ថ្ងៃ សុក្រ ទី ១៩ ខែ សីហា ឆ្នាំ ២០២២

ប្រទេស​សមាជិក NATO មួយ ​ងាក​ពី​អាមេរិក​ រឿង​ទិញ​អាវុធ ! តួ​ក​គី ​បញ្ជា​ទិញ​មី​ស៊ី​ល​ធុន S-400 ពី​រុស្ស៊ី​ដោយ​មិន​ខ្វល់​នឹង​ប្រតិកម្ម​របស់​អាមេរិក​

សារព័ត៌មាន Sputnik របស់​រុស្ស៊ី​ បាន​ផ្សព្វផ្សាយ​នៅ​ថ្ងៃទី​១២ ខែកញ្ញា ឆ្នាំ​២០១៧​នេះ ដោយ​ដកស្រង់​សម្តី​របស់លោក Recep Tayyip Erdogan ប្រធានាធិបតី​ប្រទេស​តួ​ក​គី​ ផ្តល់​បទសម្ភាសន៍​ដល់​សារព័ត៌មាន​ក្នុងស្រុក ​ឲ្យ​ដឹងថា កិច្ចព្រមព្រៀង​ស្តីពី​ការទិញ និង​ប្រគល់​ប្រព័ន្ធ​មី​ស៊ី​ល​ការពារ​ដែនអាកាស​ធុន S-400 របស់​រុស្ស៊ី​ រវាង​តួ​ក​គី  និង​រុស្ស៊ី​ បាន​ចុះហត្ថលេខា និង​បង់ថ្លៃ​ទូទាត់​រួចហើយ ។

​កាលពី​ខែកក្កដា ឆ្នាំ​២០១៧​កន្លងទៅ ប្រទេស​តួ​ក​គី​ ​បានដាក់​សំណើ​បញ្ជា​ទិញ​អាវុធ​មី​ស៊ី​ល​ការពារ​ដែនអាកាស​ធុន S-400 ពី​ប្រទេស​រុស្ស៊ី​ ក្នុង​ទំហំ​ទឹកប្រាក់​សរុប ​រហូតដល់​ទៅ​ប្រមាណ ​២,៥​ពាន់​លាន​ដុល្លារ​អាមេរិក ខណៈ​ការដាក់សំណើ​បញ្ជា​ទិញ​អាវុធ​របស់​តួ​ក​គី ​ពី​ប្រទេស​រុស្ស៊ី​ បានធ្វើ​ឲ្យ​សហរដ្ឋអាមេរិក​ បញ្ចេញ​ប្រតិកម្ម​ស្នើ​ឲ្យ​តួ​ក​គី​បកស្រាយ​ឲ្យ​ច្បាស់លាស់​អំពី​ការទិញ​អាវុធ​នេះ ពីព្រោះ​តួ​ក​គី​ ជា​សមាជិក​អង្គការ NATO ហើយ​ច្បាប់​មូលដ្ឋាន​របស់​អង្គការ NATO គឺ​តម្រូវ​ឲ្យ​សហការគ្នា​ក្នុង​រង្វង់​សម្ព័ន្ធភាព NATO លើ​វិស័យ​សព្វាវុធ ។​

​កា​រស​ម្រេ​ចិត្ត​ចុះហត្ថលេខា​នៅលើ​កិច្ចព្រមព្រៀង​ស្តីពី​ការទិញ និង​ប្រគល់​អាវុធ​មី​ស៊ី​ល​ធុន S-400 របស់​រុស្ស៊ី​ផ្គត់ផ្គង់​ដោយ​ក្រុមហ៊ុន Rosoboronexport រវាង​តួ​ក​គី និង​រុស្ស៊ី គឺ​បានបង្ហាញ​ឲ្យ​ឃើញថា តួ​ក​គី​ ដែលជា​ប្រទេស​សមាជិក​អង្គការ NATO សម្ព័ន្ធមិត្ត​ជាមួយ​អាមេរិក ​លែង​ខ្វល់​អំពី​អាមេរិក និង​ងាករេ​ពី​អាមេរិក​ ហើយ ​ក្នុង​រឿង​ទិញ​សព្វាវុធ​ដើម្បី​ការពារ​សន្តិសុខ​ជាតិ​របស់ខ្លួន ។​

​អាវុធ​មី​ស៊ី​ល​ធុន S-400 ដែលជា​ប្រព័ន្ធ​ខែល​មី​ស៊ី​ល​ការពារ​ដែនអាកាស និង​អង្គការ NATO ហៅថា « SA-21 Growler » គឺជា​សព្វាវុធ​ផលិត​ដោយ​ប្រទេស​រុស្ស៊ី​ ដាក់​ឲ្យ​ប្រើប្រាស់​នា​អំឡុង​ឆ្នាំ​២០០៧ មាន​ចំនួន​ប្រមាណ ​២០០​ប្រព័ន្ធ និង​ក្នុង​មួយ​ប្រព័ន្ធ​មានតម្លៃ​ប្រមាណ ​៤០០​លាន​ដុល្លារ​អាមេរិក ។ មី​ស៊ី​ល​ប្រភេទ​នេះ​អាច​វាយប្រហារ​គោលដៅ​នៅលើ​អាកាស​ដូចជា មី​ស៊ី​ល​ផ្លោង​ឆ្លង​ទ្វីប ( ICBM ) និង​យន្តហោះ​ចម្បាំង​ ក្នុង​រង្វង់​ប្រតិបត្តិការ​ចម្ងាយ​ប្រមាណ​ ៤០០​គីឡូម៉ែត្រ ជាមួយនឹង​ល្បឿន​ប្រមាណ ​១៧ ០០០​គីឡូម៉ែត្រ​ ក្នុង​១​ម៉ោង ៕​

Filed in: Feature, អន្តរជាតិ

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 011 728 471 / 015 868 753.E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.