្ហ​បុរី បាន​ធ្វើជា​សាក្សី​ក្នុង​ពី​ធី​ចុះហត្ថលេខា​រវាង​ក្រុមហ៊ុន​អាកាសចរណ៍ Singapore Airlines (SIA) តំណាង​ដោយ​លោក Goh Choon Phong និង​ក្រុមហ៊ុន Boeing តំណាង​ដោយ​លោក Kevin McAllister លើ​ការលក់​-​ទិញ​យន្តហោះ​ចំនួន​ជាង​៣៩​គ្រឿង​មានតម្លៃ​សរុប​១៣,៨​ពាន់​លាន​ដុល្លារ​អាមេរិក ។ លើសពីនេះ ភាគី​ទាំងពីរ​ក៏បាន​ពិភាក្សាគ្នា​ផងដែរ​ស្តីពី​កិច្ចសហប្រតិបត្តិការ​ពា​ណិ​ជ្ជ​កម្ម និង​វិស័យ​ការពារជាតិ ។

Image may contain: airplane

​ក្រុមហ៊ុន​ផលិត​យន្តហោះ Boeing Company ដែល​ដំណើរ​ការផលិត​យន្តហោះ​ដោយ​រោងចក្រ Aerospace Defense របស់​រដ្ឋ​អាមេរិក ត្រូវបាន​បង្កើតឡើង​តាំងពី​ឆ្នាំ​១៩១៦ ពោល​មាន​រយៈពេល​១០១​ឆ្នាំ​ហើយ ។ ក្រុមហ៊ុន​ផលិត​យន្តហោះ​ខ្នាត​យក្ស​របស់​សហរដ្ឋ​អាមេរិក​នេះ​មាន​ដើមទុន​នា​ឆ្នាំ​២០១៦​ប្រមាណ​ជិត​១០០​ពាន់​លាន​ដុល្លារ​អាមេរិក និង​មាន​និយោជិត​បម្រើការ​ងារ​នា​ដើមឆ្នាំ​២០១៧​ចំនួន​ប្រមាណ​១៤៧ ៦៨៣​នាក់ ៕

Image may contain: sky and airplane

Filed in: Feature, សេដ្ឋកិច្ច, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.