ថ្ងៃ អង្គារ ទី ១៨ ខែ ធ្នូ ឆ្នាំ ២០១៨

ផ្លូវការ​ហើយ ! PSG ខ្ចី​ជើង Mbappe ពី Monaco បានសម្រេច​ និងឈានដល់ការ​ផ្ទេរ​មកផ្លូវការនា​រដូវ​កាល​ក្រោយ​ក្នុងតម្លៃ​ដ៏​ថ្លៃ​

ក្លឹប​អ្នកមាន​របស់​បារាំង Paris Saint-Germain បានសម្រេច​បំណង​របស់ខ្លួន​ក្នុង​ការនាំយក​ខ្សែប្រយុទ្ធ​ដ៏​ឆ្នើម​របស់ AS Monaco បាន​ជោគជ័យ​ហើយ ។​

Image may contain: 1 person, outdoor

Paris St-Germain បាន​ចុះហត្ថលេខា​យក Kylian Mbappe បានសម្រេច​ក្នុង​លក្ខខណ្ឌ​ខ្ចី​ជើង​មួយ​រដូវ​កាល និង​មាន​សិទ្ធិ​ទិញ​ផ្តាច់​នា​រដូវ​កាល​ក្រោយ​ក្នុងតម្លៃ​១៦៥,៧​លាន​ផោន ។​

Image may contain: 1 person, smiling

​ចំណែកឯ​ការផ្ទេរ​កីឡាករ​វ័យ​១៨​ឆ្នាំ​រូបនេះ​មក PSG ផ្លូវការ​នឹងធ្វើ​ឡើង​ចាប់ពី​ថ្ងៃទី​៣០ ខែមិថុនា ឆ្នាំ​២០១៨​ខាងមុខនេះ ដែល​សុពលភាព​របស់គេ​អាច​រួមរស់​ជាមួយ PSG រហូតដល់​ឆ្នាំ​២០២២​ឯណោះ ពោល​គឺមាន​រយៈពេលរ​ហូត​ដល់​ទៅ​៥​ឆ្នាំ ។​

Image may contain: one or more people and people playing sports

​ប្រិយមិត្ត​ពិតជា​ឆ្ងល់​ហើយ​ថា​ហេតុអ្វី​បានជា PSG មិន​ទិញ Mbappe ពី Monaco ផ្លូវការ​តែម្តងទៅ ? មូលហេតុ​ដោយសារតែ​អំឡុងពេល​ទីផ្សារ​ទិញ​កីឡារ​ក្លឹប​អ្នកមាន​របស់​បារាំង​មួយ​នេះ​បាន​ផ្ទេរ Neymar ពី Barcelona ក្នុងតម្លៃ​ខ្លួន​២២២​លាន​អឺរ៉ូ​រួចមកហើយ ដែលជា​តម្លៃ​បំបែក​កំណត់ត្រា​ពិភពលោក ដូច្នេះ​ដើម្បី​បញ្ចៀស​ពី​ការផាកពិន័យ​របស់ UEFA ចំពោះ​ក្លិប​ដែល​ចាយលុយ​ទិញ​កីឡាករ​លើសលប់​ក្នុង​មួយ​រដូវ​កាល ទើប PSG សម្រេច​ផ្ទេរ Mbappe មក​ក្នុង​លក្ខខណ្ឌ​ខ្ចី​ជើង​បែបនេះ ។​

Image may contain: 2 people, people playing sports, stadium and outdoor

​គួរបញ្ជាក់​ជូន​ដែរ​ថា កាលពី​រដូវ​កាល​មុន Mbappe បាន​ជួយ Monaco ឈ្នះ​ជើងឯក​លី​គ​កំពូល​របស់​បារាំង និង​ជួយ​ក្រុម​ឡើងដល់​វគ្គ​ពាក់កណ្តាល​ផ្តាច់ព្រ័ត្រ UEFA Champions League និង​ស៊ុត​បញ្ចូល​ទី​បាន​១៥​គ្រាប់​ឲ្យ Monaco រដូវ​កាល ២០១៦-២០១៧ ៕​

Image may contain: one or more people, people playing sports and outdoor

Image may contain: 1 person, playing a sport and outdoor

ប្រភព៖ Dailymail

Filed in: Feature, កីឡា

Recent Posts

Bookmark and Promote!

  • © ២០១៣ រក្សាសិទ្ធិដោយ​សារព័ត៌មាន​ដើមត្នោត.Tel ៖ 012 858 205, 015 745 215 E-mail ៖ deumtnotnews@gmail.com
    ដើមត្នោត​​ ចាត់ទុក​ជា​រុក្ខជាតិ​និមិត្តរូបជាតិ​នៃ​ព្រះរាជាណាចក្រ​កម្ពុជា ដោយ​ព្រះរាជក្រឹត្យ​លេខ នស/រកត/០៣០៥/១៤៩ ចុះថ្ងៃទី២១​ ខែមីនា ឆ្នាំ២០០៥
    ចូលរួម​ការពារ​ និង​ លើក​តម្លៃ​ដើមត្នោត​ ដើម្បី​រក្សា​នូវ​កេរ​ដំណែល​នៃ​មរតក​ធម្មជាតិ​ជានិមិត្តរូប​ជាតិ និង​ ដើម្បី​ការអភិវឌ្ឍសេដ្ឋកិច្ច​ជាតិ
    Proudly designed by Theme Junkie.