ថ្ងៃ ព្រហស្បតិ៍ ទី ២៣ ខែ ឧសភា ឆ្នាំ ២០១៩

ផ្តើម​ដូរ​ដី ! លោកស្រី Yingluck Shinawatra ស្វះស្វែង​សុំ​សិទ្ធិ​ជ្រកកោន​នៅ​ប្រទេស​អង់គ្លេស ក្រោយពេល​តុលាការ​កំពូល​ថៃ​កាត់ទោស​កំបាំងមុខ​ដាក់​ពន្ធនាគារ​៥​ឆ្នាំ​

សារព័ត៌មាន CNN បាន​ផ្សព្វផ្សាយ​នៅ​ថ្ងៃទី​២៩ ខែកញ្ញា ឆ្នាំ​២០១៧​នេះ​ដោយ​ដកស្រង់​ពី​ប្រភព​របស់​គណបក្ស​ភឿ​ថៃ (Pheu Thai Party) ឲ្យ​ដឹងថា លោកស្រី Yingluck Shinawatra អតីត​នាយករដ្ឋមន្ត្រី​ថៃ​កំពុង​ស្វះស្វែង​សុំ​សិទ្ធិ​ជ្រកកោន​នៅ​ប្រទេស​អង់គ្លេស ខណៈ​បច្ចុប្បន្ន​លោកស្រី​កំពុង​ឋិត​នៅ​ទីក្រុង London ប្រទេស​អង់គ្លេស​ស្រាប់ ។

Image may contain: 1 person, standing

​លោកនាយ​ឧ​ត្ត​ម​សេនីយ៍​យោធា Prayut Chan-o-cha នាយករដ្ឋមន្ត្រី​នៃ​របប​យោធា​ថៃ​សព្វថ្ងៃ​បាន​ថ្លែង​កាលពី​ថ្ងៃទី​២៨ ខែកញ្ញា ឆ្នាំ​២០១៧​ម្សិលមិញ​ថា លោកស្រី Yingluck Shinawatra កំពុងស្នាក់នៅ​ទីក្រុង Dubai ប្រទេស​អារ៉ាប់​អេ​មី​រ៉ាត់ ប៉ុន្តែ​ព័ត៌មាន​នេះ​ផ្ទុយគ្នា​ទៅនឹង​ប្រភព​របស់​គណបក្ស​ភឿ​ថៃ​ឲ្យ​ដឹងថា លោកស្រី Yingluck Shinawatra បាន​ចាក​ចេញពី​ទីក្រុង Dubai ទៅកាន់​ប្រទេស​អង់គ្លេស​ប្រមាណ​២​សប្តាហ៍​មកហើយ ។​

Image may contain: 2 people, people smiling, people sitting

​កាលពី​ថ្ងៃទី​២៧ ខែកញ្ញា ឆ្នាំ​២០១៧​កន្លងទៅ​ថ្មីៗ​តុលាការ​កំពូល​ថៃ​បានប្រកាស​សាលដីកា​កំបាំងមុខ​ផ្តន្ទាទោស​លោកស្រី Yingluck Shinawatra ដាក់ពន្ធនាគារ​កំណត់​៥​ឆ្នាំ ពីបទ​ពុករលួយ​ក្នុង​កម្មវិធី​ទិញស្រូវ​ពី​ប្រជាកសិករ​ក្នុងតម្លៃ​ថ្លៃ​ធ្វើ​ឲ្យ​ខាតបង់​ថវិការដ្ឋ​ប្រមាណ​៨​ពាន់​លាន​ដុល្លារ​អាមេរិក ។​

Image may contain: 3 people, people smiling, people standing and outdoor

​អតីត​នាយករដ្ឋមន្ត្រី​ថៃ លោកស្រី Yingluck Shinawatra បាន​ភៀសខ្លួន​ចាកចេញ​ពី​ប្រទេស​ថៃ​តាំងពី​មុនពេល​តុលាការ​កំពូល​ថៃ​ចេញ​ដីកាចាប់ខ្លួន និង​បើកសវនាការ​ជំនុំជម្រះ​ទោស​មកម្ល៉េះ​ឆ្ពោះទៅកាន់​ទីក្រុង Dubai ប្រទេស​អារ៉ាប់​អេ​មី​រ៉ាត់ ជាទី​ដែល​លោក Thaksin Shinawatra អតីត​នាយករដ្ឋមន្ត្រី​ថៃ និង​ត្រូវជា​បងប្រុស​បង្កើត​រប​ស់លោក​ស្រី​កំពុងស្នាក់នៅ ។

Image may contain: 1 person, smiling

​ដោយឡែក នៅ​ទីក្រុង​បាងកក ប្រទេស​ថៃ​ឯណោះ​វិញ ប៉ូលិស និង​ទាហាន​២៥​នាក់​បាន​ចុះ​ឆែកឆេរ​លំនៅឋាន​របស់​លោកស្រី Yingluck Shinawatra ដើម្បី​ប្រមូល​វត្ថុតាង​មួយចំនួន​យកទៅ​ពិនិត្យ DNA សំដៅ​កំណត់​អត្តសញ្ញាណ​ជន​ពាក់ព័ន្ធ​ដល់​ការជួយជ្រោមជ្រែង​លោកស្រី Yingluck Shinawatra ភៀសខ្លួន​ចាកចេញ​ពី​ប្រទេស​ដោយ​សុវត្ថិភាព​នាពេល​កន្លងមក ។

Image may contain: 1 person, smiling, standing

​លោកស្រី Yingluck Shinawatra អាយុ​៥០​ឆ្នាំ ត្រូវជា​ប្អូនស្រី​បង្កើត​លោក Thaksin Shinawatra អតីត​នាយករដ្ឋមន្ត្រី​ថៃ បាន​ជាប់ឆ្នោត​កាន់តំណែង​ជា​នាយករដ្ឋមន្ត្រី​ថៃ​ជា​ស្ត្រី​ដំបូង​គេ​បង្អស់​កាលពី​ឆ្នាំ​២០១១ ប៉ុន្តែ​ត្រូវបាន​រាជរដ្ឋាភិបាល​យោធា​ថៃ​សព្វថ្ងៃ​ធ្វើ​រដ្ឋប្រហារ​ទម្លាក់​ចេញពី​តំណែង​នា​ខែឧសភា ឆ្នាំ​២០១៤ ៕​

Image may contain: 6 people, people standing, tree and outdoor

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.