ថ្ងៃ ពុធ ទី ២២ ខែ កញ្ញា ឆ្នាំ ២០២១

ដល់ពេល​អ៊ីរ៉ង់​អួត​រឿង​គ្រាប់បែក ! មេទ័ព​អ៊ីរ៉ង់​អះអាងថា អ៊ីរ៉ង់​ផលិត​បាន «​ឪ​គ្រាប់បែក​» ខ្លាំង​ជាង «​ម៉ែ​គ្រាប់បែក​» របស់​អាមេរិក

សារព័ត៌មាន Russian Today របស់​រុស្ស៊ី​បាន​ផ្សព្វផ្សាយ​នៅ​ថ្ងៃទី​១៧ ខែកញ្ញា ឆ្នាំ​២០១៧​នេះ ដោយ​ដកស្រង់​សម្តី​លោក Amir Ali Hajizadeh មេបញ្ជាការ​យោធា​ជាន់ខ្ពស់​អ៊ីរ៉ង់​ក្នុង​បទសម្ភាសន៍​ជាមួយ​បណ្តាញ​ទូរទស្សន៍ Press TV នា​ថ្ងៃទី​១៥ ខែកញ្ញា ឆ្នាំ​២០១៧​កន្លងទៅ​ថ្មីៗ​ឲ្យ​ដឹងថា រោងចក្រ​អាវុធ​អ៊ីរ៉ង់​ផលិត​បាន​គ្រាប់បែក​ទម្ងន់​១០​តោន ចាត់ទុកជា «​ឪ​គ្រាប់បែក​» អាច​ទម្លាក់​ពី​យន្តហោះ​ចម្បាំង និង​មាន​សមត្ថភាព​បំផ្លាញ​គោលដៅ​សត្រូវ​ខ្ពស់បំផុត ពោល​គឺមាន​សមត្ថភាព​ខ្លាំង​ជាង «​ម៉ែ​គ្រាប់បែក​» របស់​សហរដ្ឋអាមេរិក ។

Image may contain: fire

​ទោះយ៉ាងណា​ក៏ដោយ លោក Amir Ali Hajizadeh មិនបាន​បញ្ជាក់​អ្វី​លម្អិត​លើសពី​នេះឡើយ​ពាក់ព័ន្ធ​នឹង «​ឪ​គ្រាប់បែក​» ដែល​ប្រទេស​អ៊ីរ៉ង់​ជា​សម្ព័ន្ធមិត្ត​ជាមួយ​រុស្ស៊ី​ផលិត​បាន​នោះ ពីព្រោះ​មហាអំណាច​រុស្ស៊ី​ក៏មាន «​ឪ​គ្រាប់បែក​» ដែរ ។​

Image may contain: fire, sky, cloud, outdoor, nature and food

​តាម​ការពិត សហរដ្ឋអាមេរិក​មាន​កំពូល​គ្រាប់បែក​មួយ​ប្រភេទ​ឈ្មោះ GBU-43/B Massive Ordnance Air Blast (MOAB) ហើយ​ត្រូវបាន​គេ​និយម​ហៅថា The Mother Of All Bombs (​ម៉ែ​គ្រាប់បែក​) ។ គ្រាប់បែក​ប្រភេទ​នេះ​មាន​ទម្ងន់​៩,៨​តោន ប្រវែង​៩,១៨​ម៉ែត្រ និង​មាន​កម្លាំង​ផ្ទុះ​ខ្លាំងក្លា​ស្មើនឹង​កម្លាំង​ផ្ទុះ​របស់ TNT ទម្ងន់​១១​តោន ។ កំពូល​គ្រាប់បែក​នេះ​ធ្លាប់​ត្រូវបាន​កម្លាំងយោធា​សហរដ្ឋអាមេរិក​ប្រើប្រាស់​ដំបូង​ដើម្បី​វាយប្រហារ​ទៅលើ​មូលដ្ឋានទ័ព​ក្រោម​ដី​របស់​ក្រុម​ឧទ្ទាម ISIS នៅ​ប្រទេស​អា​ហ្វ​ហ្គា​នី​ស្ថាន កាលពី​ថ្ងៃទី​១៣ ខែមេសា ឆ្នាំ​២០១៧​កន្លងទៅ បណ្តាល​ឲ្យ​មនុស្ស​ស្លាប់បាត់​បង់ជីវិត​អស់​ជាច្រើន​នាក់ ។

Image may contain: outdoor

​ដោយឡែក មហាអំណាច​រុស្ស៊ី​ក៏មាន​ប្រភេទ​គ្រាប់បែក​ឈ្មោះ ATBIP ដែល​គេ​និយម​ហៅថា The Father Of All Bombs (FOAB) ឬ​ហៅថា «​ឪ​គ្រាប់បែក​» ។ គ្រាប់បែក​ប្រភេទ​នេះ​ត្រូវបាន​ផលិតឡើង​នា​អំឡុង​ឆ្នាំ​២០០៧ មាន​ទម្ងន់​៧,១​តោន និង​មាន​កម្លាំង​ផ្ទុះ​ស្មើនឹង​កម្លាំង​ផ្ទុះ​របស់ TNT ទម្ងន់​៤៤​តោន ៕​

Image may contain: outdoor

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.